hallo zeme

ja lily das verstohni dass bi beidne abgseit hesch. de samstig met de Familie wetti au ned misse. und ebe 20% of 3täg esch denn de ufwand rengsume mega gross för die jewils churzi zit. aber s guete esch dass die Situation besch, dass wörkli öpis chasch sueche wo perfekt zo euch passt und för alli stemmt! dröck der uf all fell am 29igste secher bed düme

himbi, ja das het mi au gärgeret. wenn me langsam en tolle Rhythmus het metem chliine muss me weder go schaffe und s wird alles öbere huufe grüert. aber das pendlet sech secher gli weder i. und dass ned extra musch för en halbe tag ed Stadt fahre esch au toll glöst!
ui so cool! dasch en mega meilestei! esch so rechtig de Startschuss vom mobil werde

me: min maa het en neui stell. aso er het die mündlich zuesag aber no ke vertrag (drum döfis nor euch sege ) das wird mega vell bi eus ändere. be aber mega happy. er wird meh lohn ha, meh ferie, es gschäftsauto und vorallem arbet wonem mega gfallt. be so happy för ehn! sorry hani rasch müsse los werde

• Zitieren

himbeer, gratuliere zu dinä ufträg als traurednerin, so guet wenn sind dänn die 3 hochziite? im summer?
mir sind am fritig au wieder anere hochziit gsi (zwar nur zivil) aber s erscht mal mit 2 chind hihi... isch zum glück no guet gange! zerscht all mitenand und womer dänn is reschti sind am abig isch min vater dä luis go hole, so hätter in ruhe chöne bi ihne dihei no chli spiele und dänn schlafe t estelle isch bis am schluss bliebe sie isch sogar uh lang wach gsi, aber schön friedlich, all agrinst etc.

gäll, das chan mer no guet vorstelle... je länger mer mit chind dihei isch desto schwieriger fallts eim dänn :/ also weiss es natürli nöd gnau! aber ich gsehns jetzt z.b. bi mier, han amigs uh mühe wenns nur paar stündli nöd mit mier sind (willi grad en termin han, dä luis bi mim mami am spiele isch, was au immer) bin dänn amigs richtig froh wämer wieder all vereint sind :p mir isch vorallem au ufgfalle dass die chlne zwei sich au vermisset hehe geschter isch z.b. min ma mitem luis chli use gange und t estelle isch i däre ziit irgendwie nöd so zfriede gsi (isch sie suscht ebe immer) und sobald dä luis wieder dihei gsi isch, isch wieder guet gsi oder dä luis, wo am fr. uf dä sa. bi mine eltere gschlafe hät (weg dä hochziit) und woner dänn am sa. morge hei cho isch ischer als erschts zu dä estelle grennt und hät sich richtig gfreud scho mega herzig!!!!

möcht aber trotzdem uf das jahr gern en job finde... eifach max 20-30%! han dänkt wenns dänn i dä schuel sind chani ja immerno ufstocke (soferns natürli möglich isch)!? freu mi uf jedefall uf s gspröch vom 29igschte, det würs mer glaubs no guet gfalle

han eu doch no verzellt vom schiefhals vo dä estelle... han id physio müesse, dänn händs mi bime arzt welle amelde zum das wieder richte und au no röntge (i dem alter) irgendwie isch mer das alles nöd so recht gsi, sie isch ja erscht 4 mönet!!!!!! bin dänn vo mier us no zunere osteopathin, wo spezialisiert isch uf babys (chind) und siehe da, sit ich det gsi bin gahts automatisch viiiel besser... wird i ca. 3 wuche nomal gah und bis dänn sicher nüd anders meh mache... he nei! zum glück hani uf mis gfühl gloset und nöd uf t ärzt! will wenns jetzt eso wüki richtig weg gaht, dänn wär das eifach nur genial!!!

• Zitieren

ja und wennd vorher scho amzwiifle besch denn eschs secher ned s richtige.

ja mer schaffe em gliche gschäft (aber ned zeme ade gliche projekt). hend aber bes jez Emmer nor eis Auto brucht, drum esch es gschäftsauto perfekt, sost hette mer es 2ts müesse ha. ja die letschte johr eschs recht de Bach ab (hend en neue AL becho). mi maa het das schlechte Klima Emmer sehr gstört drum escher jez mega froh chaner das gli hindersich loh.

jö lily das esch mega schön wie sech euchi 2 chend super verstönd. glaub all eltere wönsche sech doch das so herzig wisi anenand hanget!
ui das fendi jez au grad bez heftig biemene Baby met 4mt. guet hesch uf dis buchgfüehl glosst! das esc mengisch meh wert als es medizin-Studium

Zuletzt bearbeitet am 14.03.16 14:10

• Zitieren

mir händ jetz gester mal s ifüehrigsgspräch gha i de krippe und ich ha es super gfühl. d betreuerin vo eusem zwerg isch ganz e netti sympathischi und sie gönd all super mit de chind um. ha au grad e situation erläbt wo eis vo de chind hät müesse brüele will er vomene andere ghaue worde isch und all händ mega guet reagiert. sogar die anere chind, es meitli hät grad grüeft "jetz muess sich de levin entschuldige!!" ich has voll herzig gfunde.

er wird mit abstand de jüngst sii aber defür au de einzig so chlii, da lernt er sicher viel vo de andere und sie lueged guet uf ihn. ich bi mega froh händ mer de platz det übercho und bi gspannt uf d igwöhnig, die fangt denn au bald ah.

ja ich freu mi extrem uf die hochzite woni dörf mache! ha mer gester scho mal agfange de chopf zerbreche fürs erste paar. die hüratet bereits endi mai, die andere zwei sind denn beid im oktober. am fritig sind mer au anere zivilie hochzit gsi lilly, isch mega herzig gsi!

bi eus gits denn wahrschinli au no es zweits auto i de nächste mönet, irgendwie bini jetz nochli abhängig vo andere au wenni sehr viel zfuess cha mache. aber mini schwö wird ja au bald mami und denn chani sie au mal go bsueche, das wär mega umständlich mit de öv.

• Zitieren

lilly, er isch 2 täg i de kita und denn all 2 wuche no en zuesätzliche tag bi de grosis.
so lustig, eusi bruut am fritig isch au schwanger gsi! sie hend zivil in züri ghürate.

• Zitieren

morge zeme

ou himbi, die chreppe tönt ganz toll! und wi du seisch, er wird secher mega vell vode grosse lehre und abluege. fende d chend profitiere extrem vo enand speziell wenns no so chlii send!
und ganz cool hend du und dini schwöster denn d chend so noch vom alter her! mer warte jo emmerno druf das euse chlii entli e Cousin oder e cousine bechunt, aber di andere wend ned so recht

Emma, ja min maa chan witerhen 80% schaffe, sost hetti er de Job nie agno. gester eschrs grad am Chef go sege dass er chönd. er esch sehr öberrascht gsi und het aber gseit er gspühri dass paar sehr unzfride send... wörd au gern wechsle, ha au e cooli stell gseh, aber ergendwie fendis amne potentielle arbetgeber gegenöber ned fair well jo eusi familieplanig nonid abgschlosse esch. het es doofs gfüehl wenni neumet neu avo und paar mönet spöter werdi grad schwanger. oder wie fendet ehr das?

hend för em mai no e Woche Elba buechet gester. freu mi mega. ech Emmer cool wenn me ferie in ussecht het, de schafft sechs grad liechter

• Zitieren