uf so kitschigs züg stahn ich au nöd so... gschänkli sind aber no viel so gsi däfür han ich das woni selber bin go poschte eher schlicht ghalte, mer chan ja guet mit chline details alles chli farbiger mache und au schnell wieder uswechsle, falls es eim sött vertleide aber ebe, das isch gschmacksach... ich han vorallem probiert t sache eher neutral z halte, so das mers jetzt au für s zweite no guet chönd bruche!mir händ ja scho vorem luis gwüsst das mer eusi zwei (wenns klappet) nöch wend so chömer grad alles stah lah :)

genau elea, das isch dä tescht wo alles def weisch... isch ja däfür au nöd grad günschtig und ebe muesch selber zahle! da ich jetzt nüm bruefstätig bin, mir erscht grad es neus auto kauft händ und nöchscht jahr züglet, isch es bim zweite leider finanziell nöd drin glegä und drum hämer das mal dä wahrschinlichkeits tescht gmacht!

mit dä übelkeit isch nüm sooo schlimm, aber ganz weg leider au nonig :/ die erschte 13 wuche sind ja wüki IMMER schlimm gsi, hani nöd emal en schlechte oder guete tag gha, sind immer schlechti gsi :( jetzt hani mal en guete und zwüsched dure aber leider au wieder schlechteri, aber es isch sicher agnehmer worde... hoff gaht no ganz weg !!!! scho luschtig wie unterschiedlich sie zwei schwangerschafte sind, merks extrem!!

elea, wie gahts euem chline schätzli? sicher au scho wieder mega gwachse!?

super snet das eue chline scho so fortschritt gmacht hät, scho schön wiemer das so chan beobachte, gäll? <3 dä luis chrücht mittlerwilä wild umenand, isch nüm z stoppe und zieht sich üüüberall ufe !! gheit däfür au 100x am tag um oder schlaht sich a (aber das ghört halt au däzue) nur so chaners lerne... hät uf jedefall innert churzer ziit extremi schüüb gmacht, krass! fascht vo eim tag uf dä ander han au s gfühl zah nr. 7 isch unterwegs !! und er seit 'mama'

• Zitieren

Morge zeme

Ja lily hass genau glich gmacht ond alles eher schlecht ghalte. S gschlecht weiss me vorher jo au nie zo 100% ond wenn de alles pink esch onds plötzli e bueb werd... Ja dasch de eher speziell... Ond wi du seisch, so vetleidets eim au Ned so.


ahhh ehr redet vom grossr test? Wiso hend ehr denn de gmacht? Mini fa het drom gmeint das macht si nor bi risiko-ss

merci förs nohfroge ;) am chliine gohts tiptop. Er grifft jez scho rechtig spellzüg ond het agfange rechtig luut z lache. Aso das baby giggele
i merke jez zwar dass ehn das extrem irritiert dassi die 3täg jez ned ome be. er het ned all schope welle ne wo ehm d grosis ge hend ond sin ganze rhytmus esch bez zonderobsi. Er muss sech halt au zerst a die ad grosis gwöhne aber das chont scho ond brucht halt zit..
Musa der weder mol fötei schecke :)
Yeah dud er jez rechtig chrabble. So cool :) dascj e reese meilestei fendi. Ond dads er mama seitt esch mega schön of da wartet gleb jedes mami ;)

• Zitieren

sodeli... das isch eini vo mine iischlagdeckene für de maxicosi. modäll lidl supergünschtig ;-) ich ha eini in rosa (bild) und eini in beige... es gid natürlich no viel tolleri vo diverse marke, choschted aber au meh. es gid au no so super-iischlagdeckene für wirklich im winter, aber die wäred für eus denn doch too much gsii. wenn me z.b. be babyjoe "einschlagdecke" suecht de chunnt so es supermodäll. also ich find die echt super und es heds eus sehr erliechteret! ech ha mini gschänkt übercho, würd sie uslehne aber ich würd sie denn gärn dere person zrugg gäh wo sie eus gschänkt hed wenns denn be ihne wieder nochwuchs gid

• Zitieren

Ja mer hend augseit egal wid test usechöme, es esch euses chend ond mer liebes. So oder so.aber es gsond chebd esch halt eifacj scho a gröschte gschenk öberhaupt!

