morge zeme

schad wege de absag lily... :( die froge send aber au no frech ned? eigentli döfets doch settigs gar ned froge.... aber het auä ned selle si. aber verstoh di voll und ganz das di das a dem tag so abezoge het. egal om was es goht, en absag füehlt sech nie guet ah!
das ehr euchi 2 scho zeme i eim zemmer chönet ha esch jo super! vorallem ebe scho so früe!
ja d chend vo minere beste fröndin werdet denn 20mt usenand si. ehre chlii wird jo erst em Mai 1. si het gmeint i sell jetzt au grad noh zieh metem 2te. aber för eus passts em Moment gar nonid. mer warte lieber no bez :)

snet, a me chas bes zo 7 lasere! ja da beni no denn, ha 4,5 wi esch de undersuech gsi gester?
ui cool er cha scho danke sege? das esch doch es mega schwers wort ne? so guet vo ehm

himbi du hesch VOLL recht! wiso frogt me das Emmer od d mamis (was em chrankheitsfall vom chend esch)? macht mi grad sauer. wo mi ma und i eusem Chef gsiet hend dass mer es chend bechöme set er so "ja dasch jo super wohnet er so noch, de chön ich ja ganz schnell hai wenn öpis esch". de het mi maa sogar de gseit, wiso er anemmt dass automatisch s mami hai seklet. wiso ned de papi? klisches...

ui himbi die nacht tönt gar ned cool. so astrengend. und es dud eim de au leid för di chline, si maches ja ned extra und wette jo eigentli au nor schlafe und chönet ned....

haha, lily, merci förs muet mache dass die Phase au mol fertig esch met esse use stopfe so demfall schimpfi jez eifach witer und warte bes er ufhört

• Zitieren

Guten Morgen Miteinander

@himpi: Ja, bei mir kostet es nun CHF 4'980 um beide Augen zu Lasern. Es gibt natürlich auch günstigere Anbieter in der Schweiz, die machen es für etwa CHF 3'000, aber die wenden noch das Lasikverfahren an.

Schön, dass es so gut geht mit Abgeben. Ja, die lieben Kleinen erwischen halt schon den einen oder anderen Käfer in der Kita. Richtig schlimm wurde es aber erst, als wir Magendarmgrippe bekamen (M. fast gar nicht und wir sind flachgelegen).

Hattet ihr eine bessere Nacht?

@lilly: Hmm, ist schon blöd mit dieser Fragerei wegen Kinderbetreuung. Also wenn M. krank ist und ich dann auf ihn aufpassen muss, ist das gar kein Problem für meinen Chef. Ich dürfte ihn sogar mit ins Geschäft nehmen. Mein Chef hat auch im Spass gemeint, dass wir aus dem einen Zimmer, dass die Bürogemeinschaft hat (andere Firma) ein Spielzimmer machen und falls der aus der Bürogemeinschaft da sei, könne ja er aufpassen ;-)

Wir wollen halt neben den Schlafzimmern auch noch ein Büro. Aber eben, dazu hätten wir ja noch den 27m2 Hobbyraum indem man ja auch ein Büro einrichten könnte.

@elea: Deine Kollegin hat aber auch ganz schön Gas gegeben :-) Für mich wären 20 Monate also auch zu früh.

Ich korrigiere mich, man kann sogar bis -15 Lasern.

Naja, er sagt mehr Ganke als Danke und dann noch mit so einem abgehackten K :-) Aber nun sagt er auch Tschau und winkt dabei - voll süss!

@me: So, ich bin kompatibel fürs Lasern. Einzig eine kleine Narbe auf der Hornhaut, die aber nicht im Optikfeld liegt, ist ein wenig störend, sollte aber gar nichts machen.

Richtig arbeiten kann ich noch nicht, da ich nicht wirklich was sehe. Aber es normalisiert sich langsam.

• Zitieren

hihi lilly s land ghört ebe nonig eus, es isch de eltere vom maa, sie werdeds ihm aber überschriibe. ah wie mer das gnau mached müend mer no überlegge, es isch nöd eifach... mir graut au schochli vorem papierkrieg.

die wiitere nächt sind nachher übrigens wieder guet gsi... de chli hät am zistig fieber übercho und bis am samstig ischer nöd ganz fit gsi, aber am abig miteme zäpfli hät er denn wenigstens chöne pfüsele. susch isch aber alles ok gsi, händ zum glück au grad no d halbjahreskontrole gha und de ärztin isch susch nüt wiiter ufgfalle. jetz ischer wieder quietschfidel. isch nur lustig gsi, hanen scho s erst mal müesse ide krippe abhole bwziehigswiis mis mami, ich ha ja am zistig no gschaffed. zum glück sind eusi grosis da so flexibel und händ grad chöne ispringe... ich wär ungern grad im erste arbetsmonet wieder abghöseled. aber früender oder später wirds denn sicher mal müesse sii, haha.

