| Bräute 2013 |
|
|
1 .. 1810 .. 3618 3619 3620 3621 3622 .. 3690 .. 3757
|
elea  am 30.06.2015
Re: Bräute 2013
Krass dass sogar dis mami gseh het das d milch zrug esch... I hoffe/denke bim 2te esch das doch secher bez eifacher met stille. Nor scho well me bez weiss was of eim zuechont!
Esch lostig wi di chend verschede send met ehrne schlof gwohnheite! Aber mega cool dass er ke angst gha het vor em wasser ond so spass gha het! Tönt wörkli nach mega schöne familie ferie :)
Wönsche euch vell spass bim bädele ;)
Snet, jo sesch wahnsennig wie fest de chopf bim stille dri spellt, das chame sech gar ned vorstelle!
Wiso wetsch den es neus sofa? Esch der s alte bez verleidet oder wers wörkli nötig?
|
|
|
snet am 30.06.2015
Re: Bräute 2013
@elea: Ich finde das alte ist nicht mehr ganz so bequem und bietet halt auch keine Schlafgelegenheit für Gäste oder so. wir haben ja damals sowieso nur 100.- dafür bezahlt...
Ahja, noch wegen den Schlafstörungen von dem Kleinen: Habe jetzt festgestellt, dass er manchmal im Bett noch den Vierfüssler macht und dabei sein Gesicht in die Matratze steckt und irgendwie nicht mehr rauskommt aus dieser Position. Deshalb fängt er manchmal im Bett an zu weinen.
|
himbeer am 30.06.2015
Re: Bräute 2013
ou ja richtig produktiv sinder gsi da, so schön. ich hoff ich vergiss jetz nüt bim antworte, haha.
@ferie: tönt super bi eu, lilly. ich ha au d fb föteli so herzig gfunde vom luis im sand, haha. mir gönd ja au bald no an strand mit 3 chline chind, bi au scho gspannt wie das wird.
@stille: ja ebe es verzellt jede wieder öpis anders und bi jedere isch gschicht unterschiedlich.... eifach mal probiere und denn luege wies gaht. sich selber quäle nützt ja au nüt, sehr idrücklich die gschicht vo de snet wos plötzlich klappt wenn mer eigentlich abgschlosse hät, da gseht mer wieder mal wie komplex körper und geist sind, haha
@rückbildig: da bini denn au scho gspannt aber das isch no so wiiiiit weg :D
@bädele: allne viel spass i de badi! ich ha e super chefin wo eus die wuche kompensation verordnet hät, ich ha also morn namittag früener gah und am fritig nami hani au frei und ich wird sicher beid täg denn au i de badi verbringe.
@ich: danke für d nachfrag lilly, mir gahts wiiterhin sehr guet. ich ha kei beschwerde usser halt dasi am abig müeder bi als susch, zum teil tuets mer schochli weh im becki wenni lang unterwegs gsi bi oder so, aber das isch ja nix. ich schlaf immerno super und mag au de alltag guet bewältige. am fritig isch no kontrolle, bi scho gspannt wie de krümel gwachse isch. bi gspannt wieni d hitz mag verträge die wuche aber ebe mit de zwei freie halbtäg wirds sicher erträglich. ich ha au brav stützis montiert, a warme täg woni viel stah oder sitze hani amig schochli elefantefüess und das findi no viel unangnehmer als strümpf.
|
sonne13 am 30.06.2015
Re: Bräute 2013
Huhu zäme! Wow da läuft jo was!
Allne wo göhnd: viel spass i de badi. Würd au gern, aber ellei mit de zwei chliine goht das ned so guet...
Wow himbeer, scho under hundert! Ich dänke sehr oft ad schwangerschaft zrugg und wies mer vor eme johr so gange esch... Isch scho ganz e bsundrigi ziit gsii!