Jo das babygiggele.... Do schmelzt me grad geht nüt schöners ;)

zom glöck chani öbere mettag emer hai, de eschs au nie ergendwie 9h am stöck woni de chlii muss abgeh. Das machts ganze för ehn secher au eifacher. Ond för me natürli au ;)

Haha lily i sege jo emmer dassi mi bim 2te gern wörd lo öberrasche aber das wördi glaub au nie ushalte :)
Aber stell mer das bide geburt meeegaaa spannens vor :D


Sonne, super tipp wege de avent becher! I briche die momemtan förd melch ond be jez froh hani die grössere gno vo afang her, sost weri met de mengi jez scho am aschlag!
Bi windeln.ch sends gönstigste ;)

• Zitieren

da fallt mer grad no ih bi eune tolle tipps:

was händ ihr im vornherein scho kauft? also die avent becher zb die cha mer guet im vornherein chaufe da mer ja die au falls es nöd klappe söt mit stille cha für brei bruche. aber zb schoppefläsche, milchpulver und so wiiter, das brucht mer ja eventuell gar nöd? was händ ihr vo afang ah scho bsorgt gha und was händer i de erste 4 wuche viel brucht?

denn bini no am überlegge weg de windle. eigentlich würdi gern wenn mal aktion isch denn scho en vorrat alegge. wieviel bruchts öppe vo de chlinste grössene und wieviel sölli vo de grössere bsorge? s gliche gilt für wöschlümpli, füechttüechli oder so.

• Zitieren

guete morge mitenand!

ah oke sonne, ja isch klar... aber dämfall lueg ich mal chli umenand, trotzdem danke vielmal
wie gahts eigentlich eune zwei würmlis? sind sicher scho mega gross worde ;) merksch eigentlich en grosse uterschied bi däne beidne?

himbeer, ich wür au nöd z viel chaufe, nur s nötigschte... will wie scho die andere gschriebe händ, du merksch erscht so richtig was bruchsch und was für dich stimmt wenn eue chli dänn da isch ich ha glaubs eifach 2 pack wo dä mini grössene pampers kauft gha :) es pack füechttüechli (will det hani au nonig gwüsst welli marke mir passe wird) und was ich no guet gfunde han am afang, bodys wo so vorne mit dä chnöpf chasch ufmache und nöd über dä chopf zieh muesch + strampler! am afang ziehsch nonig weiss nöd was a, bisch froh wenn däne chline überhaupt öpis gschafft häsch azleggä was ich im nachhinein chan säge, t windle und füechttüechli vom aldi find ich super, t füechttüechli sensitive aber... und au vom priis her günschtiger, aber nöd schlechter als pampers und suscht halt ebe pampers, die sind natürli au guet ;) dänn hani no die avent shöppe kauft gha und uf rat vo minere hebamme es chlises pack milch pulver, aber das hani erscht poschtet woni dihei gsi bin (eifach zur sicherheit) will mer weiss ja nie wies mitem stille gaht, bi mier isch ja dänn t milch zrug gange und dä luis so en grosse esser gsi... drum au nöd z viel windle und chleider poschte, dä luis isch soooooooo schnell drus use gwachse, krass! die eint grössi hätter glaubs nur 2 wuche agha!! nuggis ;) ich han ihm spital glaubs gar keine übercho gha und vo afang a vo avent kauft, hätter guet agnoh...

ui, muess mi dänn ja au wieder rüschte hahahaha so guet! aber bim zweite mal macht mer sich viiiiiel weniger gedanke und vorallem hämer ja scho alles eigentlich !!! scho viel lockerer aber keis bitzli weniger schön

händer eu scho chöne für en name entscheide? :) mir sind eus au mal langsam chli gedanke am mache, aber nöd mal so eifach... glaub das mal laufts uf das use das mer 2 werdet ha und dänn s baby müend gseh bevor mer eus entscheide chönd ich glaub aber wartet no bis mer wüsset was es wird und dänn SO RICHTIG afange 'sueche' ...

• Zitieren