| Bräute 2013 |
|
|
1 .. 1803 .. 3603 3604 3605 3606 3607 .. 3682 .. 3757
|
himbeer  am 29.04.2015
Re: Bräute 2013
ja ich bin auch gespannt, wenn igor ein mädchen sein sollte, werden wir den arbeitstitel auf svetlana abändern, das ist schon besprochen 
hier, wir haben uns für das modell stuva entschieden:
http://www.ikea.com/ch/de/catalog/catego.../20152_cocb09a/
die auflage ist zwar auch überhängend, das wollten wir ja eigentlich nicht. aber sie ist so gross und breit, dass wir die wichtigsten sachen neben die wickelauflage stellen können, so müssen wir nicht während dem wickeln nach sachen fischen und der überhang sollte nicht gross stören. für kleider etc. holen wir uns noch den passenden schrank und nutzen dann die unterschränke der kommode nur als lager für verbrauchsmaterial wie windeln o.ä. so sind wir mit knapp 600 franken für die kompletten möbel weggekommen, das ist echt ein schnäppchen. und mir gefällt das zeitlose design. neben dem schrank brauchen wir dann eigentlich nur noch einen passenden teppich, ein paar bilder und vielleicht einen bequemen stuhl, aber dafür ist noch genügend zeit. erstmal ist dann der kinderwagen dran.
ja ich bi echt froh dass das klappt hät mitem unbezahlte urlaub. jetzt muessi nur no min job wieder übercho nachher (oder öpis anders, isch mer eigentlich glich, nur im unternähme bliibe würdi eigetnli scho gern), das wär perfekt. e nachsorgehebamme hani au scho und s spital isch ja gsetzt, mir sind also nöd schlecht unterwegs.
|
|
|
snet am 29.04.2015
Re: Bräute 2013
Ich tippe bei dir ja auf eine Svetlana 
Ja, CHF 600 ist echt günstig für alles zusammen. Ich glaube unser Zimmer hat etwa CHF 1'000 gekostet, aber der Wickeltisch mit CHF 480 war halt das Teuerste.
Theoretisch hat ja jetzt Lilly einen Kinderwagen zu verkaufen oder nicht? Sie möchte ja einen Zwillingskinderwagen für ihre zwei Knöpfe 
Wann erfährst du denn ob du dort weiterarbeiten kannst?
|
himbeer am 30.04.2015
Re: Bräute 2013
hihi dann bist du erst die zweite, die auf ein mädchen tippt. mein umfeld ist quasi geschlossen der meinung, dass es ein büebli gibt. aber stimmt eigentlich, die mädels sind in unserer gruppe ziemlich untervertreten.
ich glaube, wir müssen wegen dem wagen auch mal in einem fachgeschäft vorbei und schauen, welche modelle überhaupt geeignet sind. mein mann ist 20cm grösser als ich und da müssen wir etwas finden, was für beide gut passt.
meine chefin meinte, dass wir bestimmt bis zum herbst dann wissen, wie es weitergehen soll. ich wüsste einfach gern vor antritt des mutterschaftsurlaubs, wie es nachher aussieht... schliesslich müsste ich dann kündigen, wenn ich nicht bleiben kann. wäre schon mega schade. ich denke, es hängt auch ein bisschen davon ab, wie der wiedereinstieg meiner kollegin nach ihrem mutterschaftsurlaub läuft. wenn meine chefin merkt, dass teilzeit kein problem ist, wird es sicher einfacher, für mich auch eine teilzeitstelle hier zu finden.
|
sonne13 am 30.04.2015
Re: Bräute 2013
Huhu zusammen! Mich gibts auch noch
Wow lilly, vollgas gratuliere rächt härzlich und wünsch der ganz e tolli zweiti schwangerschaft! Jösses, ich cha mir gar ned vorstelle "scho" wieder schwanger z sii aber mit zwei ischs wohl scho chli anderscht. Hütt hani mit eme maa gred wo letscht summer vater worde isch und de seid dä zu mir: ganz ehrlich, zwilling, das hätti ned überläbt. Hihi, also mir läbed no aber sträng isch es scho, und will eus d ärzt gseid hend d chance nomol zwilling z becho seig sehr höch bliibts be eus wohl bi de beide mädels jo, und wenn en kaiserschnitt gha hesch denn setted geburte eh zwei johr usenand ligge, vo det her chäms also eh au no ned in frog. Aber ebe, mir bliibed wohl z vierte...
