Ja, genau, wir wussten nie ob wir noch ein zweites haben möchten oder nicht und waren deshalb auch sehr zurückhaltend mit Anschaffungen. Deshalb haben wir nun nicht mal eine Babybadewanne oder so etwas... Mega mühsam. Mit den Kleidern sind wir einfach an der unteren Grenze, aber im 50/56 besitzen wir gerade mal 3 Bodies aber ich gehe in 3 Wochen noch an die Kinderbörse.

Also motorisch ist M. glaube ich gut dabei. Er kann z.B. Bälle abfangen und sie einem ziemlich genau zuwerfen, wir spielen auch oft mit dem Ball. Oder sein Lieblingsspielzeug ist eine Klangkugelbahn, die findet er super. Und wo er natürlich ganz fortgeschritten ist, ist beim Essen

Ja genau, nur noch 90 Tage und ich bin hier immer noch total eingebunden im Geschäft und ständig auf Achse. Ich habe eher Angst vor diesem Thema und möchte mich nicht wirklich damit beschäftigen. Momentan habe ich sogar eher Angst vor einer spontanen Geburt (KS "kenne" ich ja), aber ja gedreht hat es sich noch nicht.

Anscheinend kann jeder plötzlich unter der ss Problem mit dem Zucker haben, auch wenn man z.B. nicht viel zugenommen hat. Aber "Risikogruppen" sind sicher eher Übergewichtige und auffällig grosse Babies im US. Ich meine mich erstaunt es ja auch total, dass ich erst bei einer Zunahme von 4.5kg bin...

• Zitieren

elea, wie lang müender dänn no warte bisers chönd säge? chasch es sicher scho chum erwarte
stell mer das ebe au uh schön vor wämer sich dänn bi dä geburt mitem gschlecht überrasche laht... ich häts eifach niemals gschafft so lang z warte kenn öpert wos au so hät welle mache und sich dänn t fraueärztin verschnurrt hät
neinei nöd emal e bülä elea, es isch eifach rot, blau und grüen gsi und wie so 2 bluetflecke/schürfige... aber mittlerwilä gseht mers so guet wie gar nüm (isch jetzt 1 wuche her)!

snet, 4,kg isch wüki nüd... super! du machsch au viel sport? und achtisch eifach uf dini ernährig? bi mier sinds i dä 1. ss 15kg gsi und bi dä 2. 12kg! wäret aber meh gsi wenni nöd regelmässig go schwimme wär

oh elea, du häsch mal en meitli name gseit hihi falls es immerno dä sötti si weiss ich scho mal welle

haha ich wünschti amig dass dä luis chli weniger wür redä redt mer dä gaanz tag dä chopf volle und t estelle ja au scho super er zählt uf italienisch und dütsch uf 10 und was mich mega beidruckt, er kennt so guet wie all auto markene... wäretem auto fahre ghöri amig nur: en audi, vw, skoda, volvo, renault, seat etc. etc. ... wür mal behaupte mer händ en richtige autofan dihei vom wc z.b. möcht er aber nüd (meh) wüsse, da kenni au sottig wo mit 2.5 troche sind... so hät jede so chli sies

snet, ja han letscht wuche kündt ;) bin mega erliechteret gsi und jetzt freu mi uf dä neustart im april !!! juhu

gebäre, also ich bin ja so e kandidatin gsi wo vor dä ss gseit hät wünscht sich planti ks ha sooo angscht gha, woni dänn schwanger gsi bin und alles für e natürlichi geburt gsproche hät han mi immer meh mitem gedanke agfründet... schlussentlich bini soooo froh drüber hani das dörfe erlebe, das isch öpis woni s lebe lang stolz uf mich wird si! au wenni jetzt dra dänke würs unbedingt immer wieder so mache! natürli nur wenns gaht... ich bin dazumal offe für alles gsi, hauptsach am baby und au mami gahts guet! binere steisslag wär für mich au nur ks in frag cho (wär s risiko suscht z gross gsi) erzwinge muess mers ja nöd aber solang alles für e natürlichi geburt staht

• Zitieren

Hallo Miteinander

@lilly: Hmm, es geht. Momentan mache ich noch 2x pro Woche Fitness. Ja, ich schaue ein wenig auf die Ernährung, aber esse auch immer wieder Süsses. Aber ich habe noch keine Wassereinlagerungen wie letztes Mal.

M. konnte sogar mal bis 20 zählen, aber er spricht momentan einfach nicht mehr viel. Vor ca. 4 Monaten noch Sätze und jetzt nur noch einzelne Wörter. Das mit dem Trocken werden haben wir noch gar nicht in Angriff genommen.

@elea: Also ich würde schon eher Grösse 56 kaufen, aber das Baby wird schon kleiner werden als M. Aber ja, ich besitze gerademal 3 Bodies in der Grösse, ich glaube nicht dass das reicht.

Wenn wir eine grosse Pizza über das ganze Blech machen, reicht die also nicht mehr so ganz für uns 3. M. kommt dann immer mit "meh".

Ich habe 3 Wochen vor KS-Termin aufgehört mit Arbeiten... Aber bis jetzt geht es mir noch gut, habe einfach ab und zu wieder Schmerzen beim Laufen.

Ich warte einfach ab wie es kommt... Entweder bleibt es in BEL oder nicht, we will see.

