123gold... Also nachdem i das im Internet gseh ha, ha igs ebe minerä Schwöschter gseit und si si am Samstig gsi.. Si isch mega begeischteret gsi will si so individuell hei chönne zämmestelle.. Rinddicki, Höchi, Farb, wieviel steinli Qualität... Mesitens zahls für individuelli Ring eher viel, grad bi dä Goldschmied und so hesch zwar nid direkt es einzelstück aber au nid ein wo jede 2. het... Mir werde sicher mol dört goh luege oder je nachdem falls mir no uf reise göh dört ein ussueche:-)

Verlobigsring: ha ein becho bim Atrag... Mi Schatz het dä loh afertige loh und vo dem her isch er mega speziell... Bi baff gsi, dass nid dr 0815 Ring cho isch... Will er sehr speziell isch bruch i nid dr Ehering au no mega speziell und ufwendig si, süscht ischs zviel..

• Zitieren

@himbeer

so ischs mir au gange.. das isch s einzige wo ig scho ha chönen afo baschtle.. alles ander wär z frieh

• Zitieren

@Daninici10
Uiii tschuldigung, i bi nöd alles go nohlese
Aso standesamt ebe in Rorschach und den nocher no i dä Kirche Tübach und s'Fest isch den im Restaurant Engler's am See kennsch worschindli au oder?
Vo wo bisch den du?

Aso Save the Date Karte mached mir nöd.. bi üs wüssets eigentli alli wen mir hüroted und hend sich das scho igschribe!

Aso i bin vo dem 123Gold au begeisteret.. ebe bi dem Juwelier Grundmann diä bütet das au a, aso diä hend halt uu vil verschideni Marke und do cha me wiä erwähnt alles selber bearbeite.. voll coool!

I han au en verlobigsring becho uuuu en schöne und er het sovil däbi überleit, ganz herzig!

I muess den au no bastle... Namensanstecker und ev. no bim Gastgschenk (was au immer das schlussendlich wird si) no en integrierts namenstäfeli für uf dä Tisch!

Iladigskarte hani "entworfe" e Kollegin tuet diä ufem PC designe und min Dad tuet si den drucke i froi mi so druf! do müend mir ez den ebe definitiv Text und Fotene ha bis im August!!

• Zitieren

Ich will schon gewisse Sachen selber basteln, z.B. die Einladungkarten (habe sogar schon Prototypen gemacht )

Die STD-Karten habe ich einfach auch selber gestaltet und dann drucken lassen.

• Zitieren

Lula: Ich han gueti Erfahrige gmacht. Han aber au scho ghört, dass dVerchäuferinne zum Teil nöd so fründlich sind und so.. Aber mir hend glück gha!!! und für mich ischs würkli wichtig gsi dass mir beid en Ring hend wo üs 100% gfallt, und dett chasch würkli fast alles wähle... Material, Dicki, Breiti, Steindli, Karat, wies poliert isch... Also chasch eigentli gnau das ha was du wotsch. So isch de Ring absolut eimalig! :)

mona83: Mir hürated am 08.06.13 nöchst jahr :) also e wuche vor üch :)


Wägem allne welle verzelle, das känni nur all zu guet!!! Min schatz hät mir ide Ferie en Atrag gmacht und nur scho bis mir zrugg cho sind und mal de Eltere hend chönne bscheid geh... Uiiii Ich hett am liebste sofort ALLNE aglüted! Egal öbs mi känned oder nöd, s hetted alli dörfe erfahre

Mir hend dän ide Ferie am Flughafe en Verlobigsring kauft, aber de hät nöd lang ghebed :D Hät au nur sölle es Symbol si, isch nüt ächts gsi oder so... Etz warted mir uf üsi Trauring, demit mer die dän chönd als Verlobigsring träge bis zude Hochziit..
De Trauring isch mer viel wichtiger als de Verlobigsring... Drum hani au nöd welle das min Schatz viel Gäld usgid für en Verlobigsring (Lieber für dHochziit spare!!) :)

• Zitieren

@Butterfliege: Mein bi dr Tischdeko chasch das jo voll easy mache, z.b wenn du es Blueme gsteck hesch, duesch so schmetterling uf steckdröht wo sie denn wie drüber fliege und uf em Tisch entweder chlini Töff modell oder streudeko Töff oder Loh schoggi in Töffform mache.. (so wie osterhase oder so lollis) und uf dä Karte... wenn du chasch guet mole oder grafisch begabt bisch, z.b es Brutpäärli uf em Töff dr vo fahre unde hinde drie ä Schwarm Schmetterling oder halt eifach so Scrapbooking mässig, chärtli Töff bild und ä Schmetterling drzue als Deko oderso... gsehsch es goht alles:-)

Ig bi ehrlich, bi mir het dr Verlobigsring scho ä sehr grossi Bedütig und au stellewärt... Ha jo aber au ein und das isch guet so:-) D Ehering natürlich denn au, aber die miesse eher alltagtauglich si...

• Zitieren