| Bräute 2013 |
|
|
1 .. 1808 .. 3613 3614 3615 3616 3617 .. 3687 .. 3757
|
snet  am 15.06.2015
Re: Bräute 2013
@himpi: Also mir war es die letzten Tage auch etwas zu heiss. Heute Nacht bin ich sogar mit Hitzewallungen erwacht  Ich bin sicher, dass ein Sprung ins kühle Nass dir Abkühlung verschaffen wird. Hast du nicht zufälligerweise noch ein altes Bikini zuhause? Die leiern ja mit der Zeit etwas aus - ich habe dann auch einfach ein älteres Bikini getragen und gut war.
Ich wünsche dir viel Glück beim Zuckertest und du hast Recht, man muss die Zügel einfach ein wenig loslassen können! Gegen Ende SS hat mein Mann mir die Waage weggenommen, weil ich mich nur noch gestresst habe.
@lilly: Werde dann berichten von meinem Hypnosetermin - ich hoffe sehr, dass es etwas bringt! Also bei mir ging der Zuckertest ratzfatz. Ich musste nüchtern kommen und dann wurde Blut abgenommen und da der Zuckerwert tiptop tief war, musste ich keine weiteren Bestimmungen mit Zuckersirup trinken, etc. machen.
|
|
|
Lilly4  am 15.06.2015
Re: Bräute 2013
dänn bini scho sehr gspannt uf din bricht betr. dä hypnose... und was so däbi use cho isch!? find so zügs eh immer uh interessant...
ah wüki? ja dänn isch das ja voll easy bi dier gsi! bi minere fa isch es recht lang gange (obwohl sie scho vorher gseh hät das ich kei ss diabetes han) aber trotzdem es riese zügs gsi :/ machts dämfall jedi fa anderscht, wie i vielem schlussentlich hihi ...
|
himbeer am 15.06.2015
Re: Bräute 2013
ja mir händs au gseit ich müess nüechtern cho und wenn denn de erst wert scho guet isch wird das mitem zuckersirup gar nüm gmacht. ich hoff ufs beste und ha mini chefin mal vorgwarnt dasses schnell oder au chli länger chönnt gah. ich nimm zur sicherheit es buech mit...
ou ja die hypnose nimm mi au wunder. was wird denn gnau gmacht eigentlich? haha dihei stahni gar nöd uf d waag, nur bim arzt. und de hät no kein mucks gseit. also falls es sich jetzt no würd verdopple fänd ichs immerno ok, au wenn weniger immer besser isch. ich ha ja au schochli reserve mitbracht vo vorher ;-)
ja ich merk halt würkli bi warmem wetter wie ich am abig gschwullni füess ha und ich find das viel unagnehmer als stützstrümpf träge. aber wenns nöd so warm isch wie hüt denn lahnis au mal weg.
lilly ich bi ab morn i de 25. wuche, gaht voll zackig. mir gahts immerno super sowiit. und jetz wirds hoffenltich au chli ruhiger i de nächste wuche, ich merk scho wieni eifach langsam meh rueh bruch und au meh ziit zum öpis mache, ich mag voll nüm umestresse zb und gang lieber zfrüeh usem huus. sit zwei täg hani es stillchüsi zum uf de siite schlafe i de nacht und es isch sehr agnehm. aber ich schlaf au susch immerno super. ligt sicher am wasserbett :D
übrigens: ich ha am vergangene samstig mini allererst trauig gleitet als traurednerin! es isch super gloffe und ich ha sehr guets feedback übercho. hät au sooo spass gmacht und es isch eifach es tolls paar gsi. mal luege wie sich das entwickled, ich würd also au nächst jahr es paar trauige mache falls es sich ergit. vilicht känned ihr ja öpper wo bedarf hät ;-)
|
Lilly4 am 16.06.2015
Re: Bräute 2013
guete morge...
das mit dä gschwullnige füess kenni ebe gar nöd ... aber klar, wenn das sogar unagnehmer als die sexy strümpf isch, dänn würis vermuetli au alegge  e gueti sach isch es ja, müsst mi eigentlich au a dä ohre näh, aber han die dinger so nöd gern!!
