guete morge zeme

ou jo wenn de Grundriss scho so guet wi fertig esch denn sends ja wörkli scho wiit. be mega gspannt, cha verstoh dass er jez scho mega happy send :) wösse der eigentli scho wenn Baubeginn esch ?

wie gohts allne andere so?

mer gohts set de Reduktion vell besser :) gseh us als wördi en Basketball verstecke onder em pully aber alles tiptop sost

wönsche euch en schöne wochestart!

• Zitieren

ja, mir striitet nur no mit de schwiegereltere wäg de platzierig vo de fenster, ahahaha
nei es chunnt super. mir sind voll happy! baubeginn isch nonig klar. ich denk das wird jetzt i de nächste mönet konkreter werde. ich reche demit dass mer irgendwenn im früehlig oder früehsummer afanged, de gross plan isch im summer 2019 izieh. isch alles no sehr surreal, au die rechnige wo immer is huus flattered

toll gahts dir besser, elea! gsehsch, es brucht amigs gar nöd so viel und du hettsch ja selber scho gmerkt, dass es dir würd guet tue.

• Zitieren

läck das isch jetzt au schnell gange, nur no e wuche?

ja sie ziehnd ja au ih, es git e iliegerwohnig :-) aber mir händ eus jetzt gfunde. lauft super irgendwie, ich hoff es gaht so wiiter. d saison isch fast dure. no ei trauig am nächste samstig und denn zerst mal id ferie. denn hani no eini endi oktober und denn isch de zauber scho wieder dure... aber ich bi flissig dra pärli z treffe für nächst jahr, chömed grad recht viel afrage ine.

am 7./8. oktober bini no als usstellerin a de loveside, das isch e chlini hochzitsmess in glattfelden. falls mich öpper wott go bsueche

• Zitieren

ja ich gang ad loveside, isch glaub da uf dere siite au werbig :-)
ich gang in erster linie eifach zum erfahrige sammle und chli networke, zum termine fülle müesstis nöd mache... ich ha scho 8 buechige für nächstjahr, isch also eigentlich scho fast wieder halbe volle

genau, es git es mehrgenerationehuus. es hät sehr viel vorteil, aber mir sind drum halt au 4 bauherre und me muess echli meh koordiniere. isch aber sehr problemlos bisher und es macht recht spass :-)

• Zitieren

hihi ja mir mached au jedes jahr es weekend nur z zweite lilly, und ab und zue schlaft de chli au uswärts. zb das weekend sind mer anere hochzit iglade gsi, da lah ich ihn lieber dihei, da händ all meh devo.

mini schwiegereltere ziehnt mit ih, ich freu mi scho sehr! bisher händ mer noni sooo viel entscheidige müesse treffe, ich glaub das wird denn meh wenns um de inneusbau gaht... momentan sind mer de grundriss am finalisiere, aber de isch scho recht wiit, und jetz isch d fassade drah. also plazierig vo de fenster und de nächst schritt isch d farb. da bini jetz scho eher chli am aschlag. ich wott öpis neutrals, aber eigentlich lieber nüt allzu hells. min schwiegervater isch eher de typ wiss ;-)

• Zitieren

ja gäll das tuet ebe scho guet himbeer also 1x im jahr es weekend wend mir jetzt wüki au immer mache bi eus schlaft ab und zue dä grösser bi mim mami, sie händ ganz es engs verhältnis und er bricht ab und zue die ziit mit ihre allei... und für eus dänn grad easy nur mit eim chch... die chli hät bis jetzt no nie uswerts gschlafe

tönt uf jedefall uh spannend mit euem huusbau! hui t farb vom huus hmm!?! wür au öpis neutrals näh (wo nöd vertleidet) und wenns dänn drin los gaht so lässig!!!

emma, soo schön mit euem chline schatz daser so en liebe und pflegeliechte isch ha s gfühl die 2te spührets eifach dass sie so müend si und mir eltere gönds bim zweite natürli au nomal chli lockerer a...
oooh cool, händer scho es bestimmts reiseziel im chopf für im früehlig?

bi eus stönd afangs nöchscht jahr die erschte skiferie a, bin ja gspannt wie eusi 2 das dänn machet hihihihi

• Zitieren