Valey, ganz e guete räscht! So schön, bald dörfed ihr euches büebli begrüesse! Alles, alles gueti und e wunderbare gmeinsame start!!!
Also ich find au dass s meitli langsam verstärchig bruuched be jo gspannt
Himbeer, drück der düüme dass es klappt mitem job nochem muetterschaftsurlaub!!!
Elea, toll freusch di ufs schaffe! Ich gniesses extrem und goh au sehr gärn! Ich han ganz e tolle job jetzt und de tag usziit isch chli wie ferie
Dandi, verfolge euche bau alle uf de föteli uf fb. Läck wie schnell das goht! So spannend! Und ich wünsch der wirklich vo ganzem härze dass es au be euch bald no en chliine huusbewohner meh gid!
Sodeli, ich goh is bett. Zwei zahnendi chind sind ganz schön aasträngend, vor allem i de nacht, drumm mach mi au uuf id fädere bis bald mol wieder, macheds guet!
|
elea am 01.05.2015
Re: Bräute 2013
Guete morge zeme
Dandi, wie wiit sends scho of de boustell? Ha leider jo ke FB drum chanis det ned metverfolge! Bes jez esch jo super gsi met dem milde früehlig de chömes secher guet vorah!
Himbi, aso i tippe au mol of es meitli! :) d mädels vode sonne bruche verstärchig ;)
Wegem grösse ondersched zom maa ond em chenderwage. Ja das problem hemmer au gha, mi ma esch 23cm grösser as i. Mer hend e chinderwaage wome de lenk-bögel mega super cha verstelle. Das esch super för eus beidi. Glaube das esch bide meiste wäge scho fast standart. Obd gleb s beste esch wenn me sech vorher öberleit ob me meh is gländ (wald etc) goht oder me ed stadt (öv, läde etc)....
Snet, ha no wele schribe wege dinere deo frog vor paar täg. I ha zerst s vichy gha ohni aluminium, das hani aber gar ned guet gfonde obwohl i voll de fan vo dere marke ben. Lostigerwis eschs vell gönstigere nivea super. Aso i merke scho dass me definitiv eher mol schwetz met emne aluminium freie deo. Aber be froh hani vor se ss gwechslet. Das aluminium sell jo schiins rechta geft si (guet waa scho ned hötzotags... ;)
gester hani no s gspröch met mim chef gha welli jo wet abpumpe em gscheft. Er onderstötzt das voll ond da erliechteret mi mega!
Hoffe bi euch scheffets ned so gruusig wi bi eus ;)
|
LucyLu  am 01.05.2015
Re: Bräute 2013
Guete Morge Mitenand
Meld mi au wieder mal. Ha hüt Frei (1. Mai in ZH) und leider macht ja s'Wetter nöd so mit.
@ Lilly: heieiei, ihr gebet ja würkli grad Vollgas Gratuliere herzlich zu 2. SS. Hoffe es gaht guet und wünsch dir ä super SS. Evtl. gits ja würkli es Meitli?
@ himbeer: weiss gar nöd ob ich dir scho gratuliert ha? Uf jedefall freui ich mich für dich das es klappt hat trotzt dem Monsterzyklus. Alles gueti und ä gueti SS . Druck der Düme das es mitem Job klappet.
@ elea: Das freut mich das de Chef das unterstützt mitem Abpumpe, isch sicher au ä ehrlichterig für Dich. Wenn fangsch wieder ah schaffe?
@ dandi: bin au immer wieder d'Föteli am bestune im FB. Gaht würkli rasch vorwärts. Wenn isch bezugstermin?
@ valey: guete Endspurt und freui mi denn uf de Bricht…
@ me: ha doch au na news: mir händ au es Huus kauft im Herbst söt Baubeginn sih. Ich freui mi iiirsinnig drüber und min Maa und ich sind scho fliessig am überlege was mer gern möchtet, welle Bode, welli Plättli etc. Wird sicher sehr ä ufregendi Ziit werde. Bin sehr gspanne druf. Isch jetzt doch schneller gange als mer denkt händ.
Vonere SS chani leider au nanig brichte, de Storch hät de Weg leider nanig zu ois gfunde. Aber ja, da mümer halt nachli Geduld ha. Aber ebä, i dere Sach isch Geduld ha ächli schwierig 
Liebs Grüessli
LucyLu
|
snet am 04.05.2015
Re: Bräute 2013
MoinMoin
Hattet ihr alle zusammen ein schönes Wochenende? Das Wetter war ja nicht gerade berauschend...
