liebi eve, ich denk ganz fest a eu! ihr sind jetzt i de beste händ und bestimmt wird alles guet. ich ha au e Kollegin wo hät müsse fast die ganz Schwangerschaft im Spital ligge und schlussendlich hät sich die chli au no recht ziit glah bi ihre. verseuch eifach positiv z bliebe, das sich d hauptsach!

bi eus spielt sichs au immer meh i und es lauft echo recht guet. de chli schlaft ja eh scho wie en Weltmeister und ich hoff, das bliebt eifach so lang wie möglich so… haha. drum händ mer au recht entspannt täg will all recht fit sind.

ich bi immerno sehr viel am träge, er beruhigt sich eifach im tragetuech am schnellste und ich finds au so unglaublich praktisch im Alltag und unterwegs. ich hoff zwar scho dass er denn de wage au mal langsam chli besser findet, ab und zur wär de nämli au ganz praktisch… aber momentan isch nur echo spaziere chli es Roulette, ab und zue schlaft er grad ih und denn isch guet, abder meistens isch spätestens nach 30 minute Schluss und denn wird nur no gschroue im wage. ich trau mi drum nonig so nur mitem wage irgendwo hii. aber solang er no so chlii isch, isch ja au träge keis problem und wenn er die nächi halt brucht, denn soll er sie ha ;-)

morn händ mer wieder kinderarzttermin und d impfige stönd ah… ich bi schochli nervös und hoff, er steckts guet weg. ha uf jede fall nüt me abgemacht für de rest vom tag.

hüt abig hani usserdem babyfrei, ich gang an wiehnachtsmärt eis go zieh mit Kollege und nachher sich no wiehnachtsesse vo mim gschäft. freu mi meeeeeeega! und am samstig gönd min maa und ich id Stadt ane hochzieht und mini eltere lueged uf de chnopf, das wird au fantastisch, haha

gratuliere zum job emma, das tönt super! grad im marketing etc sind spannende teilziitstelle nöd so dicht gsäht. ich weiss was meinsch, ich bi au scho am zittere vorm april wenn de chnopf id chrippe gaht, er sich doch no so chlii. aber das chunnt scho guet!

• Zitieren

guete morge zeme

schön loht euch de chlli lo schlofe ond bim mami eschs halt scho am schönste
aso wet jez do ned met schlaumeiertipps cho aber euse chlii het au schnell emol gnueg cha vom chenderwaage. het em schnell gstonke. denn hani en agfange ove buuch legge em waage ond das het er vell besser gfonde. vellecht wer das au öpis wo euchem chliine gfallt?

ui impfe, ja verstohni dass bez nervös besch. das esch Emmer sones russisch roulett dröcke düme dass alles easy lauft
ond denn wönschi der veöö spass am wiehnachtsmärt und de am wochenend bide hochzit! gnüsses :D

bi eus esch veeeeelll besser met zahne, Gott ei dank. de cheib esch doss ond die letschte 2 täg het er so guet gschlofe wie set Woche nöm. beee soo erholt.

gester hani ove Kalender gluegt ond gseh dass i 3 Woche wiehnachte esch, de beni voller panik id Stadt gsecklet und ha gschenkli kauft ond de rest de zobe no online bstellt. jez hani scho fast alles ond be meeegaa erliechteret

• Zitieren

er bringt die Kindersicherung nicht auf? wenn ich mal welche brauche, frage ich dich, welche du gekauft hast, die scheinen super zu sein

@elea: ich drehen amigs au uf de buuch im wage, er isch ja au en buuchschläfer. ab und zue nützt öpis, aber au nöd immer ;-) ich ha jetzt eifach meistens de wage debii plus es tragetuech, denn chanen eifach useneh wenn er nüme mag drin ligge. nachher gönd mer z imim grosi, det trägen denn aber, sich nöd so wiit und vor Ort eifacher will sie kein lift hät.

ich denk dass er denn ab sitzalter sicher lieber im wage isch will er halt gern umeluegt.

ui nei das mit de gschenklli isch mer au in sinn cho kürzlich, uh schlimm. ich Bruch nur 2 aber ha kei ahnig wasi soll schenke… bzw. isch mer gester eis in sinn cho aber ich has schwoiender vergesse ich frosch.

