Wow lilly, de luis esch jo ächt en super schlöfer!!! Tönt traumhaft! Be mer sind nächt woni nur 1-2mol oder gar ned ufstoh muess grossi usnahm... Muess aber nümm schoppe gäh und solangs ned stündlich isch... Gids aber au, das schluucht denn scho...

No en frog as neumami himbeer und bald neumami lilly: chann öppert es winterazügli grössi 62 bruuche? Es isch nigelnagelneu und ich würds verschänke. Es esch wiss mit pinguine druff, versuech no es bildli aazhänke. Find es goht für meitli und buebe, aber das isch wohl aasichtssach wenns öppert vo euch chann bruuche, nur mälde. Die babies e mim umfeld sind leider all scho z gross...

• Zitieren

ou danke sonne, so nett dass du a eus denksch! ich ha nur scho 2 oder 3 so azügli, irgendwie händ mer die all übercho, Vorteil vo Herbst-winter-babys, hihi

ui lilly das tönt würkli traumhaft mitem luis. ja ich ha au gläse dass die chnöpf ihre Rhythmus vo tag und nacht erst so mit plusminus 3 mönet findet, ich hoff ich bi bis denn nöd duredreht. die nacht isch grad bsunders schlimm gsi, er isch nach de zweite füeterig am halbi drü echt bis am sechsi meh oder weniger wach gsi. ich bi kilometer gloffe i de wohnig… und jetzt liegt er bim Papi und mötzled au die ganz ziit vor sich hii, kei ahnig was grad los isch. eigentlich hani welle jetzt de schlaf no nahole vo de nacht aber so gahts natürli au nöd.

stille isch leider sones anders leidigs thema, bzw. nüme… mir händ abgstillt. mir händ eus eifach irgendwie nöd gfunde bi dem thema. ich ha müsse mit hüetli stille, das hät ihn mega frustriert scho im Spital…

• Zitieren

hallo zäme

ja da chömer eus also echt nöd beklage mitem schlafe... bin aber langsam am merke daser dä tag dur glaubs nur no eimal en richtige schlaf brucht, nüm 2x... isch viellicht grad so en wechsel aber natürlich händ au mier schwierigeri abige/nächt hinter eus, also isch scho nöd so das mer durchgehend nur es ruhigs chind im bett händ das isch aber nur wenner grad starch am zahne isch, merkemer dänn au sofort, dänn chunder meischtens zwüsched 7 und ca. 11i mehrmals mit brüelle, aber müenden nöd use näh oder so, er verwacht eifach weg dä schmerze sind dänn ebe scho armi würmlis... aber im grosse und ganze chömemer wüki viel und guet zum schlafe aber das wird sich ja scho gli wieder ändere müemer eus sicher wieder dra gwöhne wenn ich mir aber vorstelle dasi jetzt i dä schwangerschaft es chind gha hät wo nonig guet gschlafe hät, hät mich das bestimmt ziemli gschlichet... will e ss an sich chan ja scho sehr asträngend si (muess nöd) aber das mal häts mich ja selber au breicht, drum bini umso froher hämer da dure nöd so es problem!

hüt am morge bini no bime osteopath gsi, hät mis becki glockeret für t geburt hihi ... kei ahnig ob das öpis bringt aber gschadet häts sicher nöd!

ohje himbeer, sinder dämfall wüki grad chli am aschlag :-/ aber probiers positiv z gseh, isch wüki nur am afang so, eue chli wird bestimmt au no sin rhytmus finde und ich han mer dänn amigs gseit, 'oke, wotsch nöd schlafe, dänn sitzemer halt uf s sofa und tüend eus bitz besser kennelerne' chasch dänn aber wenigstens dä tag dur bitz usruhe? wenner dänn am schlafe isch? oder au nöd wüki? trinke tueter all 3-4 stunde? und din ma no es momentli dihei? ich bin so gottefroh gsi isch min ma 4 wuche dihei gsi... das mal leider nur 2 wuche aber IMMERHIN! er wird sich dänn um dä luis müesse kümmere, während ich mit dä chli beschäftigt bin
hoff so sehr das es bi mier mitem stille länger als 2 mönet klappe wird, es isch ebe scho s bescht... aber han fascht t befürchtig das es wieder a dä milch scheitere wird, all fraue 'beklaget' sich über ihri grosse brüscht wos bechömet etc., bi mier, wie au scho bim luis dazumal, isch eifach alles normal, wie scho vor dä ss super!!! weiss nöd ob das öpis z bedüte hät, aber chönds mer no vorstelle

sonne danke für s agebot vom overall, ich han scho viiiiel z viiiiiel sache han mer eigentlich vor gnoh nur s minimschte izchaufe, aber chasch natürli vergesse!!! :p janu... verschänki oder verchaufi t sache dänn halt eifach wieder :) es git zuu viel herzigi sache i dä läde, eifach alles zum verliebe vorallem nacheme bueb jetzt es meitli ...