• Zitieren

Guete Morge mitenand!

Himbeer, schön gahts euem Chline wieder guet ischer dänn bitz vercheltet gsi? Oder was hätter gha? Aber hauptsach isch alles wieder guet! Scho t halbjahres Kontrolle krass wie schnell die Ziit ume gaht.. t Estelle isch nöchscht Wuche au scho 6 Mönet und muess dänn au grad go impfe gah :-/ tuet mer jetzt scho leid.

Mir händ am Sunntig no Ihri Taufi gha hämer das au scho dure

Ou das mitem Land bzw mitem baue allgemein hätti glaubs au recht dä bammel dävör! Mer weiss halt vermuetli eifach nonig so recht wie wo was, gäll!? Kenneter aber es paar wo au scho baut händ? Chönd mer evtl det no es paar Tipps ihole :)

Snet, grad am Wuchenend hät es Kollegepäärli verkündt dass sie kauft händ hihi wämers vom geld her chan isch das halt scho e super sach! Aber natürli muess mer au no s passende finde... stell mer das nöd so eifach vor! Würet ihr dänn eher e wohnig oder es huus welle?
Ja bi eus gahts jetzt nur no 3 wuche bis zum zügeltermin 'hiiiiilfeeeee'!! Ha grad geschter wieder es paar sache in cheller abegstellt und am wuchenend simer no s eint und s ander go entsorge - fühlt sich immer so guet a muess jetzt eifach dra bliebe... so wirds evtl weniger stressig wenn alles schön vorbereitet isch!? Bin uf jedefall froh wenn dänn alles i dä neu wohnig isch und mer die alt abgäh händ!!

dörfi fröge warum du dänn so schlafproblem häsch? :-( aber guet chasch t medis bereits bitz abeschruube... isch nämli sicherlich kei lösig uf langziit :-/

• Zitieren

@snet: das land gehört den eltern meines mannes. wir bauen wahrscheinlich auch ein einfamilienhaus mit einliegerwohnung für sie, das ist der plan bisher.

@lilly: föteli hani gseh, so herzig :D
ja mir händ fründe wo grad am baue sind und es anders paar baut grad es alts huus um. ich finds au so überwältigend mit de ganze informatione und entscheidige. aber mir stönd ganz am afang und wänds ruhig agah. de plan isch für das jahr eigentlich nur s rechtliche mal regle und de papierkram, brainstorme was mer überhaupt wänd und denn en architekt sueche. das langt mer scho, s jahr isch ja scho halbe ume ;-) wahrschinli chönd mer endi nächst jahr afange baue und denn 2018 izieh, aber vilicht verschätz ich mich au kolossal. mir werdeds gseh, händ ja kein stress.

de chli isch chli verschnupft gsi und hät au chli ghuestet endi letzt wuche. das isch beides wieder weg. wahrschinli hät er weg dem chli fieber übercho. jetz ischer wieder fit, defür hät er hüt morge sonen usschlag am chinni gha... es isch scho immer öpis. ich gang denn hüt nachem schaffe mal id apothek.

ich bin übrigens am dunnstig no tante worde! die chli vo minere schwö isch gsund und munter uf d welt cho. gang sie denn am dunnstig dihei gso bsueche, isch chli agnehmer als im spital. aber sie isch scho sitem sunntig wieder dihei.

• Zitieren

er schlaft normalerwiis 3 mal. gester häter aber s erst mal nur 2 mal gschlafe. isch aber i de krippe gsi, das isch ja namal e anderi situation. er hät det schins am morge nur eimal 40 minute und am namittag eimal 20 minute gschlafe... wo ich ihn abgholt ha am sechsi hät er nur no de schoppe gno und isch denn am halbi sibni ipennt bis hüt morge am halbi sibni, haha... i de krippe lauft ebe immer so viel, da cha mer nöd sini ziit mit schlafe verschwende.

er hät jetz hüt morge mega en komische usschlag am chini gha. hät vorgester scho agfange nachem namittagsbrei, denn isches uf gester besser worde, gester namittag schinbar wider nachem namittagsbrei und hüt morge isches recht stark gsi. muess mal id apothek am abig. sit er chrank gsi isch letzt wuche isst und trinkt er au viel weniger. jänu es wird scho wieder cho...

• Zitieren