elea, drucke fescht dä dumme daser zunere lösig findet wo für all passe wird!

schlaft dänn eue chli guet uswerts? eusi 2 sind z.b. extrem was das abelangt, schlafet nur richtig im eigete bett oder notfalls im buggy! aber i "fremde" better wirds seehr schwierig! da sinds 0 flexibel

müsstisch dich det für eue chli eifach chli chöne irichte oder dänn dä tag alles mitschleppe...
und verstahn au dini bedenke, müsstet dini sorge scho ernscht näh! es CHAN natürli super gah für s grossi, chan aber au ime totale chaos ende chönteters echt vorher mal usprobiere? so als teschtlauf? das wär viellicht no was!? sind ja nur no 3 wuche od.? und mit dä krippe muesch dich doch au no organisiere bzw. 2 wuche igwöhnigsziit?

• Zitieren

aso er esch bes jez erst bi mim mami uswerts gschlofe. ond halt em Hotel aber det met eus. weiss ned wi das gieng dete, det et er nonid gschlofe.

ja si hend jez höt nomitag en "Testlauf" gha. mini schwögerin het ehres Baby zo eus hai brocht. aber 2h devo het eusi sowiso mittagsschlöfli gmacht, asos Ends schlossentli nor 2h wos grosi het müsse ufpasse. und das esch ja nor e nomitag, do esch kes ablege zom schlofe oder essemache oder schoppe ge debi.

ja mini schwögerin het mer grad metteilt dass es höt i 2 Woche zom erste mol wer.... be grad so sauer worde...
ha jez mol no met mim mami gredt. si verstoht wenigstens mini sorge und seit si wörd sost au luege ob si allefals meh chan isprenge. het zwar e smega schlechts gwösse si denn 2 täg izspanne. aber ebe jez mol luege was höt usechont. be jez scho mega gnervt

• Zitieren

guete morge!

elea, für sie isch es ja au s schwiegermami gäll? zerscht mal super isch es nöd i striet usgartet oder so und händer e lösig gfunde ich finds aber irgendwie bitz frech vo dinere schwögerin das es für sie eifach so selbschtverständlich isch dass s grossi in erschter linie uf ihres baby luegt und dänn no nur 3 wuche vorem start und ihr no halbe en stress händ wegeme krippe platz obwohl s grossi vorher immer uf eue chli gluegt hät als dini schwögerin hät ich mich da automatisch als zweit rangigi gseh und apasst! aber so isch jede anderscht und die andere tage wo du schaffsch luegt dänn dämfall dis mami?

• Zitieren

mega ärgerlich sie hät wüki vorher chöne luege, vorallem wenn sie ja eh gwüsst hät dass sie wieder gaht go schaffe! überleit mer sich ja normalerwies scho vorher wie wo was für sie isch so natürli super, eifach für eu sch... :-/ hoffe klappet alles und daser kein z grosse ufwand werdet ha! mit möglich wenig stress und das es euem chline i dä krippe viel spass wird mache hätsch dämfall wenigstens e gueti in ussicht? aber die händ erscht abem summer wieder frei-i plätz? müender bis denn no e vorübergehendi lösig finde?

• Zitieren

Oh Mann Elea, das ist natürlich wirklich eine doofe Ausgangslage für die Kita. Ich würde aber dennoch wegen dem Platz in der Kita, die euch am Liebsten und Nächsten ist, Ausschau halten.

Du hast nun verschiedene Möglichkeiten:
- Mal dein Mami anfragen ob Sie nun noch 3-4 Monate vorübergehend hüten kann
- Das Pensum von dir oder deinem Mann runterfahren
- Tagesmutter in der Gegend suchen
- Jemanden von Mamiexpress anfragen oder sonstigen Internetseiten. Die bieten auch oft Hüteservice an.

Ich würde nun schnellstmöglichst mehrere Anfragen platzieren, bei deiner Mutter, im Internet, etc. So habt ihr die grössten Chancen, dass sich schnellst möglichst etwas ergibt.

• Zitieren

merci förd tiips snet!
mer werde eus jez definitiv mol bi dere Kita wo eus am beste gfallt amelde, ond probiere die paar mönet z überbrucke. hofe sehr ofd helf vo mim mami. leider chöne mer bed s penum ned witer abefahre. tagesmuetter hani au scho öberleit. aber Fends de au weder doof nor för die paar mönet. wet ehn ned 2 mol churz ufenand a öpis neus müsse gwöhne.


uh ja lily, weisch wie gen wördi es böses sms schribe oder eifach bi ehre verbi go
ja de wetz esch ja das mini schwimu und d schwögerin sege die erts zit sells grosi nor ofs Baby luege, i paar mönet döf denn euse chlii au dezue cho. aber ebe , i paar mönet hemmer kes Problem me, jez hemmers. ja genau und wenni en ine Kita amelde de sels grad definitiv si. au för spöter wenner in chendergarte goht, macht das senn die Kita zneh woner noch före chinsgi het.

i weiss jommere brengt nüt, aber Fends so ned fair, dass si do eifach ine drängt und eus i dere schiss Situation loht lo hocke

• Zitieren