Elea, be eus eschs vorher eigentli ok gsii. E de ss hed sie de afoh nerve und sit die chliine do send... Naja... Das esch jo "cool" wäg de operation
Mini schwimu fahrt ebe sehr unsicher und mängisch gliich wie en hänker... Denn chunnt sie wäge jedem scheiss in es züg ine - wett jo ned wösse wie sie wörd reagiere wenn die chliine im auto würded brüele und sie muess fahre... Gseh eifach ned ii für was sie mit de chliine müesst i de gägend ume fahre... Zum glück sind mi maa und ich einer meinig. Er isch aber glaub froh gsii han ichs ihre mol gseid und ned är hed müesse läck das hed es riese züg gäh! Sie hed denn so es theater abgloh dass es min maa "verjagt" hed und er hed ehre de zünftig d meinig gseid. Sie hed sich denn entschuldigt

Sodeli, muess mol goh luege. Die "chlii" esch sit ere stund im bett aber mäggelet nur, hed glaub no nüd gschlofe... Sie brüelet aber ned, drumm hani sie loh sii. Wenn die nüd schloft denn wird das kei spass hütt nomittag die "gross" pennt näbedraa tüüf und fescht...

• Zitieren

also ich ha zum glück keis schlechts verhältnis zu minere schwimu (da wäri min schwiegervater dä mühesamer) ABER i dä ferie isch es halt scho bitz öpis anders, wenn mer wüki jede tag ufenand hockt... drum säg ich mim ma immer, es isch OK, eifach nöd z lang dänn isch alles abseh und no ertragbar :) verstahn eu aber natürli vollkomme elea und sonne, das wenn s verhältnis sch... isch, das mer dänn irgendwenn gaaar nüd meh vertreit (au wenns zum teil viellicht gar nüd schlimms wär) dänn bruchts vermuetli eifach mal bitz abstand vonenand, aber bi dier elea isch das ja no schwierig wenn sie jedi wuche gsehsch so chasch dich ja nie vo ihre erhole luegt sie dänn 1x i dä wuche oder meh? mitem eigete mami isch halt scho öpis anders! ich bin so froh hani mis mami i dä nächi, gib dä luis bis jetzt immer nur ihre, händen no nie dä schwiegereltere gäh... uf bsuech gömer eifach 1x i dä wuche, das sind aber dänn es paar stündli und sind mier au däbi, findi gaht no! aber allei ischer bis jetzt nur bi mim mami gsi, fühl mit eifach am wöhlschte wenner bi ihre isch, vorallem weissi dass sie alles so macht wie ichs au mache wür und wenn nöd, es reschpektiert was ich säge, was ich möcht und was nöd... da hani s 100%tige vertraue!

snet, ha di au grad welle fröge, wie lauft das dänn mit dä igwöhnig i dä kita? uf das freu mi au scho wenn dä luis dänn id spielgruppe chan, stell mer das ebe au uh lässig vor, mit all däne coole spielsache det, dä gspänli etc. ... und gueti vorbereitig für dä chindsgi :) aber glaub id spielgruppe schickt mer die chline erscht ab 3 ... muesser sich dänn vorher mit dä schwöschter zfriede gäh oder dä chind verrusse (vo fründe) etc. hihi

he nei, min sohn hät glaubs s gfühl er segi dä herkules lüpft die ganz ziit t pfannene umenand, aber natürli nöd die chline, sondern t XXL und jetzt no die zwei gröschte inenandine

so, mir sind scho wieder bim essens-thema, jetzt gits z vieri

• Zitieren

hihi lily, genau das hani mim maa gsiet "i muss mi vode schwimu erhole" und das goht ned wenn me zee ed ferie goht :)
ja si luegt Emmer am mettwoch. i due de amigs s muul und d ohre zue ond warte bes de tag ome esch
ja metem eigete mami esch vell eifacher! ehre vertroui vell meh und si nervt mi halt ned. und wenn si mi mol nervt de segis sofort und es staut sech nüt a! ja genau wi du seisch, du weisch halt dass es s eigete mami so macht wie du möchtsch. mis mami wörd ehm nie züg zesse ge woni ned wett. ond d schwimu stopft en amigs met Pancroc voll und de trenkt er fast nöm bimer weller scho voll esch

haha lily, bahnt sech do öpe en karriere als Koch a bim Luis? das wer jo genial

• Zitieren

uiuuiii thema schwiegermüettere

elea, verstahn di absolut, ich denke mär sötts au nüd forciere wenns eh grad nöd passt. Ich chan mi zum glück überhaupt nöd beklage, im gegeteil, s verhältnis isch besser worde sit de chlii da isch, sie het selber 3 chind grosszoge und het 6 enkelchind, ich frög sie no oft um rat und mir gebet de chlii zum hüete glich fair beidne grosseltere ab aber stimmt halt scho, mitem eigene mami isches halt eifach vo grunduf andersch. Scho müehsam wenn mär jedesmal muess striite oder sich ständig muess ufrege, das machts überhaupt nöd eifach mite chind

Ich han hüt abig zum erste mal d fortsetzig vom rückbildigsturne... nöd das ichs no brüchti, aber han mi mitere mami-kollegin agmolde und mir freuet eus scho jetz uf eusi 6 "freie" öbige ahaha

• Zitieren

elea: er trinkt teilwiis au scho 150ml, hüt hät er mega viel trunke de tag dur aber wahrschinli isch das will er gester chli wenig verwütscht hät. er isch mit schlafe beschäftigt gsi.

defür isch jetzt rambazamba… er hät glaub buuchchrämpfli gha am abig und mir sind ist 2 stund am beruhige… fencheltee isch igflösst, schoppe häter au, büchli isch massiert… er hät scho fast gschlafe ufem buuch vo mim maa, da hät er ihn is bett gleit obwohl er no wach gsi isch. jetzt isch de chli wieder voll am schreie

• Zitieren

Jö, herzliche glückwunsch lilly!!! Wie schön! Alles, alles gueti und e wunderschöne start z vierte!!! erhol di guet!!!

• Zitieren