• Zitieren

Snet gell din chliine esch generell ganz en zfriidne? 
I träge ehn jetzt au no vell em ergo ome. Hänkt langsam a aber er liebts ond i had händ frei :D

I ha för mini 2 götti buebe, för de neffe ond för mis mami züg postet. Die familie vo mim maa dömer wechtele drum eschs det au nor ei person gsi. Ah und de hani no züg postet welli mine verwandte wet e chreschtbaumchogele schenke met em handabdrock vom chlline. Vor paar johr hend mer i minere verwandschaft gseit mer schenke nix me. Ond plötzli het sech das weder ine gschleche ond jez wird weder mega gugus hin und her gschobe. Ond da i letscht johr di einzig gsi ben wo nix debi gha het, hani mi doof gfüehl und schenke jez das. Es rechtigs pflicht gschenk… :/

ja Männer gwöhne sech uu schnell dra wenn me ehne Sache abnemmt. i "zwenge" min maa mengisch bez dezue Sache z öberneh. zb hani gseit alles wo euses Auto und d wohnig agoht (reparature oder service vo grät oder so) met dem wetti nüt me ztue ha. und das funktioniert öberraschend guet. :)

jo gell himbi si gsend halt ned vell die wanne. mer hend so sitefensterli bi eusem gha de hetter Emmer det usegügslet, das esch no cool gsi! du bech super dass Emmer s tuech debi hesch. wer scho mengisch froh gsi drum wenner quänglet em waage aber vergesses Emmer....

ja esch u müehsam sech Emmer öpis zöberlegge. ich froge Emmer was si sech wönsche (aso bim göttibueb frogi sis mami). und i liebes wenn si ganz genau seget was si wend, das esch toll

• Zitieren

Hoi zäme

Ojee Eve, das tuet mir mega leid zläse! Wie gahts dir inzwüsche? Ich hoffe fest dass sich alles chli beruhigt het und eues Töchterli no lang i dim Buuch mag blibe, denke fest a eu und druck d Düüme!

Snet, wünsch dim chline Maa alles liebi nachträglich zum geburtstag, so herzig, au scho 1 worde :) No zu dinere frag, han denn en super arbetsweg.. 20min mitem auto und grad ufem weg zu mine eltere, also tiptop zum de chlii det here bringe.

Elea du bisch ja super mite Wiehnachtsgschenk! Mir hend no gar nüd und ich weiss gar nöd wo afange... zzz jedes jahr s glich debi hend doch alli scho alles, mag die suecherei gar nöd.. am liebste würi au nur de chind öpis schenke

Jöö lilly, isch d estelle e chlini diva? hoffe dass de osteopath chli öpis chan mache oder dass sich alles nochli ipendlet. Ahah han au mega müesse lache apropos ide windle mache wenns grad gar nöd passt

Himbeer freut mi sehr dass eue chlii langsam sin rhythmus gfunde het, das isch super! Ich hett defür gern meh treit aber de ergo het eusem chline nie würkli passt, bime 2. chind würi vilicht au es tragetuech usprobiere, ghöre immer meh wie super die sind. Gahts dir au chli so mitem gedanke as schaffe? zum glück hesch ja no lang ziit bis im april.. ich gnüsse jetz de dezember i volle züg, obwohl ich ja nöd ewigs weg wird si aber glich

Ach fraue, ich han gester de ersti "autounfall" i mim lebe gah.. han en schöne parkschade agrichtet und weiss gar nöd wie ich das gachafft han!!! Zum glück isch nüd schlimmers passiert und mir hend vollkasko abgschlosse.. ach je.. chan mi eifach nöd demit abfinde.

Sust isch bi eus au grad e friedlichi phase, d schrittli werdet immer sicherer aber glich wird immerno lieber krabblet, er isch mittlerwile en chline speedy gonzales frögt sich wahrschinli warum muessi sonen chrampf mache für 5 schrittli weni i 3 sekunde a mim ziel bin? Het ja recht... aber es chunt :) Hüt namittag gömmer go d löckli schniide

Zuletzt bearbeitet am 02.12.15 13:24

• Zitieren

elea:

---

Lilly4:

---

und meischtens schisst dänn eine vo beidne churz bevor mer use gönd no t windle volle

haha han mega müsse lache lily, das kenne doch vo neumet sis neuste deng esch es, Emmer nor i die frösche windle z kacke so bald er gwicklet esch foht er a chnorze und de räblets

• Zitieren