| Bräute 2013 |
|
|
1 .. 1798 .. 3594 3595 3596 3597 3598 .. 3678 .. 3757
|
valey  am 02.04.2015
Re: Bräute 2013
hey sonne
bi mer alles guet ussert ab und zue nochi ss symptom...
jöö wie gohts dinere Mädels? sind inzwische sicher mega gwachse...
schöne ostertäg allne au vo mir 
|
|
|
himbeer am 02.04.2015
Re: Bräute 2013
ah da sinder ja all :-)
schön vo dir z ghöre valey und schön, gahts dir guet!
äh ja also wenn mer scho so bim thema sind hani au no neuigkeite für eu... mir händ in erster linie müesse zügle will mer au bald bedarf für es chinderzimmer händ 
|
valey am 02.04.2015
Re: Bräute 2013
Ohhh himbeer gratuliereee :))
Wenn isches denn so wit? :love
|
himbeer am 02.04.2015
Re: Bräute 2013
haha danke! im oktober sötts cho. bi jetz i de 14. wuche.
|
Emma13 am 02.04.2015
Re: Bräute 2013
Himpiiiii ich hans doch heimlich vermuetet Gratuliere vo Herze, sone wunderschöni News! :)
Valey schön wieder vo dir zlese, gaht au nüm lang oder? Hesch sicher scho ganz e schöni Chugle..
Eus gahts guet, de chli isch en Goldschatz und ich gnüssen so fest, freumi mega uf die paar Freitäg mit mim Maa zäme 
Ich han scho chli dekoriert, Schoggi- und Zuckereili ufem Tisch, Häsli und farbigi Eili als Deko umenand gstreut.. ganz kitschig halt
Allne e schöni Ostere!
|
sonne13 am 02.04.2015
Re: Bräute 2013
Wow himbeer, herzliche glückwunsch!!! so schön!!! Gohts dir guet? Alles ok sowiit? Das isch jo ähnlich wie bi mir letscht johr! Be glaubs um die ziit au in de 13. oder 14. wuche gsii so gnau weissis nümm
|
himbeer am 02.04.2015
Re: Bräute 2013
hahaha emma, warum heimlich vermuetet?
ich ha null deko, ha denkt das hät so churz nachem zügle kei priorität. aber ich muess scho nochli öpis bsorge, schliesslich hani zweimal osterbrunch bi mir dihei, da muessi scho no chli öpis büüte ;-)
|
sonne13 am 02.04.2015
Re: Bräute 2013
Valey, eusi mädels sind wirkli wahnsinnig gwachse! Es goht soooo schnell! Sind scho 6.7 und 7.4 kg schwär!!! Mängisch gohts mer fascht z schnell, würds gärn meh chönne gniesse, aber das esch ned emmer eifach mer zwei so chliine und es isch au wunderschön z gseh wie sie sich entwickled!
|
himbeer am 02.04.2015
Re: Bräute 2013
danke sunne!
ja es isch alles im grüene bereich eigentlich. es isch mer glücklicherwiis eigentlich meistens guet gange, also nie schlecht und erbreche hani au nöd müesse. mir isch amigs chli flau gsi im mage, nöd so viel atrieb, am abig müed (zum glück au nöd de tag dur) und ich ha immer chöne esse wasi ha welle. trotzdem sind die letzte wuche scho recht astrengend gsi und ich hoff es wird wieder chli eifacher jetzt. am samstig hani scho mal en richtig guete tag gha
|
Emma13 am 02.04.2015
Re: Bräute 2013
ihihi weiss nöd, so husch husch zügle.. han irgendwie denkt dass da öpis chönt dehinter stecke  wie gahts dir?
|
|
|
1 .. 1798 .. 3594 3595 3596 3597 3598 .. 3678 .. 3757
|
Anmelden