wow, scho i dä 25. wuche, das gaht wüki mega zackig! und super gahts dier immerno so super... wird sicherlich bis zum schluss ahalte (isch bi mier bim luis au so gsi) so chamers au richtig gnüsse <3
he ha gar nöd mitbecho dass du traurednerin machsch?!?! das isch dänn cool :) und bisch fescht ufgregt gsi? aber freud mich mega das es so guet gloffe isch und du s bruutpaar häsch chöne glücklich mache, das isch doch t hauptsach! wirsch bestimmt no wiiteri ufträg becho, wünsch där uf jedefall ganz viel erfolg däbi! leider kenni grad niemert wo nöchscht jahr hüratet :/ mir sind das jahr a zwei hochziite... aber guet z wüsse dass DU das machsch hihi ;) viellicht chan där dänn ja iiirgendwenn mal öpert vermietli 
me: sött hüt no packe (am dunnschtig flügemer ja id ferie) aber vermuete fascht dasis dänn uf dä abig verschiebe muess, da dä luis bestimmt s gfühl hät muess mer, während ich ipacke nebet dra alles wieder uspacke 
|
himbeer am 16.06.2015
Re: Bräute 2013
ja es gaht würkli uh schnell, es isch unglaublich. die erste 12 wuche sind nur so gschliche und ich ha mi vo termin zu termin ghangled, has amig fast nöd usghalte nur all 4 wuche chöne verbigah, und jetz hani s gfühl ich hock dauernd bim dökti, haha. ja bisher isch alles super, ich hoffe es blibt au so wenni am fritig de zuckertest mache. aber ich ha eigentlich es guets gfühl. chli gsünder ässe chönnti natürli scho, aber ebe...
ou schöni ferie mir gönd mitti juli und ich chas chum erwarte... zwei wuche nur am strand ligge und glace esse, ich stell mer das traumhaft vor. mir händ zwar au no 3 kiddies debii, aber denn cha min mah grad mal chli üebe, vilicht isches gar nöd s dümmst, haha
ja de kontakt zum paar hät sich lustigerwiis via trauzügin ergeh wo da im forum agmeldet isch. mir händ eus i de vergangene mönet es paar mal troffe und jetz isch s fest gsi. es hät mer sehr viel spass gmacht und es glücklichs bruutpaar isch eifach s schönste, das wüssed mer ja all us eigener erfahrig, hihi. ja chasches ja eifach mal im hinterkopf bhalte falls öpper fröged. ich chönnt mer guet vorstelle das regelmässiger z mache.
|
elea am 17.06.2015
Re: Bräute 2013
guete morge zeme!
ach gopf, ha vorgester do e mega lange post gmacht und ergendwie esch de gar ned erschene... doof 
jaja die liebe stützstrümpf aber es helft halt scho. ha das die ss voll dorrezoge und si vode 12te Woche her jede tag Agha. aber das esch au nor gange weli em winter den hochschwanger gsi ben wos eh chalt gsi esch...
himbi, wegem gwicht döfsch di ned zfest stresse. do het mer gar ned sooo vel ifloss druf hani gmerkt. i ha jo d helfti vom ganze gwicht em letschte monet zue gno hauptsach s babely esch gsond, de rescht verschwindet denn vo elei weder :)
scho wahnsenn jetzt besch denn gli em 3te Trimester! wo blibt die ziit? aso denn mömer de wörkli mol es baby-Brüt 2013ner treffe mache! das wer jo en reese Party!
super eschs so tol gange wege de trauig! besch denn ned ufgregt gsi!!
du, mini best fröndin hürotet nöchst johr und si send jez au ned sooo chirchlech.... weiss aber nonid gnau wi sis wend löse, aber wenn i döf wördi ehne gern denn de vorschlag mache dass du das velecht chöntsch mache? si fönd aber erst em herbst met de planig ah, aber i werde das secher em hinderchopf bhalte und allefalls weder of de zuecho wenni döf?
lilly i wönsch der ganz tolli ferie ab morn! gnüsseds ganz fescht gell! send auä di letschte ferie z3te oder? ;)
|
himbeer am 17.06.2015
Re: Bräute 2013
ah ich bi recht relaxt was s gwicht agaht. es isch ja eh nur e zahl. bisher fühl ich mich wohl und de junior isch putzmunter, das isch alles wo zellt!