Stille: uff, das thema hed be mer viiiiiiel träne usglöst. Vo minere siite wär alles guet gsii, super viel milch, bruschtwarze seiged au super usw. Aber die grossi hed ned chönne suuge (wohl wägem schiefhals) und die chlii esch z schwach gsii. Hed gheisse pumpe und schöppele. Ich be fascht kaputt gange draa. Ich ha eifach nümm möge... Die chlii hed all 3stund müesse gweckt wärde zum trinke, au i de nacht. Die gross all 4h. Und denn no all 3h pumpe... Ich be sooooooo erschöpft gsii, ha jo au sit monate nümme wirklich gschlofe usw, und d schwangerschaft hed mi offebar ganz schön uspoweret... Uf jede fall hed denn d hebamme wo hei cho isch gfunde, mir müessed en wäg finde dass ich wieder zu chräft chume und dass es wohl scho en sehr grossi erliechterig wär uf die pumperei z verzichte dassi au mol chönn goh schlofe und öppert anderst d mohlziite übernäh usw. Im chopf hani gwüsst das esch wohl s beschte für alli, aber ich ha tagelang ghült will ech mer vorgworfe ha ich hebi ned gnueg lang dure bisse usw... Hätt natürli denn die chlii irgendwenn scho chönne stille aber ech ha ned welle die eint stille und de andere de schoppe gäh. Das hätt für mich ned gstumme und so hani gwüsst es bliibt no lang be pumpe und schöppele. Ich find das met zwei chinder eifach ned realistisch, vor allem wenn sie je 6-8mohlziite hend im tag. Do bisch nur no am schöppele, pumpe, windle wächsle... Schlussendli bini denn froh gsii hani abgstillt... Ha das sehr langsam gmacht und so hend eusi schätzi doch 2 wuche muettermilch (ned nur...) gha... Hätt das super toll gfunde die beide chönne z stille aber es hed halt ned sölle sii. Druck mache bringt do au nüd und ebe - d schoppemilch esch jo au ned sooooo schlächt...
Be eus gohts langsam as ussueche für d renovation vom huus! Chochi hend mer jetzt plän und offerte - es wird toll!!!!!
Sodeli, allne e schöne tag hütt!
|
Emma13 am 30.06.2015
Re: Bräute 2013
Hallo zäme
Meld mi au no churz, de chlii schlaft und ich han grad mini glaces für ihn in tüefchüehler tah  mango kocht und püriert, mal luege öbs ihm schmöcket sust iss ichs  mir bädelet dihei im garte, findi irgendwie bitz entspannter 
Elea han mi fäng beworbe für die Stell, mal luege was debi usechunnt, wär ja scho hammer aber sooo viel Glück muessi zerscht no ha Snet, ich finde zwar die Kita eine super Lösung aber meine Eltern würden unseren Kleinen betreuen und das finde ich persönlich für uns die beste Alternative.. aber sowieso muss ich zuerst mal eine Stelle finden und sooo viele Teilzeitstellen gibt es leider nicht.
Min chline schlaft also au uuuu gern im Arm, am liebste nur im Arm mittlerwile lösemers so dass mär ihn tagdur au dihei wägelet oder nach gwüsser Ziit wenn er würkli tüüf schlaft, chönd is Bettli legge.. lustigerwiis isches am Abig keis problem i sim bettli zschlafe, aber tagdur wett er das eifach nöd isch vorallem am afang recht astrengend gsi, will er meh gschlafe het und ich zu nüd cho bin aber jetz gnüssis sehr, d ziit woner das nüm wett wird schneller cho als mär lieb isch!
Jöö lilly eues duracell häsli  genau, jetz wüsseder das er halt chli ufd ziite müend achte bim flüge aber d hauptsach isch, ihr hebds gnosse und schöni ersti familieferie verbracht :-)
Sonne das verstahni voll und ganz dases mit zwei chline no einigers astrengender isch zstille und verstahn au dases sicher nöd eifach gsi ish das so müesse akzeptiere aber wie gseit, es muess für mami und chind stimme, es isch ja nöd nur "nahrigsufnahm", ich find es isch au mit trost und nöchi verbunde (natürli au s'schöppele) und wenns nur en stress isch, isch doch das alles anderi als das...
