läck hüt lauft ja richtig viel da ine :-)

ich ha jetz grad de mittag verusse verbracht und ich wird definitiv go schwümme am abig, isch ja traumhaft. vilicht chani au nochli a de sunne ligge, das wär super. ich wird als pünktlich am 5i da uselaufe, hihi.

ich ha lustigerwiis momentan mega glust uf frücht und iss mega viel. gmües irgendwie weniger, aber ich lueg dasi sicher es rüebli am tag verwütsch, haha. momentan muesi eher chli uf de vitamin b spiegel luege, de internist hät gmeint jede tag es ei esse. aber die hani zum glück gern.

mir gönd ja au bald i d ferie, s letzte mal zzweite. aber da mer no drü anderi chlini chind debii hät gits schomal en testlauf ich ha vorher aber no zwei ganz tolli restaurant gfunde a eusem ferieort und ha mim ma scho gseit ich wott denn no eis, zweimal es zweierdate mit ihm i de ferie

so, vorher hani de chli definitiv i de chrippe agmeldet. täg sind nonig ganz klar aber mir händ sicher schomal en platz, das freut mi sehr!

ich gspüren au jede tag. dank vorderwandplazenta nöd immer so fest und au no eher ziemlich wiit une immer, aber es isch scho beruhigend. bsunders am abig im bett zappled er amigs recht ume, hihi. und ja, d hauptsach isch doch dasses ihm guet gaht und mir au, da mached mer 3 kilo meh oder weniger au nöd so viel us. d hose woni afang ss kauft ha gönd uf jede fall no, das sött ja es guets zeiche sii, haha.

@snet: falls es eine option ist, stelle ich mich natürlich gerne für die trauung zur verfügung. ich habe auch viele schwule freunde und der eine hat mich schon gebucht, haha. er ist aber noch single und es kann sein, dass seine hochzeit erst 2034 stattfindet. aber lieber spät als nie, gell. ich finde es auch unglaublich, dass schon die 2017 bräute am planen sind. die zeit ist so unglaublich schnell vergangen.

• Zitieren

Hallo zäme

Schön lauft da wieder chli öpis freut mi immer vo eu zläse und zghöre dass die Schwangere fit sind und d Mamis ihri Böhnli gnüsset :) ich bin zwar im Summer schwanger gsi, han aber d Stützis nie agleit will ich zum Glück kei Problem gah han mit Wasserilagerige, womer denn id Ferie gfloge sind hani sie s einzige Mal agah aber mir hend ja nöd würkli en warme Summer gah letzt Jahr... mitem Gwicht würi mi au nöd allzu stresse, ich denke nämli au nöd dass mär en grosse Ifluss druf het, ich han total 9,5kg zuegno gah und nöd würkli andersch gässe als suscht und sowieso gaht denn s meiste eh vo allei weg

Lilly jööö so schön hesch s baby zum erste mal gspürt, sonen schöne moment wünsch eu ganz schöni ferie, wird bestimmt guet gah im flüger und sust gönd die paar stund eh uh schnell ume :) gnüssets! Ich chans au chum erwarte bis im august wenn mir wieder gönd... elea, das tönt au ganz schön mit eune plän, und es stimmt tatsächlich, mär schleppt 1000 babysache mit

Min chline macht grad sis mittagsschlöfli und am namittag hemmer mitere kollegin + baby abgmacht zum chli ufd wiese go spiele und chrabble ihihi scho unglaublich wie andersch mär jetz d täg verbringt

Gnüsset s schöne wetter!

• Zitieren

Juhuuu, habe heute das Telefon von der Wunsch-Kita bekommen und wir kriegen einen Platz ab Dezember! Bin ja so froh!

@himpi: Supi mit dem Zuckertest! Dann wünsche ich dir jetzt schon fröhliches Eisschlecken!

• Zitieren

guete wuchestart ihr alli!
min tag wird tatsächlich churz, ich muess chli früener use will no handwerker chömed. aber da hani au grad nix degäge.

ja ich bi au voll happy mit de kitazuesag, das isch echt luxus. vorallem isch sie würkli mega praktisch gläge grad näb eusem huus, eifach perfekt. jetz bruchi nur no die definitiv zuesag vom gschäft dasi wieder cha teilziit zruggcho, das isch nämli immerno offe. aber ich wart jetzt mal, das chunnt scho guet.

wo händ ihr eui chnöpf versichered und wie gnau?

• Zitieren

Guete morge zeme
Himbi dass tönt jo wörkli perfekt met dere kita wenn grad bi euch nebe dra esch!
Mer hend euse chnopf bide css versecheret. Eus hets donkt di hend di best deckig bide zahnleistige, und das esch e wechtigs kriterium gsi för eus...

• Zitieren

jo mer hend zuesatzversicherig met dental grad gmacht!
jo me donkt jetzt 120.- scho no vell. mer zahlet jez förd grund + zuesatz genau 100.- und bi dene wo mer so vergliche hend esch eusi di türscht! di andere send all so zwösche 80.- und 90.- gsi! aber ebe mer hend angst vor grosse chöschte binere Spange
vell biete no so es Familie rabatt ah wenn di ganz Familie bide gliche KK esch. hend si euch das au Age?
esch natürli scho eifacher wenn al bide gliche send. mi ma und i hend grund bide egk und zuesatz bide css. und ebe de chli esch komplett bide css. hend es berotigs gspröch gha bide egk. mini cousine schaffet dete und si het mer gseit of was i sell achte. und i be verschrocke was de mer alles verheimlicht het. Sache woni halt nor gwösst ha wel mer das mini cousine gseit het. hami voll verarscht gfüehlt item... :) jä of allfäll hani das extrem schwirig gfunde zom en KK ussueche. well im fall dass em chend öpis fehlt het me d zuesatz verischerig allefalls sehr sehr lang well me ned cha wechsle

• Zitieren