ja stützis im winter isch sicher eifacher. ich ha zb au weniger problem demit wenns würkli warm isch. denn leggi eifach die strümpf ah und es chleid drüber, so grusig sind mini zum glück nöd. aber zb bi dem wetter jetz woni scho hose aha schaffis nöd no strümpf drunter azlege. aber bi 20 grad hani au nöd so elefantefüess am abig drum hanis i de letzte täg wegglah.
es biz ufgregt bini scho gsi, isch ja scho au öpis bsundrigs. aber es isch schnell verfloge! ja klar dörfsch es gern im hinterkopf bhalte, würd mi freue. ich bi no frei nächst jahr, hahaha
sölli hüt abig is yoga oder go schwümme? ich ha en zielkonflikt :D ich glaub wenns schön isch gangi lieber go schwümme, das isch agnehmer als is heisse studio. und am fritig chunnt endli min ma wieder hei, de isch jetz drü wuche amene kurs gsi im usland und ich vermissen langsam mega.
|
Lilly4 am 17.06.2015
Re: Bräute 2013
ja klar, wirds gern im hinterchopf bhalte, mer weiss ja nie  bis jetzt leider no kei hochziit für nöchscht jahr in ussicht aber händ jetzt au zerscht mal no das jahr zwei, da freu mi scho mega druf <3
ich ha mir mitem gwicht au nie wüki gedanke gmacht (iss eh nöd grad sehr vorbildlich :-/ au wenn mers mier nöd grad agseht) aber chan mich eifach nöd NUR gsund ernähre ABER was ich muess säge, wenn mer z viel zueleit hät mer eifach danach dä chrampf und am baby bringts ja au nöd wüki viel :( bim luis sinds bi mier + 15kg gsi und han das super gfunde, grad richtig gsi hani gfunde und wennis das mal au wieder um das ume schaffe wäri also echt zfriede ... mer werdets gseh :))
ich ha leider erscht im juli wieder en termin und hoffet fescht das mer dänn entlich gseht was es wird!!!! bin scho richtig neugierig und au scho i dä 18te wuche... vowege ziit rast :D scho krass!
elea, wie gahts dier/eu? han die tage grad dis neue profilbild uf whatsapp gseh, sooooo herzig
hihi nei imfall, sind nöd emal die letschte ferie z dritte im juli gömer nomal 2 wuche hehe ... aber danach werdet dänn die nöchschte z vierte si <3 ;) und ihr gönd au gli oder bliebeter chli da?
danke uf jedefall, mer werdets sicher sehr gnüsse, fein esse, bädele, aaw <3 hoff eifach das es mitem flüge einigermasse guet gaht, dä luis hassts ja ufem schoss sitze und det MUESSER  das wird mer au öpis chch :p
hüt hani s erscht mal s baby gspührt <3
wünsch eu allne en schöne mittag/namittag! mir hauets jetzt mal id badi ab (himbeer, gahn au go schwümme hihi) es isch eifach s bescht! grad letscht wuche hani en tag gha mit 0 energie und nachem schwümme han mi richtig guet gfühlt und grad fitter, au wenni nur max. 30 min bruscht schwumm mach, aber irgendwie langet das scho...
tschüssli zäme
|
snet am 17.06.2015
Re: Bräute 2013
Hallöchen Miteinander
@Hypnose: Um ehrlich zu sein, weiss ich gar nicht wie das wirklich ablaufen wird. Aber ich gebe danach gerne Bescheid Eine Kollegin war ja lange am hibbeln und es hat nicht eingeschlagen und dann war sie bei ihr und im nächsten Zyklus wurde sie prompt schwanger. Also kann sie mir ja vielleicht auch helfen mit einem anderen Bereich - we will see.
@himpi: Das ist aber schön, dass du deine erste Trauung absolviert hast - Gratuliere! Nächstes Jahr heiratet ein lesbisches Kollegenpärchen, vielleicht wäre eine freie Trauung ja auch was für die Beiden, da sie ja nicht in der Kirche heiraten können.
