sehr egoistisch vo dinere schwögerin

verstahni dass din chline nöd a 2 neui sache möchtsch gwöhne, wär au doof! meinsch dis mami chönd die ziit guet überbrücke? wär glaubs no die bescht variante, hä? und viellicht chaner ja dänn doch scho bitz vorher id krippe!

mir startet dänn abem summer eimal mit dä waldspielgruppe

• Zitieren

ach Gott verstoh d welt nöm....
mi maa het jez höt am nomitag sim mami aglüte und bez "gscumpfe" wiso si eus so i seich ritte. de seit sis mami, si heigi nie gseit das si nöm of euse chli ufpasst. aber genau das het si gester met mineer schwögerin gseit. uf all fell het si de gar nüt me welle vo dem wösse und het gmeint si sigi ned do zom d Problem vo desne uszbade, för se änderi sech nüt.
de hani mi minere schwögerin gschrebe, und die esch denn au ned druscho und seit eifach so nebebi, ja denn schaffi halt amene andere tag. be baff gsi. jetzt hets di ganz zit gheisse si chäni nüt schiebe etc.
verstoh d welt absolut nöme. katastrophali komunikation echt! i meld jez de chlii glich die Kita a und anschinend luegt jez mini schwimu glich no uf ehn bes er id Kita goht.
gopf das ganze hin ond her und Theater het mi jez rechtig fertig gmacht.


so, het no öper öpis positivs zom verzelle of de kack abe?

ou lily, waldspellgroppe esch mega cool! das esch aber meistens so ab 3 gell? hends det au en igwöhnig oder so?

• Zitieren

ja esch super chasi amene andere tag schaffe. verstoh eifach ned wiso ned sofort...

ou SUPER! gratuliere zode neue stell das send jo mega tolli News! du hesch ja so fest of die stell ghofft!
ja esch jez bez doof weg de jezige stell, aber schlossentli musch för dech luege! wenn chöntsch denn am neue ort avo?

• Zitieren

Guete morge zäme

Uiiii elea, han dini Gschicht i eim Zug duregläse, das isch ja öpis gsi du!!! Finds ehrlichgseit vo beidne grad echli frech dass mär unternenand bestumme het dass s Grosi jetzt halt eifach ufs Baby luegt, ich meine sie het ja eu gegenüber au e Verpflichtig wo sie sit 2 Jahr wahrnimmt, verstahns drum dass grad für e Kita gluegt hesch, isch jetzt de Chli agmolde für im Summer? Wenigstens hender eu jetzt gfunde und nach langem hin und her, passts hoffentli wieder für alli. Chani absolut verstah dasses dich mega gnervt het.

Nei, ich han no kei definitivi Antwort übercho, han eifach mal mini Wünsch güsseret, denke aber ehrlichgseit nöd dases durechunt, wenns härt uf härt chunt, wirdi eifach wieder chünde und mir wieder e Usziit mitem Baby gönne, isch ja bim Junior damals au e super Lösig gsi woni nie bereut han und voll gnosse han. Für eus chunt d Kita eher fürs Baby nöd in Frag, de Gross hetti sicher Spass aber für es Baby findis irgendwie scho chli öpis anders, aber das isch mini ganz persönlich Meinig, dezue chömet halt die höche Choste, das rendiert sich fast nüm mit eme tüfe Pensum. Mal luege, s staht alles no ide Sterne

Ohh Lilly, was sind denn das für News? Gratuliere! Hey das isch ja würkli super, hoffe ufe positive Reaktion vo dinere Chefin. Wie wirsch denn dete schaffe? Au 2 halbi Täg oder en ganze?

Gnüsset de wunderschöni Tag hüt, ich bin leider im Büro...

• Zitieren

Hi folks

@elea: Also ich finde es auch gut, dass du nun den Kleinen in der Kita anmeldest. Halt einfach auch nur, damit man der Betreuungssituation nicht so einfach ausgeliefert ist. Bei uns kostet die Kita 100.- am Tag und für Geschwister gibt es 15% Rabatt...

Hattest du eigentlich schon deinen 1. FA-Termin?

@lilly: Gratuliere zum neuen Job!

• Zitieren

euse gaht ja au 2 täg id kita und ich bi en grosse fan vo eusere. find sie macheds mega super und er gaht au uh gern, bald ischer 1 jahr det und er hät i dere ganze ziit nur öppe 3 mal es bizli gmööged bim abgeh, das machts natürli sehr eifach. ui und imene monet wird er au günstiger, da freui mi also scho ;-)

es zweits würdi sofort au det anegeh. allerdings isch euse chli au "erst" ab 6 mönet gange, vorher hettis mir au nöd so guet chöne vorstelle. sones 3monatigs isch scho no sehr chli... mal luege wies bi eus wär bimene allfällige zweite mueterschaftsurlaub. ich ha letztmal 3 mönet unbezahlt chöne neh, ich hoff das würd denn namal gah.

• Zitieren