hoffentlich leit sich das schnell wieder mitem z höche bluetdruck... erholsch dich guet!!
freu mi uf din gnauere bricht :) immer so spannend wie völlig unterschiedlich all die geburte sind...

das mitem stille chund sicher no ;) mach där ja kein druck! bi mier (so hanis in erinnerig) sind die erschte 2 wuche recht asträngend gsi mitem stille, danach isch viiiel besser gange! nur leider hani dänn nach 2 mönet z wenig milch gha :-/ wirsch schnell merke wies für dich und em chline am beschte passt und dem passt mer sich automatisch a...

schlaf guet ;)
liebs grüessli

• Zitieren

jööö so schön himbeer ! gratuliere ganz härzlich zur geburt vom nevio und wünsche euch e ganz tolle start is familieläbe mit em chline wunder!

• Zitieren

Hey himpi, so schön härzliche glückwunsch! Alles liebi und gueti für euchi chlii familie und ganz e schöni könnelernziit! Toll dass alles guet gange isch! Erholed euch guet!

• Zitieren

hallo zäme!

jetzt bini au grad schnell uf t babygalerie go luege (weg dä snet) isch das en schnüggel himbeer und die viele haar :) sooooo herzig <3 nomal herzlichi gratulation zu euem süesse nevio! hoff alles ok bi eu und die erschte tage sind sowiit guet verloffe...

snet, schön händer es schöns fescht gha am wuchenend und dämfall gahts nöchscht jahr grad wiiters hihi ... bi eus gsehts eher eso us dass es uf 2017 wieder hochziite gäh wird :) aber hani au nüd dägege, da mer ja nöchscht jahr züglet und bald eusi chli bohne chund... isch sogar besser gahts erscht im 2017 wiiter däfür isch glaubs grad bitz en babyboom da hani natürli uh freud!!!! <3

• Zitieren

hallo mitenand!

oh lucy, schön vor dir zuhöre und danke für d Glückwunsch!

eu andere natürli au. mir sind jetzt sit am Mittwoch mittag dihei und läbed eus ih. de chli isch würkli eifach nume süess, ich muess ihn immer aluege und streichle, hihi. aber ich fang mal vo vorne ah.

geburt: ich bi am fritig namittag namal id kontrolle bim Arzt und leider isch min Blutdruck immer no recht hoch gsi. er hät mich denn direkt is Spital geschickt zum namal sone langzitmessig mache. sie händ mi denn det im gebärsaal aghänkt und leider isch de Blutdruck würkli zhöch gsi. mir händ denn beschlösse, das mer am gliche abig no tüend ileite. ich bi also namal hei go packe und esse und ha unterwegs mim maa aglüte wo grad ufem heiweg vom WK gsi isch - de isch also recht verschrocke dasses grad losgaht, haha.

mir sind am 22.00 in Spital igruckt und denn so am 23.00 händs mer das ileitigsmedi igleit. mir händ denn namal es paar stund chöne schlafe, ich ha aber scho gemerkt, dass sich langsam öpis tuet. luut Hebamme bini au bim irucke relativ geburtsbereit gsi, gebärmueterhals praktisch verstriche und MM als grüebli tastbar. jedenfalls häts denn so am morge am sibni praktischerwiis mitem atritt vo de neue Hebamme grad ahgfange mit richtige wehe. mir händ no zmorge übercho aber ich ha scho nüm viel devo gha, bi im Zimmer umetigered und ha immer i de wehepause no rasch en biss gno und nachher wieder müsse verschnuufe. am 10ni isch min Arzt uf bsuech cho, de hät ja eigentlich welle i dferie abfahre aber häts nochli verschobe demit er no cha verbicho. er hät nur gmeint wenn er wüst dass de chli am mittag da sich würd er au no warte, aber er rechnet eher mit früehnere abig bi mir als erstgebärende. er hät mer denn au no empfohle, e PDA zumache will das de Blutdruck cha abhole.

am 11i isch d anästhesieärztin chi (lustigerwiis hani sie kännt, haha) und hät mer e super PDA gleit, ha d bei no gespürt und chöne laufe, ha au de starki druck no gespürt aber so die fiese schmerze sind weg gsi. nacheme wiili isches aber trotz PDA würkli schmerzhaft worde, de druck isch eifach so intensiv gis dass es mir bi jedere wehe fast schlecht worde isch. ha denn no denkt ja super, so halt's also au mit PDA nöd lang us, da händ presswehe igsetzt. d Hebamme hät zerst gmeint, das cha ja nöd sie, es isch erst ca. halbi eis gsi, aber wo sie untersucht hät sich sie selber erstaunt gsi dass de MM scho bi 8-9cm isch und hät mer gseit, ich soll eifach mitschiebe - het eh nüt anders chöne mache, min Körper hät total s Kommando überno. innere wehepause sind mer denn iufs gebärbett gwechslet und det isch denn euse nevio nach knapp 40 minute presswehe uf d Welt cho.


ui jetzt hani glich so viel gschriebe o_O

• Zitieren

@lilly: Ja, bin schon gespannt auf die nächste Hochzeitssaison. Auf jeden Fall habe ich ein killermässiges, neues Abendkleid. Bei uns ist gerade kein Babyboom, irgendwie sind alle im 2014 auf die Welt gekommen.

Ich habe nun mega viele neue Sportklamotten gekauft. 2 Hosen und 4 Shirts :-) Diese Woche habe ich bis jetzt 4x Sport gemacht.

@himpi: Schön, dass ihr euch gut zuhause einlebt.

@me: Wir haben nicht viel vor dieses Wochenende. M. Ist gerade ziemlich anhänglich und ich darf nicht mal den Raum verlassen

• Zitieren