sonne, Emmer schön vo der z lese haha, ja di chline send wie schwömm, wenns om bösi wörter goht. loschtiger wiis ghörets de rest nie so guet wid fluechwörter
was esch denn bi dim maa los dass er am ome luege esch? au schlechti stemmig oder gfallt ehm d arbet nöm so?
gosch du demfall 1 tag die Woche so widu schribsch? du, ob e halbe tag oder 5 täg, so langs för eim stemmt eschs richtige. esch shcön wenn me e chline usglich het und s denn weder chan rechtig gnüsse met em chend. das esch so vel wert! ja und wi du seisch, si werde so schnell gross. schaffe chame au spöter nomeh obwohl i chönt mer niemeh vorstelle 100% zschaffe. das mieche mini nerve nöm met
ja Emma genau, wenni wörd voll schaffe em Moment de hetti au scho lang kündet. en anderi kollegin het mer jez au grad verzellt dass si afoht ome luege. goht aso super witer i wörd gern wechsle, aber ebe well mer auä i es paar mönet wend förs 2te probiere, fendi das ke guete zitpunkt.
ah, aber apropo #2... letscht Woche het mer mini best fröndin gseit dass si schwanger esch metem 2te. si eschs gotti vo eusem chline, und ich vo ehrem bueb. be super super happy und freu mi jetzt mega dass es witers chend ome esch nöchst johr

Emma, ja sone papi tag esch öpis mega speziells för bed, s chend und de papi. und esch ja ned selbstverändlich dass de ma chan bez reduziere.
ja gell, au wenn si nonid so vell plöiderle esch wahnsenn wie vell si scho verstönd. be amigs selber baff welli oft denke i rede ane wand. aber ebe die chline verstönd mega mega vell. mengisch wends halt ned verstoh
uh euse het momentan en mega tigg wo eus i wahnsenn trippt. er stopft sech Emmer s muul met essse voll, und denn chöiet er of dem ome und plötzli spöizt er de ganz hufe use. grrrrr jedes mol, Emmer! mer hend agfange em de teller wegneh und en z fuettere wines Baby, löffeli för löffeli. aber das esch ehm doch egal, de spöitzt er halt das au use. s einzig woner normal esst esch Banane hoffe die doof Phase esch gli verbi, nervt total

• Zitieren

hallo mitenand

ou elea, das tönt wüki nöd grad sehr agnehm im gschäft :-/ meinsch wird jetzt chli öpis gänderet? hoffemers mal! aber für dich isch ja wüki easier als teilziitlerin

hihi sinder scho gspannt was bi mier use cho isch leider hani e absag übercho bin ja nur no mit einere im renne gsi und die häts dänn schlussentlich au becho... janu! t absag an sich isch aber mega nett gsi haha sie hät mer gseit söll immer wieder so antworte gäh wiennis gmacht han und dass sie mich wüki toll gfunde händ blabla (bringt mer zwar i dem moment au nöd wüki viel ) aber glich uh nett gsi und dass sie sich halt händ MÜESSE für öpert vo eus beidne entscheide. was mer im nachhinein aber ufgfalle isch dass sie bim zweite gspröch recht uf das mit dä chind usgfrögt händ, z.b. was ich dänn mach wenns chrank sind und dass sie mich als mami dänn ja bruchet (ja klar ) händs es paar mal agsproche und gfrögt und au wegem arbetsweg (willi 1h gha hätti) obi das wüki möcht in chauf näh für die wenige % woni wür schaffe... viellicht hät die ander scho mal i däne 2 pünkt besser chöne punkte... janu! bin a dem tag wos mer e absag erteilt händ meega deprimiert gsi, bin nur no dihei gsi, t chind sind a dem tag gar nüm use cho am nöchschte tag isch es dänn aber scho wieder verdaut gsi und jetzt isch au scho wieder s nöchschte in ussicht hoff eifach dasi öpis finde wird womer dänn au wüki gfallt und spass mache wird, das isch mer uh wichtig! s guete isch immerno dasi kein stress han und ich weiss ehrlich gseit au gar nonig wienni das ane bringe wird wenni dänn nüm die ganz wuche mit dä chind zäme bin :-/ drum würi au gern nur mit 1 tag istiege, eifach isch es aber def. nöd... 2 täg wäret im moment max bi mier! eifach solangs no so chli sind

sonne, so herzig, also ja, t fluechwürter natürli nöd chch ... obwohl, bi dä chline tönt wüki aalles soooo herzig hehe verwütsch mi amigs selber wienni lache muess däbi wärs gar nüd zum lache

himbeer, bi dier guet gange dä start? und mitem chline? am afang sicher nöd eifach gsi ihn abzgäh? :(

