Hallo zäme, hender alli das warme Wuchenend gnosse?

Ohh schön liest mär da scho vo Gedanke über ä 2. Schwangerschaft ich bin da dure bitz wie du elea, d Vernunft seit mir sölet no bitz warte, d Ziit gaht so schnell ume, irgendwie gnüssis jetzt grad sehr mitem chline aber natürli würemer eus uf es zweits Baby mega freue aber ich glaube mir wartet sicher no de 2. Geburi ab

ihihi snet wür mi au Wunder neh was uf dinere Liste no staht gasch eigentli allei mite Kollegin uf Münche oder isch din Chline au debi?

Mir hend das Wuchenend euse Churztripp buecht! Mir gönd über Uffahrt uf Valencia so chömer bi Schönwetter Stadt- und Strandferie kombiniere obwohls sicher no zchalt isch zum bade aber echli am Strand entlang laufe ahhh freuet eus scho sehr!

Und mir sind im September a zwei Hochziite iglade eini devo isch z Italie... da muess denn wohl nomal es Wücheli Ferie drahh glaube

Lilly hesch Bscheid übercho weg de Stell?

Himbeer du startisch die Wuche wieder gäll? Wünsch dir en guete Wiederistieg, und dass din chline ganz guet mitmacht demits dir bitzli liechter fallt

Zuletzt bearbeitet am 04.04.16 10:30

• Zitieren

hallo

s wuchenend isch wüki herrlich gsi mitem wetter und au hüt wieder bin sogar im trägerli umegloffe
mir händ am sunntig no e babyshower gha, e kollegin und ich händs für öpert organisiert! isch mega schön gsi

emma, bin dänn scho gspannt uf eui baby news hihihihihi
oh valencia! so schön <3 bini selber zwar no nie gsi aber han nur positivs ghört... mini schwögerin isch au erscht grad gsi mit ihrne kolleginne, und sie händs super gfunde :) wenn gönder jetzt gnau? freueter eu sicher scho mega und im sep. no zwei hochziite sooo schön!
mir werdet das jahr wohl keini meh ha, aber evtl. nöchscht und suscht sicher im 2018 ein oder sogar mehreri hani au nüd dägege, dänn sind eusi chind knapp 3 und 4i :)

jaaaa, han bscheid becho, händ mich zum zweite gspröch iglade han mi mega gfreud!!! jetzt mal luege... werdet sicher no 1, 2 anderi zum zweite gspröch chöne gah, aber hoff jetzt eifach mal s bescht :)

wünsch eu allne en schöne abig...

• Zitieren

Danke snet :-* jetzt heissts abwarte :D mir sind no z zweite :) 50/50 ...

• Zitieren

@elea: So früh am Morgen fährt von uns aus noch kein Zug. Wir müssen wohl das Taxi nehmen. Ich möchte von niemandem verlangen uns morgens um 4 Uhr irgendwohin zu fahren.

Ich habe noch keinen Lasertermin. Übernächste Woche habe ich die Voruntersuchung, dann entscheidet sich dann alles.

• Zitieren

Man kann so einen Transport bestellen, der kostet dann 183.-... Ich stelle mir das mit dem Übernachten viel stressiger vor. Den Kleinen früher aus der Kita holen, dann alle Koffer packen, damit auf den Zug, dann noch irgendwo etwas Abendessen und dann alle zusammen im gleichen Bett schlafen... Und damit könnten wir 1h länger schlafen...

Ja, ich erzähle gerne mehr, sobald ich genaueres weiss zum Lasern :-)

• Zitieren

guete morge zeme

ui do esch ja scho lang nüt me gloffe
snet, ja do chostet de Transport auä glich vell wie wenner ines Hotel gienget. do eschs secher eifach för euch de weg! verstohni voll!
ja be gspannt was denn verzellsch zum lasere. aber i glaube bi mer eschs wie bim maa vode lily. ich bin z fest blind för das (warschinlech)

lily, wie eschs gange bim 2te gspräch? hesch jo mittlerwiile secher scho antwort becho oder? be mega gspannt

bi eus send di letschte 2 Woche sehr turbulent gsi. min maa het jo kündet (das hani glaub gschribe) und 1 Woche spöter het no en andere arbetskoleg gschrebe. er esch min beste kolleg em Büro, mer kenne eus set 14johr. het am liebste natürli au gard kündet wonis erfahre ha aber i gönns ehm natürli mega und freu mi för ehn. nor esch jetzt halt em Büro mega en sach well grad 2 gönd. hend jez all gspröch gha metem AL was denn los sig etc. wiso so schlechti stimmig esch und alles. jetzt esch d luft so dick em Büro me chasi verschniide super wetzig, chönets euch ja öpe vorstelle

so, wönsche allne e super wuchestart und das de mentig schnell verbi goht

• Zitieren