| Bräute 2013 |
|
|
1 .. 1802 .. 3601 3602 3603 3604 3605 .. 3681 .. 3757
|
valey  am 28.04.2015
Re: Bräute 2013
Isch echt toll dass so schnell weder klappt hed bi eu :) freut mi echt sehr :)
Jaaa isch echt so... Langsam ben ich chli ungeduldig hihi :)
Warte nur no bis euse chlii startsignal geht ;-) gnūsses aber nochi kraft tanke und ruhig neh
|
|
|
himbeer am 28.04.2015
Re: Bräute 2013
ui lilly, ihr sind ja würkli zwei fruchtbari 
gratuliere ganz herzlich! demfall sind mir zwei dasmal zäme schwanger, hahaha  i wellere wuche bisch?
@valey: ja es isch wunderbar gange alles. trotz viel laufe und sightseeing ischs mer super gange, sehr unkompliziert isches gsi. chli meh päusli als susch und jewils chli früehner is bett als letztmal, aber susch isches gsi als wäri gar nöd schwanger. aber glaub viel später würdi kei langstreckeflüg mache wenn sichs vermiide laht, es isch schochli astrengender. aber zum glück hani jetz nur no städtereise innerhalb vo europa plant und denn d summerferie sind mitem auto, denn isch mer au chli flexibler.
|
Lilly4  am 28.04.2015
Re: Bräute 2013
jöö danke valey :-*
hihi ich chan das sehr guet nahfühle ;) geg dä schluss bini au ganz ungeduldig worde (zum glück hät sich dä luis 8 täg vorem termin uf dä weg gmacht) han nämli scho det gfunde chönti langsam los gah hehe ... aber super dass die ziit no gnüssisch und probiersch chraft z tanke, das isch wichtig und no alles erledige wo där wichtig isch  viel schlafe und eifach nur relaxe am beschte chch
OH JA HIMBEER, das chasch luut säge  min ma und ich hättet das aber beid nöd dänkt das es so 'eifach' si wird bi eus (wege mier) aber hät eus grad s gegeteil bewiese und zwar zwei mal <3 chan so au allne muet mache wo kein regelmässige zyklus händ, mer chan sehr guet trotzdem schwanger werde 
bin jetzt i dä 11te wuche ... muess aber ehrlich säge dasi sit dä 5te wuche ziemli am liede bin :( han alles woni bim luis gaaar nöd gha han ... janu, weiss ja wofür ich das alles dure mach <3<3<3 und han t hoffnig das es bald berguf gaht, gli isch ja s erschte trimeschter dure ...
cool häsch es so super chöne gnüsse z ny, häsch grad die richtig ziit verwütscht! je wiiter fortgschritte, desto asträngender und ich glaub abem 7te monet tüend t fluggsellschafte au bitz schwierig und lönd schwangeri zum teil nüm mitflüge oder abem 8te, weiss es au nüm gnau! ok, im 8te monet wür ich glaubs au nirgends meh ane flüge
ihr wend eigentlich wüsse was es wird? oder lönder eu überrasche? bzw. werdeters nöd verrate? mir machets wohl wieder genau glich wie bim luis: wends unbedingt wüsse hihi
|
himbeer am 28.04.2015
Re: Bräute 2013
ja ich ha mal us neugier chli nahgläse, bi de einte gsellschafte isch ab de 32 scho schluss, anderi nämed eim bis zu de 36 no mit. ich müessts aber au nöd ha falls es nöd notwendig isch. nur scho dasi mindestens 7 mal ha müesse ufs hüsli isch müehsam gsi, hahaha.
ah demfall gits es ends-novemberli? denn sind mer fast 2 mönet usenand. und scho lustig wie unterschiedlich die schwangerschafte chönd sii. ich hoff es gaht dir bald wieder besser!
mir wänd gern wüsse wases git. hoffentlich erfahred mers nächst wuche, denn hani de nächst untersuech. ich bi aber nonig sicher öb mers denn au säged, will min papi sich gern würd überrasche lah und es isch natürlich schwierig das gheimzbhalte wenns anderi scho wüssed. mal güxle wie mer eus denn entscheided.
|
dandi78 am 28.04.2015
Re: Bräute 2013
hallo zäme
hey lilly, gratuliere ganz härzlich zur zwöite SS. schön dass es grad wieder igschlage het. dir heit do anschinend meh glück als mir. mir warte leider immer no, dass es mou ischloht... 
valey, dir wünschi no e schöni zit vor der geburt und de natürlich alles gueti!
himbeer, ha dini föteli gse uf fb vo ny... uhhh, be aso grad chli nidisch worde. ny esch eifach sone tolli stadt! möcht unbedingt au wieder go. mir göi i vier wuche uf mailand für vier täg. zwöi täg ad expo (weltusstellig) und zwöi täg sightseeing und shopping. juhuuu! grossi strandferie ligge das johr leider nid drin wägem baue. aber evtl. göi mer endi august spontan no e wuche in europa as meer. mou luege obs drin lit.
