was sind dänn das alles für news woooow!!!! s 2017 wird es wiiters baby jahr hihihi sooo wunderschöni news! emma, bi dier bini ja scho igweiht gsi chch freu mi so riesig!!!! es wiiters leueli hihi und elea, bi eu häts au wieder igschlage? herzlichi gratulation, haammer!! jööö!!!

ja klar elea, verstahn di... hoffentli wirds nöd notwendig si! aber ich find ja chind mit brülle so obersüess bi eus CHÖNDS au mal dä fall si, min ma gseht enorm schlecht :-/

• Zitieren

Jöööö eleaaaaa so schön!!! Herzlichi Gratulation, wow denn wird s 2017 es richtigs Babyjahr, so herzig freumi riesig riesig für eu Danke dir viel mal, d Übelkeit isch dasmal eher spat cho bi mir, erst öpe ide 7ssw, han scho no denkt ich bliebe verschont aber isch denn doch nüd gsi defür aber nöd sooo heftig wie bim Chline (oder bald Grosse ), han mich nöd so oft müesse übergeh dasmal und s ischmer eifach immer so geg de Namittag schlecht bis am Abig, aber zum Glück weniger schlimm dasmal und es laht scho langsam nah (hoffentlich!) Wie gahts dir? Jöö no ganz ganz frisch

Danke snet, de ET isch am 22. August

Ja hend d Wohnig im FB usgschriebe wills denn doch ziemlich schnell het müesse gah, da mir usserterminlich kündt hend, hemmer en Nachmieter müesse sueche, womer aber zum Glück au scho gfunde hend, bini froh. Di neui Wohnig isch 128m2 gross, het grossi, helli Zimmer, en grosse Wohn-/Essberiich, es Gästebad mit Badewanne und i eusem Schlafzimmer no es separats Bad mit Duschi. En schöne Sitzplatz und eifach viel meh Platz als jetzt, bruchet au einiges meh a Möbel, aber mir freuet eus ufs Irichte, ufs Zügle weniger zügle tüemmer am 1. April.

ihihi danke au dir Lilly, für dich chumi jetzt wie di alti Fasnacht

• Zitieren

Ja leider nöd ganz aber s isch heilig im Verglich zum letzte Mal, det isch würkli ganz übel gsi... drum bini echt froh isches dasmal ushaltbar. Das isch so, han mi scho paar Mal schuldig gfühlt gegenüber em Chline willi eifach nur het wele ufem Sofa ligge blibe aber hoffe au dases im 2. Trimester denn langsam berguf gaht. Dir wünschi ganz en unbeschwerti SS, mite Hoffnig dass du dasmal verschont blibsch vode Übelkeit, hoffes ganz fest. Wenn hesch ET?

Danke, s isch würkli en mega Glücksfall gsi mite Wohnig, liebe s Bad im Schlafzimmer au hoffet eifach dass sie schön wird ihihi bi Neubaute hesch d Überraschig erst am Schluss

Ja, de Chlii freut sich scho ganz fest ufs Schwösterli/Brüederli, kuschlet mitem Buuch, seit em Baby guete morge und guet nacht und erinneret mi amigs drah dases im Summer denn chunt letzti het er gseit s Baby schlaft jetzt mitem Mami und denn hani gseit ich seg au s Mami vom Baby und denn het er gfunde, nei sicher nöd, du bisch MIS Mami ihihi das het er nonig ganz verstande

ihr bhaltet s schöne Gheimnis nochli für eu oder hender scho öper igweiht?

• Zitieren

Oh schön, Oktober isch en schöne Monet

ihihi nei d Chuchi isch tatsächlich nöd grüen sött dunkelgrau werde, jetzt hemmer e sandfarbigi, also scho chli en Umstellig aber wird sicher schön.

Ja isch würkli uu herzig, er isch sowieso sehr fasziniert vo Babies, s isch grad e schöns Alter zums chöne miterlebe. Ehhhm ja, es Büchli gseht mär definitiv scho gaht würkli schneller als bim erste, laufe scho miteme offene Chnopf ume ihihi zum Glück muessis nüm lang gheim bhalte.

Jöö herzig, was für e Ehr für eus mir hends ade Wiehnachte de Eltere und eusne Gschwüsterti gseit und ich no minere beste Fründin, sust weisses au no niemert. Nachem ETT nöchst Wuche werdemer denn aber langsam s Gheimnis lüfte wenn alles guet isch.

• Zitieren