eusi zwei schlafet jetzt sit ca. 1 wuche zäme im zimmer t estelle isch zwar erscht 5 mönet, aber sie schlaft ja sitem 3te monet dure, wie en stei und drum hämer dänkt probieremers no i dä alte wohnig obs überhaupt gaht!? i 1 monet züglemer ja scho!!!! und bis jetzt isch wüki guet ... mal luege wie sich das wiiters entwicklet!? hüt am morge isch uh herzig gsi, isch dä luis zerscht wach gsi und hät sini auto grüsch gmacht dänn isch die chli natürli au wach worde und hät sich vergröllt bi ihne hät mer allgemein s gfühl händ amigs e gigelisuppe gesse t estellt findet dä luis soooo luschtig und er findets dänn natürli au cool wenn sie ab ihm muess lache und ich ha i däne momente eifach nüd z brichte

jö elea, wender eu i es paar mönet as zweite wunder mache??? soooo schön und dini bescht fründin wieder schwanger? hät ihri zwei dänn aber au recht nöch, gäll? ihre chli isch doch jünger als dine? mega herzig aber! vorallem wenn du dänn au grad schwanger wärsch wenn sies no isch, wie bim erschte PERFEKT!
bi eus im fründeschreis chund au gli es baby (mir sind bis jetzt die einzige gsi mit chind) freu mich scho meeeeeegaaaaaaaaaaaaaa!!!!!
muess aber ehrlich säge dasi au froh bin dasi eusi zwei schätzlis han... wenni so zrug dänke isch es fascht asträngender gsi woni schwanger gsi bin und mitem luis wo no so chli gsi isch als jetzt wo beid da sind... mir isch es aber i dä ss vo dä estelle au viel sehr schlecht gange, isch sicher au nomal öpis anders als wenn mer sich topfit fühlt!

s krasse isch, merk jetzt scho wies öpis vonenand händ, während ich da jetzt schnell am schriebe bin isch dä luis mit sine laschtwäge, baggers etc. am spiele, schön nebet dä chline und sie luegt ihm zue scho mega herzig!!!!

• Zitieren

snet, lasern will ich irgendwie auch schon lange, aber wir haben immer irgendwie andere prioritäten... jetzt gibts wahrschienlich bald ein zweitauto für mich und wir fangen wahrscheinlich doch etwas früher an mit bauen als geplant. mal gucken ;-)

lilly, tuet mer leid wäg de absag. aber ich wird grad wieder hässig wenni das ghöre mit dene frage. hetteds das mit de betreuig im chrankheitsfall au en maa gfrögt? natürli nöd! ich chönnt amigs d wänd uf. eigentlich muess mer ja uf so frage gar kei antwrt geh. ich säg nur "das isch organisiert", punkt. aber es chunnt demfall sicher öpis passenders für dich, ich glaub da immer chli as schicksal, haha.

weg mir: ich ha erstunlicherwiis kei problem mit abgeh. ich weiss, dass es am nevio sehr guet gfallt i de krippe und sie ihm sehr guet lueged. ich ha vollstes vertraue zu dene fraue det und sie mached würkli en super job. denn cha mer au mit guetem gwüsse gah. und mir gfallt de büroalltag als abwechslig sehr. ich schaff jetz viel lieber, schneller und effizenter als vorher und glichziitig chani au die täg mitem chline dihei wieder viel meh gnüsse. ich finds super so wies isch. guet er isch halt au no chli und brüelt zb au nöd bim abgeh, das isch bi de eltere amigs no schwerer. aber ich weiss ja, dass er i guete händ isch und det viel lernt, und er isch ja sowieso sonen ufmerksame wo immer wott luege und dihei isches ihm amigs fast langwilig...

ui mir händ die nacht so schlecht gschlafe wie sit eme halbe jahr nüm, ich hoff es wiederholt sich nöd hüt abig. de nevio isch totkaputt gsi am abig und isch immer i eusne arme igschlafe aber immer bim ablegge is bett isch er wach worde und hät mega agfange schreie. schlussendlich hät er denn 3 stund bi eus im bett gschlafe und ich ha ihn am morge am 1 chöne is sis zimmer transferiere, aber det ischer denn all 45 minute ufgwacht, hät chli gmötzled und isch denn wieder igschlafe, nach 45 minute wieder ufgwacht etc.... ich hoff nur es wiederholt sich hüt abig nöd, ich bi elei dihei die nacht. heieiei.. mir sind so verwöhnt, bi mer das gar nöd gwöhnt :D

• Zitieren

Snet, ja 11m2 wär scho bitz eng für 2 :) obwohl sie schlafet ja nur im zimmer :) also i dä neue wohnig hämers so plant, es schlafzimmer für beid zäme und s andere dänn als spielzimmer (isch ebe grad bi dä stuube) nutze... bzw t sache sicher mal det dri stelle, nöd das alles i dä stuube staht! :D

• Zitieren