hallo zäme

emma, soo schön händer so en wunderschöne 2te geburi vo euem chline verbracht s wetter hätti wüki nöd besser chöne si und au daser so freud a allne gschänkli gha hät!! gäll dä 2ti geburi isch scho bitz andersch als dä erscht ;) bim erschte hani s gfühl gha isch es meh für die erwachsnige gsi aber jetzt mit 2i nähmets die chline scho bitz meh wahr und gspühret das es en spezielle tag für sie isch uuuh herzig! chönd scho s chärzli selber usblase hihi gschänkli uspacke... chueche esse und und und ...

und morn gahts scho los id ferie?? so cool... dänn chan eue schatz s erscht mal allei im flugi sitze :)
hihi was für 2 chleider stönd dänn zur uswahl? ;)

himbeer, das freud mich sehr häsch so e schöni hz gha und sind all happy gsi... git eim wahrschindli uh viel!? und au das es so guet wiiter lauft, meegaaaa schön! ich wür dich also au bueche chch

bi eus isch hüt dä 2ti spielgruppe morge gsi... letscht wuche hani ja für mich entschiede das s erscht mal det bliebe... hüt hanen bracht und bin dänn nachem begrüessigs liedli gange! han am luis gseit daser jetzt bitz mit dä chind chan spiele und ich go poschte gahne + dänn wieder zrug chum zum ihn abhole :) hät mer schön zueglost - umtrüllt und mit dä autos wiiter gspielt hahaha bin dänn use und er hät mer nöd mal nahgluegt muess aber säge, für mich als mami isch es scho es komisches gfühl gsi :-/ die letschte 2 jahr ischer, wenn dänn nur mit mine eltere oder natürli mit mim ma gsi wo ich nöd ume gsi bin... so i ganz fremdi händ isch das jetzt premiere! aber willers so guet gmacht hät wird ich mich bestimmt schnell dra gwöhne und ha s gfühl ihm tüend die 3 stund ohni mami und mit andere chind sicher uh guet... sie lernet det ja au und er muess sich afange wehre (chaner ebe nöd so guet, hmm...)! jetzt bini uf jedefall gspannt woes wiiter gaht!? :)

• Zitieren

Oh schön himbeer, dasses so guet lauft mit dine Traurede, so machts bestimmt dopplet so viel Spass und du bisch ja scho heiss begehrt

Danke Lilly, mir hends würkli alli sehr gnosse und es stimmt absolut, das Jahr isch s Fest voll und ganz für ihn gsi ein Tag vorher hemmer zäme de Chueche bache und am nöchste Morge isch das sin erste Gedanke gsi "Chuecheeee" nei, würkli uu herzig gsi.

Ja also s einte Chleid isch beige, eher klassisch, schmal gschnitte und mit Perleli und Paillette am obere Rand vom rechte Ärmel. S andere Chleid isch marineblau, mit wisse 3-Eckli, luftig und fiin. Das hani aber scho mal anere Hochziit agah, drum denki eher as erste... mal luege

Jöö de Luis macht das ja super ide Spielgruppe, er schiint richtig Freud zha, isch doch lässig. Das glaubi dases dir nochli schwer fallt, wär bi mir nöd anderscht, aber ich denke au das er nur chan profitiere und 3 Stund sind ja schnell verbi, da chasch du in Ruhe go poschte und er het idere Ziit Spass mit anderne Chind und lernt neus dezue. Bi eus ide Umgebig sind d Spielgruppene erst ab 3 jöhrig aber ich wär jetzt glaub sowieso nonig bereit

Danke viel mal, ich freumi uf es Wücheli Ferie, s Wetter gseht au super us, nüme die heisse Temperature aber glich e schöns agnehms Klima, perfekt!

• Zitieren

danke vielmal für eui gratulatione

haha ja es tönt mega herzig mitem geburtstag, emma. mir mached i 3 wuche au e party, aber de chli wird wahrschinli nonig so viel mitübercho devo. ich find aber, mir händ au e party verdient, schliesslich händ au min maa und ich s babyjahr denn überstande, haha.

hihi lilly ich verstah di au chli... euse gaht ja scho sit er 6 mönet alt isch zwei täg i de wuche id kita, aber jetz realisiert er au langsam das ich gang am morge. wie er reagiert hangt chli devo ab wer ihn entgegenimmt, öb er die person scho guet kännt oder nonig so guet. aber was immer wieder erstunlich finde: gester binen go hole am abig und denn isch mer es anders chind entgegecho und das het gseit "de nevio sitzt dusse bim sandchaschte". de hät mich voll kännt und gwüsst, dass ich s mami vom nevio bin, ich bi ganz baff gsi.

ich bi jetz fast froh händ mer ihn so früeh chöne dra gwöhne, und vorallem au MICH, so fallts eus jetzt relativ liecht, ihn au mal abzgeh und er gaht zum bispiel au im fitnesscenter gern in chinderhort solang ich im training bin. aber es isch scho so, jedem würdi de chli also au nöd geh. es isch es überschaubars grüppli a lüt und dene vertraui au, susch chönnti das nöd mit ruhigem gwüsse mache.

• Zitieren

uh lilly, ich ha au grad e schlechti phase was ernährig agaht. ich muess dringend wieder meh plane. wenni en menuplan mache, entsprechend ichaufe und choche denn issi automatisch gsünder. aber momentan hani recht viel um d ohre und denn i de ruhigere stunde am abig voll kei motivation meh zum gross öpis studiere...

• Zitieren

hallo zeme

ja himbi i denke au, me gwöhnt sech so bez as "chend abgeh". und ebe wenn me lüt het wome vertrout denn eschs au eifacher!

bi eus send di meiste spellgrupe ab 2,5 oder 3! geht leider au keini ab 2! Fends e super sach und hoff aso au dass mer ehn de mol ine cooli spellgrupe chönd due :)

oh Gott lily hör uf. set i abgstillt ha essi schrecklich ungsund! ha vorher fast 2 johr Emmer probiert mega gsund zesse wege de SS und de wegem stille. und woni nöm ha "müesse" luege hets grad is gegetil kippet. muss aber au sege mini huut esch so schlemm wi nonie und au met de Figur beni grad ned super happy. aber halt glich z fuul zom öpis ändere.

• Zitieren

ja nor före chlii wördi jetzt au ned chcohe. wi du seisch, die mini portione rendiere fast ned :) aber da mi maa hai chunt am mettag, und mer all zeme chöne esse, macht mers choche nüt us.

am fritig gömmer z6te uf Belgrad! freu mi scho mega. dStadt aluege, guets Esse und Usgang.
vorem Absched vom chliine grauts mer no bez, aber so bald i denn dete ben werdi secher gnueg ablenkig ha :)

• Zitieren