• Zitieren

snet, chasch der ja au ofd Geburt no bezeli chleidli wünsche vode lüt wo öpis wend schenke. send doch vell froh wenn si öpis chöne schenke wo me au cha bruche.

die schmerze bim laufe hesch letscht mol au scho gha gell? was hesch det chöne degäge mache? du so langd magsch denn esch ja guet! :)

ja me chas ja ned gross beiflosse wege de BEL. ond gege en össeri wendig hemmer eus ganz bewusst entschide. wenns jez weder in BEL wer und sech ned wet dreieh gebs weder en KS. esch definitiv di rechtig entscheidig gsi. BEL-Geburt esch mer eifach en z heisse. wenns jez s 5te chend wer oder so, vellecht. aber so ned
snet du hesch ja eigentli en positivi KS erfahrig gha. drum verstohni dass der de gedanke ane KS ke angst macht. i ha eifach d wundheilig als ganz ganz schlemm empfunde. ha ca. 6 Woche starchi schmerze gha. vor dem hetti wörkli weder angst....

Emma, das dini KS erfahrig ned tol gsi esch glaubi sofort. en not KS stelli mer mega stressig und schlemm vor. bi eus selber esch d stemmig im OP natürli ganz ruhig gsi. bi der eschs auä bez anderst gsi. vorallem weld ja scho so wiit gsi besch met de Geburt.
au wenns jez en geplante KS gebt, Emma, vellecht werds dasmol eifacher welld di psychisch chasch druf vorbereite. chasch di metem gedanke "afrönde" vellecht. de werds secher nöm sone schock Situation wi bimene not-ks. aber ebe i be do wi du (obwohl i ja no ke richtigi wehe erlebt han), wörd aso e spontani Geburt vorzieh. vellecht redi ja nachetene anderst

Emma, han gar ned gwösst dass ehr met euchem chline italienisch rede. fendi mega cool! denkes jedesmol wenni das bi öperem ghöre. esch eifach en "gschenki" frömdsproch förs chend wos nor profitiert devo!

• Zitieren

Elea & Lilly, ja das isch eso, s isch würkli kei schöni Erfahrig gsi mitem Not-KS, s het plötzli alles ganz schnell müesse gah. Mär kämpft so lang und am Schluss isch mär frustiert, trurig und dopplet erschöpft Ich han drum au recht lang brucht zum mich wieder erhole. Ich glaube au wennis jetzt wieder spontan wür probiere, denn hetti eifach scho Angst dases doch eh nöd klappt und sowieso wieder ime Not-KS endet und das sind ganz schlechti Vorussetzige. Drum glaubi wärs psychisch für mich scho besser en plante KS zmache, Wie du seisch elea, mär chan sich mental druf vorbereite und uf das istelle und es isch nüm so hektisch das Ganze.

Danke elea! Ja bin selber erstuunt wie guet dass mär das durezoge hend mitem italienisch, jetzt isches eifach normal dass mär mitem Chline italienisch redet und er redets und verstahts jetzt würkli super. Defür hemmer halt en chline Usländer isch amigs echli blöd wenn mär mit anderne Chind und Mamis zäme sind wo dütsch redet, da verstaht er halt nöd sehr viel und ich diene als Übersetzer für Sache wo er uf italienisch problemlos und super chan, i so Situatione zwiifli denn amigs öbs würkli s richtige gsi isch aber denn denki dass d Chind so schnell lernet und wie er sini Muettersprach glernt het, wird er au ganz bestimmt au Dütsch lerne. Mir werdet bald mite Spielgruppe afange und vilicht chan er denn au scho bald es paar Wörtli uf Dütsch

Lilly ihihi ja mega herzig mit dene Automarkene, besser als ich sini Lieblingsmarke isch Audi, er het scho en guete Gschmack aber wenn er mal gross isch will er en Opel ha wie s Mami und de Papi ihihih Schätzeli und am Luis sini?

Ja eh, han au scho gläse dases bide Buebe bitz länger duurt mitem troche werde, mach mär da drum kei Gedanke. Find au nöd dass mär das chan "trainiere" oder so, s chunt wenn s Chind parat isch.

Schaffsch jetzt eigentli no oder hesch Pause bis am neue Ort startisch? Isch ja au scho glii, so schön!

• Zitieren

Lilly ojee ja so Sache sind würkli mega trurig, sonen arme nei, mir chönd eus würkli glücklich schätze dass alles guet gange isch und de Chlii und ich nie in Gfahr gsi sind, wird aber dasmal sicher nüd wele riskiere.

Ahaha Range Rover, so herzig, grad di grösste natürli

Ja das stimmt, denkes ebe au wegem Dütsch, min Ma isch jetzt en super Texter und het bis im Chindsgi kei Dütsch gredt, also alles halb so wild jöö herzig wenns ab und zue au mal es italienischs Wörtli gitt, das isch würkli super wenn din Ma mit ihne italienisch redet. Euse Chlii kennt jetzt vom Muki-Turne es paar Liedli uf dütsch und das tönt ja so schnusig wenn er uf dütsch singt ihihi

Mir gönd nachem zügle, wenn alles chli ruhiger isch, mal en morge ide Spielgruppe go schnuppere, d Idee wäri nach de Früehligsferie im Mai zstarte, dass er gnueg Ziit het zum sich igwöhne bis im August wenn s Baby chunt. Und wenns nöd klappet, denn verschiebemers uf nöchst Jahr, wär au nöd tragisch. Oh so cool, das wird sicher lässig ide Waldspielgruppe, isch das ab 3?

Ah perfekt, denn hesch ja scho wieder Ferie das glaubi dass dich freusch, gaht ja au nüm lang :)

Zuletzt bearbeitet am 16.03.17 12:56

• Zitieren