| Bräute 2013 |
|
|
1 .. 432 .. 862 863 864 865 866 .. 2312 .. 3757
|
|
Daninici10 nicht registriert am 23.10.2012
Re: Bräute 2013
@Mona: so cool. find da ganz guet wenn mer da mache cha, denn weiss gad au ob de fotograf würklich de richtig isch. bin gspannt druf, hoff du zeigsch üs denn en prototyp
|
|
|
bergeri  am 23.10.2012
Re: Bräute 2013
@Daninici: jo i wett mina Struss so ha wia im Avatar. gfallt miar mega guat.
|
Reebee  am 23.10.2012
Re: Bräute 2013
@nini
du bisch doch au us de bodeseeregion, oder verwechsle ich da öpis? will sus würdi mal uf konstanz in kornbeck, de hett günschtigi bänder (bin letscht fritig gad det gsi :))
@nini & bergeri
herzlichi gratulation zum nachwuchs :) ihr gebed ja gad *g*
mir bstelled etz denn bald d'chärtli und ich fange denn langsam mal a mit de iladige für de obed. krass, dasses bald nid mal meh 7 mönät gad :)
|
Mona83 am 23.10.2012
Re: Bräute 2013
@Daninici: ja sicher zeigi eu äs paar föteli. :-)
ja stimmt eigentli, mir händ jetzt gmerkt dases voll passt mit üsärä fotografin. :-)
|
himbeer am 23.10.2012
Re: Bräute 2013
für die wo grad nach de hochzit id flittis verreised: reised ihr no unterem alte name oder wie lauft das mit de neue päss?
|
nini  am 23.10.2012
Re: Bräute 2013
Danke eu vill mal für dGlückwünsch!!
@Band, super! Viele Dank d Ideä. Wird nachher mal alli dureluege und hoffe, di eine händ das Band i dä richtige Farb!!
Und Reebee, genau ich bin us därä Gegänd! Wird det dämfall au mal go gülxe...isch sicher günster detä!
|
Lilly4  am 23.10.2012
Re: Bräute 2013
da bin ich ebe au die ganz ziit am umestudiere himbeer  vorallem isch bi mier no so
dass mini ID und min Pass das Jahr ablauft und ich weiss jetzt nöd welle uf min alte Name
erneuere und welle dänn uf dä neu + werdet eusi Flittis ja uf Mauritius si, also bruchi sicher
en Biometrische Pass!?! aber han au kei ahnig wie wo was  muess mich mal no erkundige!
|
schmetterling84 am 23.10.2012
Re: Bräute 2013
@ neue Uswiese
Also es isch so... wenn jetzt wie bi dr Lilly d Uswiese das Joohr ablaufe und du nid mit em Flugzüg id Ferie gohsch, brusch sä ndi erneuere wenn du im EU Rum ummereisisch. Do mir neue Abkomme hei längt au dr abglofeni Uswies.
Neuei Päss und IDs mit neuem Name, dä cha meh vor dr Hz bstelle und bis vor kurzem isch dä den as Zivilstandsamt direkt gschickt worde und a dr Hz usghändigt worde. Ha aber au scho ghört dass de en direkt hesch dörfe abhole no vor dr HZ bi aber nid sicher.. Das cha euch aber s Passbüro säge wies genau isch..
Biometrischi Päss.. allg. Päss (git nur no Biom. Päss) werde nur no i de Uswieszentre vom Kanton usgstellt und dir miesst dört für d Föteli verbigoh! ID cha meh immerno uf dr Gmeini bstelle. Wenn dir aber eh bedes bruched lont sich es Kombi zmache ID und Pass choschte denn nur 148.- statt 140. und 70.-
hoff ha euch chönne helfe.
|
bergeri am 23.10.2012
Re: Bräute 2013
@Pass/ID:
do chan i eu evtl. grad witer helfa. Also miar hüroten (offiziell) am 26.7.2013 und gön denn am 27.7.2013 direkt in d'Flittis. Buach hani das no mim alta Nama und mim alta Pass ID, well dr neu mim neua Nama chama erst beaträga wenn dr Ehevorbereitigskurs abgschlossa isch. I hetti denn noch da Flittis alles neu beatreit.
Jetz isches aber so, dass miar am 14.12.12 bereits zivil hüroten und miar dä ehevorbereitigskurs schu gmacht hen. jetz hani vum standesamt a bestätigung kriagt, dass miar denn hüroten und jetz chani mit dära bestätigung go a neua Pass+ ID macha. das heisst i muass dänn mini Flittis umbuacha.
Aber ohni dia Bestätigung wür i kei neua Pass+ ID kriaga. und eba dia Bestätigung kriagt ma erst wenn ma dä Kurs gmacht het und dä chama erst 3 Mönet vor dr Hochzit.
|
valey am 23.10.2012
Re: Bräute 2013
Hallo girls :)
Wegem neue pass
Mer hüroter ja zivil am 25.5.13 und id flittig gömmer 3 täg nach de kirchlich hochzit am 24.8.13. i denke de neu pass chani nachem zivile beatrage oder??
|
|
|
1 .. 432 .. 862 863 864 865 866 .. 2312 .. 3757
|
Anmelden
