achso, tönt mega kompliziert und ufwendig!

ja das denki ebe au, sell doch jede waner för rechtig haltet. Emmer di drimischerei...

jö, so Möbel sind mega herzig. fendsch secher Occasion vell. und sost het doch d Ikea mega vell serig Sache.

mer hend ehm denn au e Glace ge de tag dor aber die nacht hetter nöm welle. det eschs ehm de "chalt" gsi

• Zitieren

hallo ihr liebe
ich meld mi au mal wieder

elea, das tuet mer leid dass dä chli grad so am zahne isch tuet eim scho mega leid gäll? ich han där leider au nöd wüki en andere tipp als scho ufzählt worde isch... am luis hani amigs (wenns wüki mal ganz schlimm gsi isch) es zäpfli gäh und das isch dänn prima so gange! muess aber säge er häts nöd so oft brucht gha, ihm häts amigs glange womer zu ihm sind, bitz gstreichlet, chli gel ane ta und dänn hätter, gott sei dank, guet chöne wiiters schlafe... bi dä estelle merkemers bis jetzt eifach wenn sie es füürrots füdli hät und schwups, sind scho zwei zähnli da gsi mal luege was die nöchschte dänn mit sich bringet

snet, das isch dänn doof daser das mit dä füechtigkeit händ aber guet händer e lösig gfunde und hoffentlich isch es dänn nach eune ferie wieder tiptop!
wenn gahsch dänn go lasere?

me, mir sind hüt morge i dä badi gsi hehe t chind händ uh dä plausch gha
und ich hät eh stell übercho (20%) ABER han abglehnt, hät 1, 2 sache gha wo für mich nöd so passt hättet und drum hani dänn nei gseit... s richtig chund no, bin mer sicher :) scho schön staht mer nöd unter druck, so chamer/dörfer bitz wählerisch si

• Zitieren

morge zeme

lily, was wer denn das för en Job gsi bzw was esch för dich usschlag gebend gsi zom ablehne? jo besch so inere super Position wod wörkli chasch of de Job "warte" wo perfekt passt anstatt eifach eine aneh welld eine bruchsch!
wie gohts dine 2 chline sost so? ali gsund und munter so wis tönt? hesch scho bez pendenze vode wohnig chöne abhogge? :9 ah, wege der beni de no go lavendel chaufe du hesch jo gschribe dass kauft hesch, un mer gfallt de ebe au u guet aso hani au müsse go hole aber er esch scho weder am sterbe... ha eifach ke grüene dume

snet, was hesch der denn vorgstellt? eifach es chlises tischli met stüehl? du besch doch so guet im DIY, chöntsch jo die vode Ikea anderst amole?

• Zitieren

hallo zäme

es wär e stell am chundedienscht gsi
ja genau elea, das isch genau so... drum luegi eifach no chli wiiters hihi... hüt hät mer grad nomal eine aglüte dasi mi dörf go vorstelle (wär aber e 40% stell) muessi dänn mal luege!? meh halt weg dä betreuuig vo dä chind, mis mami cha ebe nur 1 tag luege, evtl. no mim ma sies mami, aber wart jetzt da zerscht mal no ab :) vorallem hani ja eigentlich eh nur 1 tag welle, aber die stell (zumindescht vo dä usschriebig her) hät mer sehr zuegseit!

eusne chline gahts tiptop die chli chrücht jetzt jetzt isch sie bereits au scho mobiler wie gahts dänn eune schätzlis so? elea, dim schatz mitem zahne? scho bitz besser? häsch no öpis gfunde wos ehm bitz erliechteret? arms schätzli :-/

haha eine vo mine lavendel stöck isch au scho im chübel glandet dä ander ringt no um s überlebe hihi ja bin immer wieder dra mit neue sache pöschtele springt mer IMMER WIEDER öpis is aug und die grosse sache sind bereits au scho in uftrag gäh worde haha ... aber brucht sicher no es momentli bis es dänn def. so igrichtet isch wies mir gfallt ... muessi mi leider no es bitz gedulde!

• Zitieren

guete morge zeme

snet, hesch di scho entschide welle stuehl före M. wetsch poste?

lily, wenn hesch denn s vorstelligsgsröch för die 40% stell? du vellecht chöne der euch jo uf 30% einige oder so. ja met de chinderbetreuig esch Emmer so e sach, aber die regel fendet me Emmer e weg wenn me möchte.
merci förd nohfrog, ja metem zahne esch vell vell besser. hends zemli dorre hanis gfüehl. er lengt sech zwar emmerno nonstop is muul, aber er schloft weder besser und es dud ehm gleb nöm so fest weh wi vor paar täg no. trink hemmer kene usegfonde. abwarte bes es dorre esch

