@Elise
Jo klar, verzell doch gern vo mim Kleid i glaub aber wenis so verzell ohni das mes gseht hend ihr worschindli gsgfühl i heg a chli en Schade aber i han halt nöd so es 08/15 Kleid wölle. Es isch aber echt mega schön - romantisch und a chli speziell/usgflippt!
Es isch une dra mit luter "Tüll-Fetze" und drum sehr voluminös. Dä Tüll isch aber ganz weich, nöd so en gstabige und gseht mega schön us!
Obe dra isch es so grafft mit eme igneihte Band wo Perle und Federe druf het. Döt tuet si mir no me so chlini, dünni Federe ane wo so chli abstönd und mitbeweged. Den hani unbedingt en schräge träger wöle und da gits ez au no mini Tante isch jo di best gsi und het no di Idee gha: e Rose naiht si ez no ufs Kleid so a dä Hüfte gege füre wo au Perle und Federli dra het und den chunt no di glich Rose aifach chliner uf di ander Site i mini Hoore es isch perfekt! I han nämli kai Schmuck wölle alege (muessi ez nöd bzw. chani gar nöd, höchstens chlini ohrring) und i han kein Schleier wölle und das passt ez au mit dä Rose.
Ahjo übrigens s'Kleid isch vo La Sposa!

Sorry für dä lang Text, ihr gsehnd i bi hin und weg vo mim Kleid *troim*

@Reebee
Uuund was hesch den für e Idee gha?!

@himbeer
Magnetli find ich voooll e lässigi Idee.. mir hend zwor au kein so en Küehlschrank, hend aber früener Dähai ane gha und i han das imer so cool gfunde!

• Zitieren

hoi zeme hoffe es ghat eu allne guet bi dem supper wetter

bi eus lauft nöd viel... sobald mini eltere und Schwiegereltere zrugg sind vo de Ferie wennd mer mit ihne zemehokke weg de Gästeliste sodass mier vo de Fam niemert vergesset...
ich warte zur Ziit immmerno uf de Priisvorschlag vo eusne Ring... söttet die Wuche cho... :) nimmt mi wunder wie tüür dases wird...

han gester mim Brüeder es mail gamcht...

Du hend mer eus ez mal welle treffe zum rede oder eher nach Israel… ?
Mier gatz eifach drumm dassi kei Bock han zum stritte… dasi wott das jede für sich und sis Lebe luegt und sich nöd id Sache vom andere driimisch (au wenn sichs um Sache mit eusne Eltere handelt) zudem gaz mier au drum ob du no wotsch de Trauzüüge sii… wenn ja würdi eifach gern dass du dich au bitzeli interessiersch und eus unterstüzisch… ich erwarte nöd weiss ich was, aber Trauzüüge sii bedütet für mich nöd numme Gschenkli mache und unterschriibe sondern au mal naahfrööge, helfe und unterstüütze (was natürlich nöd heisst das du eusi HZ musch organisiere ) du chasches dir au überlegge und mer redet nach Israel mitenand…


er het mier no kei antwort geh... aber was halteder devo?

• Zitieren

@Valeria
wenn hesches denn gschickt? sus würi ihm bitz ziit la und en nid bedränge.

@Nathi
wow, tönt mega das chleid :) föteli dörfed mer kei gseh *liebguck*?

also mir isch geschter en gedankeblitz cho... irgendwie hani eusi iladigskarte bitz zu konventionell gfunde. sie sind mega schön, aber halt eifach bitz eifach. denn bini per zuefall über so e tradition bi inder und juden, etc. gstosse, wo als hochziitsakündigung so rollene imene kästli verschicked (so wie im mittelalter de herold mit sinere akündigung). i ha mer denn die so agluegt, aber sie sind bitz zu kitschig gsi. denn bini uf en englischi siite gstosse wo papier und kästli für die rollene verkauft. etz machis wahrschinli selber, aber nur für di gladne gäscht. di andere bechömed denn di ursprünglich plant charte.
so in etwa muen mer sich das denn vorstelle: http://blog.oliviasamuel.co.uk/wp-conten...eeing-stars.jpg

• Zitieren

Daaanke ihr Liebe!

I han leider kais Föteli vo mim Kleid gmacht, has verhängt
Und en Link hani au nöd.. bzw. i finds im Internet nöd und es wär jo den e nöd so wiäs bi mir isch, wil i jo doch no es paar Änderige han!

Aber weni snägst mol zur Aprobe gang wen si diä Änderige mol gsteckt het, machi den es Foti für eu!

@Reebee
Wooow find ich mega schön und edel so d'iladige verschicke, gfallt mir sehr guet!!

• Zitieren

nicht registriert

@Reebee: sehr schön. han i au scho gseh so. gfallt mir mega guet

• Zitieren

ich zerbrich mer immerno de chopf wäg dere freie trauig... sölli echt vo afang ah e deckti location sueche zur sicherheit?

• Zitieren