oh nei elea, so schad wegem breili :/ isch eue chli also eifach kein fan dävo :) aber das chund sicher no... irgendwenn möchte er NUR NO breili esse oder was ich ebe au scho vome mami ghört han, dass sie IMMER mit breilis en kampf gha hät und schnell (glaub scho abem 7te, 8te monet) agfange hät vom tisch gäh, und das isch dänn viel besser gange ;)
hihi super dass das mitem himbeerblättertee fliessig am wiitergäh bisch ... natürlich nützts aber nur wenn mers frühe gnueg (ab dä 36igschte wuche) und regelmässig inimmt... isch aber doch bi allem so bin bi dä 1. ss au meeega dankbar und froh gsi hani dä tipp vo dä Hebamme becho! freu mich scho wenni wieder damit chan afange haha

snet, da häsch du recht, also zerscht hani es ganzes pack himbeerbl.tee fertig gmacht und dänn so en spray kauft, isch dänn aber nöd mal meh e wuche gange und euse chli hät sich uf dä weg gmacht... drum hani scho meh vom tee trunke gha und jetzt, da eusi chli ja im nov. sött uf t welt cho isch au grad guet vo dä temp. her, passts wenni tee trinke

isch eue Zwerg jetzt dämfall au scho fliessig unterwegs?! ... wart nur biser laufe chan!! ich han s gfühl sit dä l. lauft passieret allpot sache aber wird wohl normal si ...

so e zügelfirma und öpert wo putze tuet bruchet mier dänn au... die Offertene dunket mich aber no fair! letschti hani zwar öpis uf deindeal gsi, 4.5 zi. wohnig putze inkl. Balkon und cheller + abnahmegarantie für chf 750.-, aber weiss natürlich au nöd wie guet die sind! obwohl, wenns abnahmegarantie versprechet dänn chans eim ja egal si, müend sies bis zum schluss mache und hät mer selber nüd meh damit z tue... kenn aber nomal öpert und det wärs glaubs 500.-, das isch aber glaubs scho eher es einmaligs agebot! bim zügle, demontiere und montiere vo dä Möbel wird's bestimmt bitz tüürer... was händ ihr da für beträg offeriert becho?
mir warter aber glaubs no es bitz züglet ja erscht uf dä 1.6.15, hämer zum glück no es bitz ziit... han mim ma aber scho gseit, mach das nöd selber! dänn chönd mer mich glaubs iliefere...

• Zitieren

lily s loschtige esch, wenn er öpis esst denn esst ers soooo super. weni ehm de löffel he strecke de packt er ne und dud ne schön selber is muhl. er machts super eigentli. aber ebe halt nor u wenig! mer gend ehm jez eifach jede tag und hoffe das denn d mängine grösser werde mol :)

i ha de himbeerblättertee tronke obwohl d Chance of en natürlichi Geburt jo Emmer chliner worde send. aber ha denkt falls er sech e tag vor em KS no treit denn hani emmerhen bezeli öpis gmacht und be ned ganz onvorbereitet binere spontan Geburt :) nützt nüt, Schads nüt ;)

wow snet soo cool dass de chli scho bezeli ade Hand chan laufe! er macht das soo toll :)
ui das met de Bobo het bi eus au agfange... gester esch er metem chopf of es chlötzli gheit. het e rechtig schramme ge .. aber das send halt buebe ;)

• Zitieren

Hoi zäme

Lilly danke, isch mega schön gsi eu debi zha mir würet gern wiedermal uf london.. wär mega! aber weiss halt nöd so ganz öbs echt nöd kompliziert isch mit chinderwage etc.. und vilicht lauft er denn und wett selber dur d londoner strasse spatziere ahah denn langet eus es paar täg nöd

Ja snet, bin würkli sehr sentimental gsi adem Tag und plötzli hani gmerkt wie min chline ebe scho nüm ganz so chli isch freumi uf es 2. Böhnli obwohls ja nonig plant isch.. scho unglaublich e herzigi Ziit jetze, din chline macht ja scho grossi fortschritt.. findi so süess wenns di erste schrittli machet, euse isch au en chline entdecker, muess jedes chästli ufmache, überall ineluege, überall ufechlättere aber s laufe interessiert ihn nonig gross, isch viel schneller im chrabble ihihi

Weg de Mahlziite am Tisch.. ich gib eusem zb de zvieri nüm ganz in breiform sondern meh in stückli, zmittag essemer aber meistens s glich.. und zum znacht chunt er immerno sin gliebte abigbrei über und isst denn glich no mit vom tisch was er mag, ich han eifach glueget das ich nöd alles muess umorganisiere, möcht nöd 3 verschiedeni sache müesse choche aber so esset mir automatisch au gsünder und de chli het vo allem bitz.. viel milch nimmt er aber meistens au nüm nachem znacht

Mitem Job bini nonig viel wiiter, han lang Pause gmacht wege Ferie, Geburifästli plane etc, wird demnöchst wieder afange sueche und wenn fangsch du a mit 60%?

Elea, hesch scho mal vo BLW ghört? Han ich selber nöd probiert weiss aber wo es paar Mamis wo's klappet het, es gitt Chind wo Brei eifach nöd möged, sie hend s Esse viel lieber ide Hand.. wär vilicht en versuech wert aber au wenn nöd, dini milch enthaltet ja eigentli eh alles was din chline brucht, drum kein Stress

mmh das mite flecke und büüle kenni.. obwohl euse chlii eher en vorsichtige isch aber s passiert halt glich schnell mal öpis.. ghört halt eifach dezue..

so, schöne abig eu allne

Zuletzt bearbeitet am 16.09.15 18:15

• Zitieren

Hallo zeme
Emma, leider het BLW au ned klappet :) vell hend mer de tip ge aber het ne ned so interessiert. Probier ehm jez jede tag brei zgseh aber bes jez hemmer nor 2mol 30ml gschafft ond sost nor E souerei :D

Snet da metem kinderparadis em fitnes tönt genial. Gehts bo eus leider niened....

• Zitieren