Allne en wunderschöne heisse tag 
|
elea am 30.06.2015
Re: Bräute 2013
himbi, du hesch e super istellig wegem stille. eifach so neh wis chunt!
schön zghöre dass es der so guet goht met de ss! hoffe d hetz setzt der ned z fest zue die Woche! ond sost gosch de halt no bez früehner ed badi ;)
sonne, du besch sowiso mini Heldin met 2 chender!!!!! und das es glich no so hesch welle dorrezieh met em stille: hut ab!!!!! mini Hebamme het Emmer gseit e stillbezihig bestoht us 2 (i dim fall 3  ) mönsche. und me döf ned vergesse dass es de mueter au mues guet go debi!
aber verstoh fest dass di das so metgno het! wo bi mer d milch zrug gange esch de hani mi so schlecht gfüehlt und Emmer ghület vo wege was för e schlechti mueter i be dassi ned emol mis chend cha ernähre. guet det het de babyblues au no bez dri gsellt halt...
und ebe wi du schribsch, Milchpulver esch nüt schlechts! es gedeihe emo alli chend au super met dem! und si bechöme au so all Vitamine und Nährstoff wos bruchet!!!
Emma demfall dröcki der mega fest düme dass e positive bscheid bechunsch of dini bewerbig!!!!
|
himbeer am 30.06.2015
Re: Bräute 2013
ahaha jetz hani grad über mittag namal shoppingglück gha, 2 shirts, 2 liechti hose (endlich!) und 2 bikinioberteil, de summer cha also cho! die tueni morn grad iiweihe, ui ich freu mi scho
ah ich cha eifach nüm so viel esse ufs mal, ich ha jetz zmittag gha und ha s gfühl de buch platzt jetzt denn grad. debii hani nur en chline ebly-salat gha. uh ja zum glück isches au bi eus im büro erträglich mit de temperature, mir lueged aber au das würkli nur am morge d fenster offe sind und immer d läde dune, denn gahts eigentlich nöd schlecht.
ja momentan gahts mer guet und ich gnüsses au. ich hoff es blibt no lang so, schliesslich gönd mer ja au no id ferie bald und solang wäri scho gern no guet zwäg, ich bruch dringend es paar täg am strand.
|
elea am 07.07.2015
Re: Bräute 2013
guete morge zeme
hend ehr all e guete wochestart gha? wie hend ehr di letschte heisse täg öberlebt?
bi eus ide (dach-)wohnig hemmer 29 grad gha, be chorz devor gsi is Hotel zgo
|
himbeer am 07.07.2015
Re: Bräute 2013
guete morge oder mittag mittlerwiile!
s weekend isch sehr grenzwertig gsi. am samstig isch d hochzit gsi vo minere schwö und mir sind schier zerflosse. aber s fest isch sehr schön gsi
ich freu mi sehr uf d abchüehlig wo hüt abig agseit worde isch. denn bringed mer vilicht au d wärmi mal us de wohnig. mir händ zwar "chüehli" 26 grad, das gaht ja eignetlich no. aber ich bi grad wie e toti flüge und mag gar nüt meh mache. guet ich muess nur no bis am fritig mittag usharre, denn fanged bi mir 2 wuche ferie ah und ich freu mi sehr 
|
snet am 07.07.2015
Re: Bräute 2013
Hallöchen zusammen.
Wir hatten auch sehr heiss! Waren aber das Wochenende über in der Badi und der Kleine hat ordentlich geschwitzt
Bei uns in der Wohnung ist es auch 26 Grad.
Mittlerweile bin ich an meinem 9. Kilo dran ;-) war sogar noch etwas shoppen und habe mir neue shorts zugelegt.
@himpi: kannst dich auf deine Ferien freuen! Bin ein wenig eifersüchtig
|
|
|
1 .. 1810 .. 3618 3619 3620 3621 3622 .. 3690 .. 3757
|
Anmelden
