ja immer umeträge, und vorallem abeme gwüsse gwicht hänkt sicher recht a... t estelle möcht amigs no in arm (zum kuschle) aber suscht lauft sie guet

bin ebe au no nie uf stundelohnbasis gsi, aber ha grad e stell in ussicht wonis mer selber chönd iteile und die zahlet dänn ebe uf t stund! schwierig... wennis abe rechne dunkts mi so viel

• Zitieren

morge zeme

ja i ha au scho vo velnne ghört dass um die 2ti ss nöm so theäterlet wird wi bim erste mol. merkes scho bi eus die Familie. euse chlii esch ja de aller erst gsi die Familie vo mim maa. es reeese Tamtam esch om de ersti enkel gmacht worde. mini schwögerin wo jo letscht monet ehres meitli becho het het mer fast bez leid do, has gfüehl ehri ss esch fast bez onder gange.

merci Emma, demfall foni frühe gnueg a luege för so chlini bagger


ui bim KV hani ke ahnig. aber mer hend serig wo uf stundelohn agstellt sind im gschäft und dere ehre stundelohn esch höcher als mine wenni ne aberechne. ABER i ha natürli zahlti Ferie, zahlts "chranks si", zahlti Fiirtäg. das macht halt de undersched. drum chas scho si dass es di vell donkt! aber ebe das esch au en anderi Branche , weiss ned obs öberall so esch

bi eus dehai esch grad hemmeltrurig. send all 3 chrank set em wochenend. mi ma esch set gester dehai, i be am mentig dehai gsi und süche mi set gester weder em Büro dorre. Horror wenns all glichziti verwütscht

• Zitieren

nenei lily nor en normali verchältig "zom glöck"
ja genau du hesches gschrebe dass es euch au grad zeme gno het. so en seich au....
uf all fell magi nöm schaffe, ha s wechtigste erledigt und gange jez hai.

wönsche euch allne ganz ganz schöni festtäg, vell esse und mer ghöret eus nöchst johr weder! ganz vell liebi grüess an alli

• Zitieren

guets neus allne zeme!

ou lily, so cool! hets klappet met enre stell? ui ond scho ab Januar? eschs 20% so wis der vorgstellt hesch? gratuliere zor neue stell

mer send leider all 3 emmernonid fit. send all 3 e Woche chrank gsi aber glich sither emmerno agschlage. sette gleb mol all zom Arzt, es ziet sech endlos so


hoffe aber euch gohts sost allne guet und ehr hend schöni Festtäg gha!

• Zitieren

guete morge mitenand

ich hoffe ihr händ ganz e schöni ziit gha mit eune liebschte und so richtig gnosse!

elea, bi eus isch dänn au no e vercheltig cho, mega mühesam! ich bin jetzt no die letscht wo am ume schnudere isch

ja genau, han e 20% stell gfunde, so wiennis mir vorgstellt han, han sogar dä arbetstag chöne uswähle, und falls es a dem us irgendeme grund mal nöd sötti gah chönti i däre wuche dänn au problemlos en andere gah, echt super! start isch nöchscht wuche UND im feb. gahni no ame andere ort go probeschaffe (au e 20% stell) wär eigentlich min favorit.. det isch dä start eifach erscht im april, wills kein stress händ, isch e neu gschaffeni stell... da bini scho meeeega gspannt und wär au mit monatslohn! mal luege ... ha uf jedefall freud

snet, wie gahts bi dier mit dä ss? gli wieder en untersuech?

• Zitieren

ah super chasch din arbetstag so flexibel schiebe falls nötig!
lueget d grosseltere oder din maa wärend dim arbetstag? wi gohts der demetem weder afo zschaffe? besch bez wehmüetig oder eschs nome freud?

snet, super magsch weder Sport mache! das dud doch amigs guet wenn me sech bez chan bewege! da wegem unregelmässig gspühr chan so vell grönd ha. wend der sorge machsch denn frog doch mol dini FA bide nöchste kontrolle, si chadis echer beruhige :)

ja mer hend au enti Schnee! hoffentli blibt und chunt nomeh! :)

• Zitieren