Ou snet, danke für den tritt in den arsch - ich habe ja solche booties bei den wintersachen!!!! Die hab ich noch nicht hervorgekramt... Mann bin ich doof, hätt ich beinahe vergessen!

Elea, das mit em gras frässe könni. Aber euses grasmonster haltet nüd uf de decki... I de ferie hed sie mol irgendöppis is muul gnoh wo sie denn so greizt hed im hals dass sie so hed müesse hueschte dass sie s ganze zobig wieder ko... hed. Mir hend denn de spielplatz fluchtartig müesse verloh, sie esch total versaut gsii

• Zitieren

hallo fraue

sonne, schön händer en glungnige 1. geburi vo eune girls gha

elea, gäll!!! unglaublich wie schnell die ziit lauft als nöchschts scho dä snet ihre chli wo 1 wird und dänn dä evan :) gaht wüki uuuh schnell! aber finds au soooo schön wie sie sich entwicklet und wie mer allpot veränderige / fortschritt chan beobachte - so schön!!! dä luis rennt scho halbe i dä weltgschicht umenand und er verstaht soo viel, redt sini erschte wörtlis, rüeft eus so herzig <3 eifach nur zum dahischmelze ...

weg dä taufi: also wenner was bi eu dihei machet, wär raclette doch mega gmüetlich und passt au guet in oktober findi ;) chamer guet vorbereite und sitzt mer bitz am tisch (find das ebe au no schön) oder fondue :) irgend so was i däre art !

aaah mir müend dänn uf nöchscht jahr au mal mit dä suechi starte für e reinigungs und zügelfirma! eui ageböt dunket mich aber all sehr fair! und isch halt scho viiiel viel bequemer... ich wird mer dä stress und die nerve def. au ufspare für anders

snet, mir händs au so gmacht wie t elea scho gschriebe hät (dä luis hät ame mentig geburi gha) det bin eifach ICH mitem gsi :) und am abig simer mitem papi zu mine eltere go esse :) gaaanz gmüetlich ... hät natürlich chueche gäh, chärzli zum usblase etc. etc. hihi ... und s wuchenend druf hämer dänn es grillfescht gmacht mit eusne engschte lüüt - verwandte und fründe! isch tip top so gsi und würi au immer wieder so mache... bi dä taufi hämers dazumal eher chliner ghalte! was au grad guet passt hät, will zwei mal es richtigs fescht wär mer glaubs z viel gsi und so chömers au grad bi dä chline ähnlich mache :)

me: bin geschter no i dä kontrolle gsi eusi chli bohne isch bereits scho 2kg ... t fa hät aber gfunde muess chli abeschruube, bin minim offe aber trotzdem alles no im grüene bereich

himbeer, dänk au ganz viel a dich!!! :))) wer weiss, viellicht bisch ja scho mami worde hihi freu mich uf jedefall scho riesig uf din bricht

• Zitieren

ja elea machet das ;) isch doch uh schön und vorallem gmüetlich!! grad passend, au i some chline chreis :)

jö danke, du bisch lieb!!
gäll unglaublich, jetzt isch sie au scho 2kg und nur no 1 1/2 mönet bis zum termin - wahbsinn!

frög mich im moment grad wie öpert so viel chan esse wie ich!!!!! bin es richtigs fressmonschter :D aber dämfall bruchemers... obwohl, wär besser wenn nöd au no 5kg schoggi :p

• Zitieren

Guete Abig ihr liebe!

Alles Gueti dine zwei Girls, sonne.. so schön, au scho jährig worde

Genau, ich mache das au so mite Winterbooties, d Finkli het er sust amig ufem Sitzplatz oder so a.. aber dihei isch er sowieso am liebste barfuess und hasst drum au Söckli er isch glaub immerno im Summer-Modus igstellt ahah aber d Booties chan er sich nöd selber abzieh, drum tiptop!

Snet, danke der Nachfrage... mit der Jobsuche geht es gut vorwärts, ich habe am Montag wieder ein Vorstellungsgespräch für einen tollen Job im Marketing, Schade nur dass es eine 60% Stelle ist und das ist für mich doch etwas zuviel mal schauen was sich daraus ergibt...

Mmmh nicht ganz so praktisch mit dieser MWST-Kontrolle am Geburtstag deines Kleinen.. dann kannst du wohl auch nicht früher gehen? Unser Knirps hatte an einem Mittwoch Geburi, da hat mein Mann am Nachmittag frei genommen und wir haben mit den nonnis Kuchen gegessen und Gschänkli ausgepackt, war ganz gemütlich und mega herzig. Am Sonntag darauf haben wir auch im grösseren Kreis in einer Waldhütte grilliert, das ist halt das beste wenn man im Sommer Geburi feiert :) aber hört sich super an mit Fingerfood und Kuchen.. passt doch und zuhause ist es doch eh immer am bequemsten!

Jöö elea, freut mich sehr dasses langsam klappt mite Breili.. er macht das super, jedes Chind het sis Timing und schlussendlich isch doch eifach d Hauptsach dases funktioniert.. egal wie Und tönt ganz gmüetlich mit euem Taufesse, wür ich also au so mache mmmh Raclette!!!

Oh Lilly, goldig eue Chlii s isch würkli mega ä herzigi Ziit grad.. euse het hüt grad öpis neus agfange plappere und ich muess immer mega lache tönt so lustig und er füehrt richtigi Konversatione mit sich selber, chönt ihm stundenlang zueluege

• Zitieren

hallo himbeer

und ich ha scho dänkt es isch los gange hihihihi... wenn isch dänn din ET? schön chund din ma morn wieder zrug und chönder gspannt warte wenn sich eue chli schatz uf dä weg macht :) und ebe, es chan dänn plötzlich schnell gah ;) körperlich magsch su no? ich ha scho meh mühe als bim luis :-/ aber irgendwie zieht sich das scho die ganz ss dure... janu, lang gahts ja au bi mier nüm :) <3
wünsch där no en schöne endspurt und das mitem viel schlafe machsch du guet :D no schön ziit für dich näh und gnüsse!!

jöö emma, so herzig dä v. chchch <3 muess mer dänn au mal alose hihi ;)

mir sind hüt s erscht mal i sonere 'spielhalle' gsi... e kollegin isch uf t idee cho und dä luis hät riesig dä plausch gha, sooo herzig! vorallem unter dä wuche isch es no agnehm, hät nur wenig lüüt gha... das wirdi jetzt bestimmt ab und zue, dä winter dur, mache!

• Zitieren

das isch echt suuper wie tüüfenentspannt du bisch :) und hüt chund scho din ma zrug - perfekt! wünsch där dänn no ganz en schöne untersuech! und nöchschte zischtig grad nomal ;) wie isch es eigentlich: wartets bi dier au nur 10 täg bis nachem erechnete ET termin bis sie ileite würet? mich hät das immer recht beruhigt... ha gfunde 10 täg isch no e ertragbari ziit (bi eusne mamis z.b. ja nonig so gsi) :-/.
und bisch fliessig am himbeerblättertee trinke? chch ;)

haha doppelt ziit iberechne :D da chani au scho es liedli drüber singe... dä luis muess immer uf mich warte :p bin sooooo langsam!!! :D

hüt gahni wieder go schwümme... freu mi scho :) (snet, muessi grad a dich dänke, du als sportskanone) :)

wünsch allne en schöne tag... mine startet scho frühe!

• Zitieren