| Bräute 2013 |
|
|
1 .. 229 .. 456 457 458 459 460 .. 2109 .. 3757
|
LadyWolverine  am 14.08.2012
Re: Bräute 2013
Gopf hier chunnt mer jo mit em läse gar nüm noche ^^
@Reebee
Wenn sie dir numä Vorwürf macht, denn würd ich ihre sagä, dass du kai Nerv für ihres Theater hesch und mir e anderi Sueche..
'Laidr' isch bi mir und minere TZ sowit alles guet.. Bis zum Gespröch...
Am Dunnschtig isches denn sowit. Ha gescht kurz mit mim Schwiegermami gschriebe (wär jo au ihrs schwiegermami, wenn sie denn sette hürote). Sie het gmeint ich sell aifach emol mit ihre schwätze und entweder sie gsehts i und zieht sich vo sälbsch zrück odr sie änderet ihri Istellig.
Abr inzwüsche bin ich mir aigentlich sichr, dass ich sie nüm wett ha, wil ich wais, dass sie nie öppis würd mache wo ich Freud dra het so als Überraschig odr dass sie öppis vo sich us würd mache etc.
@LuLa
Jo ich hätt eini wo ich würklich muss sagä: DAS isch sie :)
Abr das hani ebe nit vo Afang a gwüsst, wils jo scho immr festgstande isch, dass sie mini TZ wird... -.- Aifach numä wil sie vo dr Familie abgseh de einzig Mensch isch wo mich am längschte kennt.
Wäge de Nackezerrig: Jo bi chli blöd umgheit, bzw. ha mi grad no so chönne abfange, dass es mir de Grind nach hinte gschlo het... Bi diä Wuche jetzt no z 50 % krank gschribe...
Ha mitem Arzt müesse 'handle'. Er het welle dass ich nomol ganz dihai blib, aber wil ich wais, dass mini Chefs denn im Drüeck würde gumpe, hani wenigschtens die 50% becho unter dr Vorussetzig, dass ich Physiotherapie muess mache...
|
|
|
MaLu  am 14.08.2012
Re: Bräute 2013
gueti besserig ladywolverine! i würd gliich luege dass di guet kuriersch, so nackeverletzige si leider mängisch när hartnäckig müehsam - rede us erfahrig 
und wär doch no lustig, dini chefs gseh im drüeck gumpe, nid?
|
Mona83  am 14.08.2012
Re: Bräute 2013
hey ladys ich gah hüt inäs brutgschäft!!!! :-) bin scho ganz usem hüsli
wäg dä trauzügä, also ich han scho vo brüt ghört wo im nachhinein gseit händ s schlimmstä seg gsi dass sie kei guäti trauzügä gha heget. also wäns für eu nöd stimmt dän würdis wächslä.
dänkä grad binärä hochziit überleisch där immer wieder wär der wichtig isch und s wird sich au zeigä wiä sich d lüt verhaltet. zum bispil hät eini woni voll nöd gwüsst han das mir üs so nöch stönd, fast afangä brüälä woni gseit han mä hüratet. und dän hät sie no so härzig schwüch gfröget öb sie dörf mitcho is brutgschäft. :-) also ihr gsehnd s git au positivi überraschigä :-) kopf hoch das chunt scho guät. hihi
|
MaLu am 14.08.2012
Re: Bräute 2013
cool mona, wo geisch de härä?
viel spass und gniesses !
|
|
Daninici10 nicht registriert am 14.08.2012
Re: Bräute 2013
Viel spass mona  Gnüss es
|
Reebee  am 14.08.2012
Re: Bräute 2013
oh ja, viel spass :) muesch unbedingt föteli mache (falls dörfsch ;) )
|
Valeria01 am 14.08.2012
Re: Bräute 2013
Guete morge mitenand
Mona viel Spass....
Ich gang wahrschindli erst gege endi Jahr :)
bez. Trauzüüge...
Ich han mier immer denkt das wird mega schön d'Trauzüüge z'involviere und mit ihne das chöne teile... aber was für mich wichtig isch, isch für anderi eifach numme es Detail und nöd wichtig...
Ich han mich jetzt entschide das ich das gern (ich ha 4 Trauzüüge) mit de 2 Fraue teile (mini Trauzüügin und sini Schöö, sini Trauzüügin) min Brüeder wo min Trauzüüge isch lahni eifach si, informier ihn numme über swichtigste und das wers...
ich han mer viel zviel Gedanke gmacht und ich han ja 2 Persone wo mich toll unterstützed... wenn er nöd wott söll ers sii lah... ich chan niemert zwinge... ich möcht das er min Trauzüüge isch aber ich chan mich weg ihm nöd verruckt mache...
ich verstah darum das Thema absolut... ich hans glück das ich ja die 2 han aber wers numme min Brüeder hetti gwechslet...es versaut eim alles wenns ein so bedrückt...
wünsch eu allne en schöne Tag
Valeria
|
Mona83 am 14.08.2012
Re: Bräute 2013
Dankä eu. :-) ich gah z buäbikä is chez janine mal go luägä und hoffä ich weiss dän was mir gfallt. :-) wet eigentli liäbär nöd det eis chaufä wils so tüür isch. mal guckä :-)
|
Reebee am 14.08.2012
Re: Bräute 2013
jo sus luegsch eifach mal welles modell dass dir gfallt und merksch der das und denn luegsch öbs es amene andere ort eswo günschtiger git ;) freii marktwirtschaft *g*
|
Mona83 am 14.08.2012
Re: Bräute 2013
ja gäll findi au reebee :-)
han dä ladys scho gseit sie söllet dän amel ufschribä wiä diä kleider heissed will ich chans mir eh nöd merkä. :-)
|
|
|
1 .. 229 .. 456 457 458 459 460 .. 2109 .. 3757
|
Anmelden