|
Lilly4 am 28.04.2015
Re: Bräute 2013
oke... ja so hans mer au öpe dänkt mitem flüge! haha uf das mitem immer uf s hüsli gah freu mi gaar nöd vorallem i dä nacht aber weiss no, direkt nach dä geburt isch das voll und ganz weg gsi :) + wieder chöne ufem buch schlafe isch au herrlich gsi :)) (jetzt gaht das au no) aber irgendwenn dänn mal unmöglich
also dä termin händs uf dä 18.11. usgrechnet... wenn häsch dänn du dine?
oh so spannend und mega speziell möcht din papi sich überrasche lah - schön wämer das chan! mir händs ja bim luis au mal vorgha, aber chasch vergesse und schlussentlich simer au froh gsi hämers gwüsst und au allne gseit, so isch niemert uf t idee cho z rate was es isch ahand vo mim buch oder was au immer
ohje (dä luis hät ja scho 5 zähnli) und sit hüt hätter entdeckt wiemer mit däne knirsche chan :)) ... super!! :p
dandi, das tuet mer leid das es bis jetzt nonig igschlage hät... aber eifach nie t hoffnig ufgäh, dä richtig ziitpunkt wird au no für eu cho <3 drucke fescht t dumme!!!
|
himbeer am 28.04.2015
Re: Bräute 2013
ou milano, das isch sicher au mega spannend! ich bi no nie gsi, nur mal mitem auto falsch abboge und drum i de stadt glandet, aber das isch nöd empfehlenswert, hahaha. ou ich drucke au fest duume! jetz bisch ja in behandlig, oder? denn klappts sicher au bald bi eu!
ja ich weiss ebe nonig wie das söll gah das min papi nüt wott wüsse aber de rest scho. entweder säged mers allne oder niemerem... aber ich selber wots uf all fäll wüsse. ich ha nur chli angst das mer bimene meitli vo allne rosarots züg gschänkt überchunnt, hahaha. rate tüend jetz au scho all. und kommentiere sowieso, ich heg scho en riesige buuch meined all. er isch würkli chli explodiert i de letzte 2,3 wuche. min termin isch de 6. oktober. denn sind mer ja gar nöd so wiit usenand
wie gseht eigentlich d wohnigssuechi bi eu us? wänder jetz vorem herbst no zügle?
|
dandi78 am 28.04.2015
Re: Bräute 2013
nei, be nid in behandlig. mir hei bis jetz eifach "normal" witer gmacht . falls es aber demnächst nid sött klappe, wärde mer mou es spermiogramm lo mache. nachhär chöi mer witer luege.
wie esch es eigentlich i der neue wohnig? heit der euch scho guet igläbt? und besch scho am chinderzimmer irechte?  eg möchts glaub au wüsse was es git. weiss aber nid, obi mi nid plötzlich würd verschnore... aber das wär jo au nid so schlimm
|
Lilly4 am 28.04.2015
Re: Bräute 2013
hmm nei! also ich glaub vorem herbscht no go zügle wär zu stressig und dänn würs mer au kei freud mache... bin im moment eh chli mit mier selber, mit dä übel, müed und erschöpfigkeit am kämpfe:/ ganz extrem das mal ABER mer händ eus am fritig für e wohnig beworbe wo uf dä summer 2016 bezugsbereit wär :) mal luege ob das det klappet! das wär natürli perfekt, dänn wär s zweite chnöpfli au scho halbjährig und i dä überbauuig hättis sogar en chindergarte + liet grad am see meega schön!! ha di au grad welle fröge, wie t dandi, wie gfallts eu eigentlich i dä neue wohnig? händer eu scho guet iglebt? und jetzt macheter eu langsam as chinderzimmer? hihi ...
das isch das mal no agnehm bi eus, händ ja alles (zum glück hani s meischte neutral ikauft) so chömers grad für s zweite übernäh  was mer aber driiingend bruchet isch es grössers auto, fahret immer no mit some chline pfüder umenand und en grössere (vermuetli zwillings) chinderwaage... aber suscht hämer ja alles :)) und nonig mal verstaubt
das isch super macheter das dandi! ich han mim ma au immer gseit (ok bin au sehr e ungeduldigi) das mer dänn nöd länger als 3-6 mönet üebet bis ich dänn en termin bi dä fa mache... ha scho viel ghört das es zum teil au nur chlinigkeite sind wos verhinderet:/ (bi mier wär s problem ja zwar klar gsi) aber amig isch es wüki nüd grosses und wenn das dänn behobe isch gahts wie dä blitz und mer isch schwanger ich wünsch eu wüki vo herze s bescht und drucke fescht t dumme!!! für all natürli wo grad am üebe sind
|
elea am 28.04.2015
Re: Bräute 2013
hallo zeme
höt am morge früeh beni do em forum go gügsle ob öper gschrebe het. NÜT esch gsi :(
ond was lesi jetzt par stond spöter?
lily das freut mi waaaaahhhhnsennig! gratuliere ganz herzlich zode 2te schwangerschaft! soooo schön und sooo ufregend! i freue mi reeesig för euch
valey besch em endspurt? schaffsch no oder nömme? jetzt hesch denk no öpe 2 woche oder so gell?
i be am warte bessi zom 2te mol gotti werde :) de chlii herr esch scho 3 täg dröber und sis mami esch am verzwiifle ond mag nöm warte :)
wönsch euch en ganz e schöne obe zeme
|
|
|
1 .. 1802 .. 3601 3602 3603 3604 3605 .. 3681 .. 3757
|
Anmelden
