nicht registriert

zibesa: jööööö süess
bin scho gspannt druf

• Zitieren

Hoi liebi Brüütlis :)

Bi letschte Wuche mit enere Genickzerrig dihai gsi.. S isch nonig ganz weg, abr ich cha wieder chli länger ufrecht sitze ohni dass mir de Grind abe gheit ^^

Bi deshalb au nit oft online gsi.. Und ha natürlig Zyt gha zum nochdenke...
Und ich bi jetzt zu dem Schluss cho, dass mini Trauzügin nit diä richtige is :(
Sie interessiert sich 0 für die Hochzyt. Sie frogt nüt, sie isch desinteressiert, wenn ich ihr öppis zeig odr seit mir numä wie sie's emol wird mache, wenn sie hürotet. Sie isch neidisch (het sie mir au am Afo mol gstande) und das isch schlächt für eusi Bruut-Trauzügin Beziehig...
S wär jo so aifach gsi, wil sie mini längschjährige Fründin isch und drzue no die Fründin vom Brueder vo mim Schatz, der au Trauzüüg isch.

Was selli jetzt mache? Ich ha ihre scho akündet, dass ich mit ihre muess schwätze, möglichst no diä Wuche. Ich hätt e anderi Fründin, wo sich mega freut und mega tolle Ideen het und grad Gänsehuut überchunnt, wenn sie die ganze Vorbereitige gseht. Ich würd gärn sie als Trauzüügin ha.

Was meint dir? Heit ihr au so e Situation gha?

Wie sell ich ihre das sage, dass sie nüm "guet gnue" für mich isch als Trauzügin? :(


Ah, News hani au no :)
Mir hend am Samschtig eusi Trauring bestellt :) :) :)
Am 10. Dezember chönne mir sie cho hole :)

Liebs Grüessli

Anette

P.S.: Das Ringchüssi isch meeeega härzig :)

Ah, au so öppis... Mini no Trauzüügin cha guet nähe... Und ich ha sie bete, dass sie eus doch euses Ringchüssi cha sälbsch mache. Jetzt hani ihre letschti Wuche emol euseri "Vorstellige" voneme Ringchüssi gzeigt. Ich ha dänkt s wär no chli schwierig diä Name odr so vo Hand uf z sticke, also hani ihre gseit, dass mer do chönnt luege, ob mer das nit loht besticke vonere Firma.
Denn het sie gseit ich sell emol de einte Schneidere bi eus froge, ob der das nit cha mache.
Hmmm.. ich ha aigentlich dänkt sie macht es.. das mit däm loh besticke isch numä e Idee gsi, abr wenn ich mich jetsch sell sälbsch drum kümmere (het so tönt, als wott sie nüt mit dem Ringchüssi z tue ha), denn bestell ich eis im Netz...



@Shopping
Gits irgendwo i dr Schwiz odr im angrenzende Usland evtl. Bruut-Shopping-Möglichkeite?
Ich mein im Internet findet mer so vil Züg, abr ich würd gärn emol in e Lade ine, wo mer so Züg wie Tortefigure oder so Hochzytschlinigkeite und Deko-Idee direkt chönnti kaufe. Öpper e Idee?

• Zitieren

Hallo zäme

@ Daninici10: dis Chleid gfallt mer uh guet, chas mer guet Vorstelle mit de Schwarze Schueh. Häsch es scho bstellt? Bi Light in the Box? Mis Chleid woni det bstellt ha isch hüt Cho, de erst Ihdruck isch Super, jetzt muss es nur na vo de Grössi passe.
Dis Ringchüsi isch den Süess. Mis wird mir mis Mami mache us Moos etc.

@ Valeria: gell du meinsch die Gläsli, mir persönlich sind z'Farbig aber evtl. nur mit eune Farbe Chan das sicher guet usgseh und nid nach Chindergeburi...

@ LadyWolverine: verzwickti Situation aber ich wür glaub au ä anderi TZ näh, musch es ihre halt erchläre, evtl verstaht sie dich und gits Amt au Freiwillig ab. Häsch ihre denn die Sache vo wege Deinteresse etc scho mal gseit? Oder dini Erwartige a ä TZ? Will das findi amigs scho au na wichtig...

Grüessli

Zuletzt bearbeitet am 13.08.12 13:30

• Zitieren

@lady wolverine
du glaubsch gar nid, wie sehr ich dich chan verstah. ich bin inere ähnliche situation und weiss drum, dases nid eifach isch. i denk am beste redsch würkli mal mit ihre oder schribsch ihre es email und schribsch der mal dini bedenke und so vode seel. wenns für dich nid stimmt, denn isch das nid guet, will DU und din schatz sind di wichtigschte persone i dere ganze aglägeheit. es muess für eu stimme und nid für wer andersch...

i han gad vorane minere TZ es email gschribe und ihre gseit, dass ich vo ihre etz en entscheidig bruche. langsam aber sicher chömed d'vorbereitige is stocke (mir hend scho lang mal welle es TZ treffe mache...) und i ha kei luscht wegs ihrere zimpereie irgendwelchi kompromiss izga. mal luege, was retour chunnt...

• Zitieren