@elea: Das Deo von Nivea hatte ich auch schon (Roll-on), aber war auch nicht 100% zufrieden. Ich habe noch gesehen, dass es von Petit Marsellaise (schreibt man das so?) aluminiumfreies Deo gibt, aber das hat wiederum Alkohol drin. Und das mag ich auch nicht vertragen. Lustigerweise hat kein Axe Deo Aluminium drin.
Toll, dass dich dein Arbeitgeber beim Abpumpen unterstützt. Aber er hat eigentlich keine Wahl. Gesetzlich ist die Zeit, die man zum Abpumpen verwenden muss, vom Arbeitgeber zu bezahlen, sprich Arbeitszeit. Entscheidest du dich über Mittag heimzugehen, damit du stillen kannst, muss der Arbeitgeber für die Hälfte der Mittagspause aufkommen.
@LucyLu: So toll, dass ihr ein Haus gekauft habt. Ui, ich würde mich ja schon voll beim Einrichten sehen und immer mehr verrückt werden. Ich würde auch gerne mal wieder etwas rumwerken, aber ich habe noch keine Idee was mein nächstes Projekt sein soll. Momentan bin ich am Projekt Garten, aber so ziemlich alles was ich angepflanzt habe, ist noch nicht wirklich gekommen (oder wird vielleicht erst gar nie zum Leben erwachen...)
|
himbeer am 04.05.2015
Re: Bräute 2013
hallo mitenand!
ui da gits ja news, so schön lucy mit euem huus! das isch ja au es projekt, mega spannend! euses huusprojekt isch momentan chli uf iis gleit. mir händ grad am weekend besproche dasses eus nöd so pressiert, d wohnig isch jetz fürs erste super für eus und mir widmed eus jetzt zerst am andere chline projekt, bevor mer das apacked. mir händ ziit :D
|
elea am 05.05.2015
Re: Bräute 2013
Morge zeme
Lucylu, i 2woche fohni weder a schaffe (60%).
Wow so cool Wegrm huus! dDandi chader secher tipps ge wie me d nerve bhaltet :D dasch so es ufregends und tolls projekt. Ebe vorallem di ganz planig und s züg ussueche! Haltisch eus ofem laufennde gell? :)
Eschs schwerig gsi es passends grondstöck zfende?
Snet, ja i weiss dassi 90min zguet ha protag. Aber de chef cha eim s lebe au bez schwerig mache wenn ehm das ned passt. Ond das wer unagnehm. Be dorom froh onderstötzt er das. Das esch gleb ned selbstverständlich.
Wegem deo, jä wiso besch denn met all dene ned zfrede? Ohni aluminium eschs deo natürli emmer schwächer as wenns aluminium denne hetti. Me schwetz emmer bezeli meh met so emne deo. De körper gwöhnt sech zwar dra nach emne zitli aber me so guet wo es "normals" deo eschs nie. Velecht blibsch lieber bi emne normal wennd kea aluminium freis fendsch wod zfrede besch..
|
dandi78 am 11.05.2015
Re: Bräute 2013
Guete morge zäme
Eg ha die letschte paar Iträg leider erscht jetz gse. Ha wieder mou keni Mails me übercho 
Hey Lucylu, so cool dass der es Hus kauft heit. Gratuliere! Wie alt esch es denne? Und müesst der vöu dra mache bevor der chöit izieh? Soo spannend. Jetz chani mi ame chli mit öpperem ustusche wenns drum goht Sache uszsueche
Be eus gohts würklich rassig vorwärts. Be immer wieder erstuhnt wie schnell dass es goht, weni ufd Baustell go. Die Wuche wird s'Dach vom UG gmacht und de chöi si scho mitem EG afoh. Am 11.6. sött scho Ufrichti si, het euse Baumeister gmeint . E cha mer das zwar noni würklech vorstöue, aber eg lo mi gärn lo überrasche  . Elea, eg schicke der es paar Föteli, damit au gsehsch wies jetz usgseht.
LucyLu, dämfau sit dir au am "üebe" sozsäge? Eg wünsche euch ganz vöu Glück dass es gli klappet. Wär weiss, velich si mir zwöi jo de mou zäme schwanger
Wünsche euch aune e churzwiilige Mäntig
|
|
|
1 .. 1803 .. 3603 3604 3605 3606 3607 .. 3682 .. 3757
|
Anmelden
