@isabella: Han en dir jetzt also nöd wölle usrede, gell.. Ich find de Spruch bis jetzt no mega schön und han gfunde, dass es bi üs passt (verschideni Ableger vo reformiert, verschideni Heimatländer). Aber min GG isch so begeisteret devo gsi, dass de Pfarrer eine für üs uslist, dass ich ihm de Wunsch erfüllt han. Es isch jo schliesslich immer es geh und es neh.. Und ganz ehrlich, de Trauspruch isch nöd alles am Hochziit.
Ich mues ehrlich sägä, ich weiss de Spruch nüme wo er für üs usgsuecht hät und ich han ihn bim erschte mol ghöre i de Chile au nid soo toll gfunde, aber ich mues mich nomol demit befasse..

• Zitieren

@bella: ah cool, chasch mer echt de link dezue schicke? ich muess no luege öbis söll bstelle oder selber mache... gnueg ziit hetti ja eigentlich :-)

ah eusi STD charte sind i de druckerei und wenn alles glatt lauft hanis am mäntig namittag. grad rechtziitig zums am mäntig abig verteile... haha hoffentlich klappt das denn au!

• Zitieren

Also, ich bi zwor kei 2013 Brut, aber wills no kei 2014 Thread git, läs i bi eu amigs chli mit. Und wägem Ruth-spruch hani gfunde, jetzt misch ich mich au mol ih...
Also eigentlich passt glich. Klar wemmer natürlich nid d Schwiegermueter hürote. Aber dur d Hürot het sich d Ruth sozäge i die Familie ie begäh und iri Schwiegermama isch denn iri neu Familie worde. Drum entscheidet sie sich eigentlich us Loyalität gegenüber ihrem Ma eso und will iri Schwiegermueter begleite. Sie blibt ihrem Ma sozäge über dä Tod weg no treu (au wenn mer notürli nid hoffed, dass das irgendwenn vo üs gforderet wird). Und denn mues me au no gseh, dass früener d Fraue jo nid so e Karriere oder e Rente gha hend, wo sie denn is Alter abgsicheret gsi sind, so dasses d Ufgob vo de Chind gsi isch, für d Eltere z sorge. Und d Ruth het die Pflicht sehr ernscht gnoh, schliesslich isch dä Ma und d Söhn vo de Schwiegermueter tod gsi und wer heti ire denn gluegt, wenn nöd sie oder d Schwögeri...
Also vodem her passts, wemme chli witer denkt glich. Sie seit (für mich immer no) die Wort eigentlich zu irem Ma, au wenn dä tod isch. Aber d Schwiegermama isch jetzt sozäge d Stellverträtig worde (tönt chli blöd, aber ihr wüssed sicher was ich meine...)

Zuletzt bearbeitet am 24.08.12 19:28

• Zitieren

guete morge der liebe!

hocke z'zöri am flughafe und warte uf d'kollegin!
Puh esch do öppis los um die zit

Ha das met däm trauspruch jetzt no nochegläse, wör das auso au bezwit so interpretiere wie "kleinefeder" sehr schön umschribe!

@einladungskarte, ha geschter mim schatz die iladug met em voguhüsli zeigt, är het mega freud dra ka! hätti NIE dänkt- är steit sösch ned so uf gebastel! Somet chani loslegge met bösterle das werken in Hamburg!

wönsche üch aune es schöns tägli!

sunnigi grüssli
CoRa

p.s: schribet ned z'vell, wett ned 30 site go no läse

• Zitieren

@ cora, viel spass!!

@ reebee, nix grosses im sinn, putze und denn gah schaffe
wäg de haar hani z gliiche problem, si jetzt chly meh als schulterlang und eigentlich wetti se la wachse fürs hochzyt, aber itz gfalle si mir gred gar nid, hei e komischi längi
für was entscheidisch di..?

@ all, schöns weekend!

• Zitieren

@ reebee, und bisch z friede? i ha o scho ghört, dass z längi haar fürne hochsteckfrisur nid ideal si..
hmmm... söui ächt o no...?

• Zitieren