Also wenn das Wetter schön ist, würde ich wahrscheinlich eher schwimmen gehen. Gibt doch nichts schöneres als ein Sprung ins kühle Nass! Bei mir nicht, denn ich mach gleich noch eine A****bombe dazu und dann werden alle um mich rum nass
@lilly: Geniesse deine Ferien! Sonnen, baden und fein essen klingt immer nach ganz guten Ferienplänen. Wo geht ihr denn im Juli in die Ferien hin? Wir werden dieses Jahr nicht in die Ferien gehen, weil mein Mann operiert wurde und nun für ca. 4-6 Wochen auf Krücken ist und weil wir wollen, dass der Kleine schon etwas laufen und in Restaurants essen kann, wenn wir Urlaub machen.
@elea: Stellst du deine Wohnung zur Bräute 2013 Babyparty zur Verfügung?
@me: Habt ihr gesehen? Die Bräute 2017 sind schon am Start - irgendwie haben wir alle schon vor soooo langer Zeit geheiratet! Dieses Jahr gehe ich noch an eine Hochzeit und bin schon sehr gespannt darauf.
Heute habe ich meine Einkäufe im Coop liegengelassen, haha so doof! Aber sie waren immer noch da als ich zurückgegangen bin um sie zu holen.
Sonst darf ich sagen, dass wir uns in der neuen Wohnung mega wohl fühlen! Wir haben zwar immer noch einen Streit mit den Ex-Vermietern, der wahrscheinlich in einem Rechtsfall ausartet, aber davon lasse ich mir meine Laune nicht vermiesen.
|
elea am 17.06.2015
Re: Bräute 2013
muss sege me hets gwicht die ss au ned gstresst... ha ergendwie anderi "sorge" gha am afang hani extrem gluegt dassi gsond esse. eifach vell fröcht und gmüess, well me jo öberall lest wie wechtig das esch förd entwicklig vom Baby. aber ergendeinisch het mer das so abglösche dassi alles gesse ha woni loscht han gha druf be aber au wörkli wörkli en glöckspilz gsi, han total nor 9kg zuegno. muss aber au sege, be en Zwerg aber das wod woog azeigt het het mi jez au ned sooo fst interessiert eifach allgemein wi min körper usgseht. und i ha gseh dassi jez ned weiss ned was föres decks födli becho ha, aso esch das i.O. gsi för mech so
has eher loschtig gfonde woni vom Spital hai ben hani nor knapp 4kg, weniger gha. het mi recht wenig donkt. ha scho vo andere ghrt wo met 15kg wneiger usem Spital send
haha lily, nöchst monet hender shco weder ferie! do wird me jo grad niidisch nei ehr hend natürli recht! gnüsseds ganz ganz fescht! dröck euch fest düme dass es guet klappet met em flüge! de Luis wird das secher super mache! mer gönd jo de em September metem Wohnmobil of frankrich. getroue eus nonid metem chliine zflüge ond hend denkt im Wohnmobil chöne mer 200kg babyzüg tiptop verstauhe
hihi, merci! ja Emmer wenner schloft werdi zom papparazzi ha au Emmer so freud a dine Profil bildli vom chliine :) er esch so en sonneschiin!
yeah so cool dass s Baby zom erste mol gspührt hesch! so en coole Moment! ab jetzt gohts de plötzli rond!!! ha das Emmer so beruhiged gfonde wenn me s Baby gspührt het. de het me Emmer selber gwösst dass alles guet esch metem chline. hender das au (gha) ?
snet, do muessi aber mini wohnig zerst mol baby-secher mache
was scho 2017ner brüt? wahnsenn! ha mol bide 15ner bez gläse wosi gschrebe hend vode tisch deko. esch doch so schön gsi womers vo dem gha hend und bilder postet hend und inspiratione gsammlet hend so e schöni ziit gsi
und bes jetzt denki Emmer no i hetti nüt anderst gmacht, und das esch jo eigentli es guets zeiche
|
|
|
1 .. 1808 .. 3613 3614 3615 3616 3617 .. 3687 .. 3757
|
Anmelden