elea, wie gahts eu so? alles guet? :-*

• Zitieren

Bockshornkleesamen? ok :) das muess mer grad ufschriebe und chönd mer das echt grad vo afang a näh oder vermuetli erscht wämer merkt das es zrug gaht... muess mi dänn mal berate lah i dä drogerie hihi danke uf jedefall für dä tipp, so sache sind amigs goldwert :-*

so schön z läse das alles guet isch bi eu!! und viellicht hätter det ja nöd so guet gschlafe wegem zahne?!? jetzt hätter au scho die erschte 2... mega herzig! dä luis hani s gfühl hät scho s ganze muul volle eine nachem andere cho, unglaublich!

das mitem stille häsch du eineweg hammer gmacht, wie au t emma!!! chönder mega stolz uf eu si! find das soooo super! ich hät au uh gern, WENIGSTENS 4 mönet gstillt, max 6 wär für MICH ideal gsi... 2 sind mer eidütig z wenig gsi :/ drum hoffi sooo sehr dasi das mal es BITZLI länger wird chöne! drucket mer t dumme!! viellicht klappets ja mit dä Bockshornkleesamen alias curry-paschte

bisch sicher uh erliechteret gahts jetzt besser mitem brei? hät eue chli dämfall eifach es bitz ziit brucht... muesch luege, dä evan wird dänn schlussentlich no dä beschti esser hehe ...

• Zitieren

nicht registriert

Hallo zusammen,

Ich dachte, ich geselle mich mal zu euch.

Zwar ist die Hochzeit bei euch schon rum, bei uns steht sie im 2017 an.

Aber passend zum Thema Kinder bin ich auf einen Artikel gestossen und wollte mich bei euch erkundigen, wie ihr das handhabt und ob es funktioniert:

http://www.nzz.ch/meinung/kommentare/das...dern-1.18633012

Noch steht eine Schwangerschaft für uns nicht im Raum, sind uns jedoch einig, dass wir irgendwann Kinder bekommen möchten.

Allerdings hadere ich etwas und bin mir noch unsicher.

Ich danke für eure Rückmeldungen.

Liebe Grüsse
4uVoice

• Zitieren

Hoihoi zäme

Ouuu Thema schlafe... mmmh Schlaf isch doch total überbewertet! also mir hend als chlises Baby en super Schlöfer gah wo sehr schnell mal duregschlafe het, irgendwenn hets aber gänderet und es Ziitli lang isches echt härt gsi. Bin vieli Nächt mit ihm ide Wohnig umespatziert, het aber au Nächt geh wo er praktisch nur uf mir obe gschlafe het Mittlerwile chani mi wieder glücklich schätze, er verwacht 1-2 mal und das isch für mich pure Luxus aber ich nimms wie's chunt, ändere chan märs eh nöd, klar amig wett mär eifach nur schlafe aber mär gwöhnt sich drah und zum Glück isch er sowieso en "Spat-Ufsteher" und ich blieb mit ihm am morge gern ligge... het au sini Vorteil

Himbeer, ich hoffe fest für eu dass de Chlii bald sin Rhythmus findet aber es isch normal, es brucht Ziit und amig sinds total unzfriede und mär weiss gar nöd recht wieso. Mir hets denn amig ghulfe ihn eifach z'tröste und bi mir zha, alles ligge lah und mich uf ihn istelle... lahn di nöd stresse und nimm der d ziit wo's brucht, schön isch din Maa bi eu

Elea super hets funktioniert mite Breili, tönt amel fein de Avocado-Mix.. scho sin lieblingsbrei gfunde, so herzig! Isch sicher au en Entlastig eimal weniger im Gschäft müsse abpumpe! Finds sowieso Hammer dass du das durezoge hesch trotzem schaffe, isch nöd selbstverständlich mir hend nachem erste Geburi langsam mitem stille reduziert, jetzt wo er au ide Nacht kei Milch meh trinkt, stilli praktisch nüm... sind schöni 12 Mönet gsi Lilly, wünsch dir au dass s stille dasmal klappet mit dinere chline

So mir hend euses verlängerte Weekend in London buecht, freuet eus scho riesig :) verbindets grad miteme Bsuech von Wiehnachtsmärt.. hoffet eifach uf relativ gutes Wetter und sust werdemer halt verregnet die 3. Flugreis für euses Schätzli :)

Schöne Abig allne!

Zuletzt bearbeitet am 21.10.15 21:02

• Zitieren