sonne, so schön vo der z ghöre :9
haha ja das met de büechli chani noh vollzieh. euse chli esch e mega bücher-worm, und er chiem z schlag met em Emmer gliche buech, i go amigs nor go büechki chaufe dassi weder mol öpis neus gseh
ou nei das dud mer mega leid hend grad beidi euchi meitli so starch met reisechrankheit z kämpfe ja das schrenkt natürli mega i. mi erst gedanke esch natürli au grad zug gsi. aber das esch met so vell Gepäck natürli shco bez umständlich! ossert er seget dass zb din maa metem Auto und em Gepäck abe fahrt und du ellei met de meitli em zug abe fahrsch. so hetsch kes gstelasch debi.
em mai semmer jo of Elba gfahre, det hemmers probiert durd nacht zfahre- ei weg esch super gange, ei weg scheisse. aber das esch Pech gsi weller denn grad chrank wurde esch. ja vellecht wer das au no öpis dass er wördet probiere dord nacht zfahre. oder falls euchi meitlis no es mittagsschlöfli machet, dass si das chönte im Auto mache ond so di halb fart wördet verschloge? guet neme a dass hender secher shco usprobiert. :)

schön hend dini Mädels so grosse apetit. de chocht me au vell lieber wenns au gässe wird! du i ha au emer sgfüehl i mache all pot s gliche. eusi standart menus send stocki met bohne, (Spargel-)Risotto, Tomate-Mozarella-Toast, Polenta met Pilz, selber gmachti Pizza, Fajitas, ond natürli nudle met gmües be aso au offe för menu-Idee ich choche amigs no züg usem Betty Bossi "neue Altagsrezepte". det hets feini Pasta Sauce denn. de hanis gfüehl i mache emmerhen ned Emmer di glich Sauce und sost changi amigs no uf pinterest bez menu Idee go sammle...

hey gratuliere zor Trauzügin hach s chleid ussueche, dasch doch s schönste a allem so toll hesch chöne dra teilha! hmm, vellecht chönte der zeme choche, Sushi mache zb
be selber ideelos gsesch

so, sost wönschi allne no e tolle wuchestart!

• Zitieren

hallo ihr liebe

sodeli, mittagspause jetzt gönn mer mal es redbull

jö sonne, das tönt mega herzig mit dine zwei mädels! so schön!! haha das mit mal nöd grad chöne use gah und dänn es riese theater ha kenni zu guet! ich gahn drum am morge und nami use (soferns nöd grad i ströme regnet) suscht hätti dihei nämli au es riiiiese gschiss bzw wür sich dä luis mit dä ziit eifach langwille und afange seich mache
ooh s gaht mer genau glich mitem choche ha au s gfühl mach immer öpe s glich haha ... bi mier isch aber halt no die chli ume, dänn muess es zuesätzlich no öpis si wo schnell gaht zerscht isst t estelle, dänn dä luis und dänn s mami IN ALLER RUHE!!! bin froh wenn t estelle dänn au vom tisch esse chan, dänn chömer wüki richtig, alli zäme am tisch esse, aaaah uf das freu mi scho richtig!!!

elea, han s gspröch am fritig gha und isch super gange, er hät mi direkt zume zweite gspröch iglade t stell wär wüki super, hät mer sehr guet gfalle, jetzt chund aber wieder es ABER 40% sind FÜR MICH irgendwie glich no z viel mis mami chönd ja 1 tag uf die chline luege und 1 tag müsst ichs aber ine krippe bringe und irgendwie hani s gfühl isch mer das wie nöd wert... bin glaubs eifach e riese gluggere irgendwie muess es glaubs eifach bi däne 20% si, ok, 30 wür au no gah, aber max.!!!! han dem jetzt gseit das es weg dä betreuuig nöd gaht mit däne 40%, sie bruchet aber zwingend öpert a zwei täg :-/ janu! sehr schad eigentlich, aber s richtig chund no... ich glaub gib eu erscht wieder bscheid wenni dänn öpis han
supi gahts wieder besser mitem zahne bi euem chline, gott sei dank! tuet eim scho mega leid, gäll? :-/ armi schätzelis... t estelle hät erscht 2, bin ja gspannt wies bi dä nöchschte wird!? die erschte 2 hämer ja nöd mal mitbecho aber die sind ja au nöd sooo schlimm, chömet dänn no anderi wirds gseh

die chli chrücht jetzt wie e weltmeischterin soooo herzig, chrücht und chrücht und chrücht, pause mit sitze und wiiter gahts dä luis findets glaubs au mega cool isch sie jetzt bitz mobiler

emma das tönt ja PERFEKT mit euem bungalow woner gha händ - HAAAAMMER!!!! und au dass dä chli so freud am meer und sand gha hät, soo schön! händers richtig chöne gnüsse das freud mich mega händers so super gha! gesse nimmi a händer au super? mmmh... !!!
ou, hätter dä rhythmus vo da wieder müesse finde? aber guet händers ane bracht :) jöö sinder sies zimmer neui am irichte? schlafter jetzt au i sim zimmer oder chund dä schritt erscht no?
ich ha mer au scho überleit am luis es neus bett z chaufe, aber iiirgendwie hani s gfühl brucht er s gitterbettli no, fühlt sich so wohl und gitem glaubs eifach e gwüssi sicherheit... aber uf endi jahr werdemer bestimmt au eis zue tue... so mit 2.5 hani dänkt, mal luege!? jetzt wirder i nöd mal meh eme monet au scho 2i!!!!! krass... ah und ab sep gahter dänn 1x i dä wuche, am morge für 3x id spielgruppe chch bim schnuppere hätters scho mal super toll gfunde hehe das isch au öpis womer sich erspare chan wenns bi dä nonni oder i dä krippe sind

wünsch allne ganz en schöne mittag/namittag!

• Zitieren