| Bräute 2013 |
|
|
1 .. 401 .. 799 800 801 802 803 .. 2280 .. 3757
|
valey  am 08.10.2012
Re: Bräute 2013
ahh soo cool :) ja er hed scho mega nätt schribe und so
hend für eus sogar en Usnahm gmacht das mer döfed am Samstig go degustiere wel mer chönd ned während de woche am obe uf St. Galle fahre..
mega lieb..
nemmt mi wunder.. die macheds ebe echt schön...
Jaa i ha jetz eher thema so "Märchen" oder "Royal Wedding" so was hehehe..
mis Mami hed gmeint Schöne und das Biest isch ned eso nätt für das "biest" hihi
xD
|
|
|
himbeer am 08.10.2012
Re: Bräute 2013
ja genau, mir mached es flying dinner. ich ha eifach nöd welle das 100 lüt 5 stund müend am tisch hocke und sich gar nöd chönd mische. es git drum direkt vo de chellner im apero-stil servierti häppchen, später au 2-3 chli grösseri und warmi sache. als dessert gits denn de chueche und später händ mer no en mitternachtssnack iibaut, sind also wenns guet chunnt nur am trinke und esse, haha.
mittlerwiile frögi mi eifach öbs denn nöd zuviel stah isch? also nachher wird ja relativ zackig tanzflächi eröffnet und es wirds icher au en egge geh wo mer cha sitze, aber meh so lounge-mässig. ich muess denn uf de iladig schribe das d girls nöd die höchste schueh sölled alegge :-)
|
|
Daninici10 nicht registriert am 08.10.2012
Re: Bräute 2013
jööö ja da het dis mami scho recht 
|
|
Daninici10 nicht registriert am 08.10.2012
Re: Bräute 2013
@himbeer: ja i ha da ebe au so geil gfunde wo sie da vorgschlage het. mir händ so en apero mit so grissini, blätterteiggebäck usw. und denn vorspis, hauptspis und dessert mit jewils 4 - 5 verschiedene sache.
ui ja unbedingt oder muesch so e chörbli mit flip flops anestelle. häsch da au scho gseh? find da na ganz e herzigi idee
|
himbeer am 08.10.2012
Re: Bräute 2013
das isch e super idee sogar... haha wird grad notiert bi de ideä-sammlig.
ja ich bi im moment chli a de basics am umestudiere, vorallem wänd mer ja d zeremonie au direkt im resti mache und das wär denn dusse uf de terrasse... bi aber nochli unsicher wägem platz und öb mer nöd glich sölled bänkli anestelle. ich wott en gang ha woni cha fürelaufe, haha
|
valey am 08.10.2012
Re: Bräute 2013
himbeer weles restaurant hend ehr?? :)
|
himbeer am 08.10.2012
Re: Bräute 2013
häsch e nachricht, ich bi chli paranoid und denk bi dem woni da alles verzelle cha mer viel z guet nahvollzieh wer ich bi :-)
|
|
Daninici10 nicht registriert am 08.10.2012
Re: Bräute 2013
hihi himbeer  heisst da du bisch prominent? uii spannend
ja da verstoh i. da ghört irgendwie scho dezue durch sonen gang laufe
|
LadyWolverine  am 08.10.2012
Re: Bräute 2013
Ladies ich bruch euri Hilf...
Ich wais nit was mer am Polterobe chönnt mache... :/
Mini TZ het erscht gseit mer chönnt so e Kochkurs mit aschliessende Ässe mache.
Isch laidr nüt für mich, wil ich extrem heikel bi was es Ässe agoht. ;)
Denn hani gluegt wäge nem Wellnesstag. Isch jo schön und guet abr tüür.
Die einte Kollegin wird so öppis nit chönne/welle zahle.
Abr numä aifach 'langwilig' go znacht ässe isch au nit s wahre.
So Spieli wott ich nit ha mit Züg müesse vrkaufe odr sunnsch öppis.
Ich ha denn jetz no Europapark vorgschlage, abr wahrschinlich isch das für die einte au wiedr z tür. (Nit dass sie s nit für andres cha usgeh, abr das isch jo hier gliich)
Heit dir mir no e Idee?
|
himbeer am 08.10.2012
Re: Bräute 2013
ich find europapark eigentlich e gueti idee, de itritt isch 36 euro plus halt esse und trinke, viel billiger chunsch ja mit öpis anderem au nöd weg?
wellness find ich halt nöd wägem geld nöd so guet sondern will nachher eifach mega kaputt bisch, aber demfall fallts ja eh weg.
mir händ bald en polterabig und mir mached wahrschinli en barmixkurs. susch wär schminkkurs no öpis? und cha mer denn bim choche nöd wähle was mer will mache?
|
|
|
1 .. 401 .. 799 800 801 802 803 .. 2280 .. 3757
|
Anmelden
