| Bräute 2013 |
|
|
1 .. 441 .. 879 880 881 882 883 .. 2320 .. 3757
|
LadyWolverine  am 31.10.2012
Re: Bräute 2013
Hey das mit dim Chleid isch doch supr :)
Und 6 Wuche vorher isch eigentlich ok. Min Probetermin isch genau 4 Wuche vorane ;)
Sooo, min letschte Vollzyt-Arbeitstag neigt sich em Endi zu... Gang hüt zu allem ane no chli frühner.
Scho es komischs Gefühl...
|
|
|
|
Daninici10 nicht registriert am 31.10.2012
Re: Bräute 2013
So cool Mime. Schön wenn mers denn no so ghört das es super usgseht.
I find es goht mit em schminke. i mein du hetsch ja immer no zit. so kurz isch das nöd
@Lady: versuechs chli positiv gseh, defür häsch chli zit für dich, d hz und euen Hund. de lohn häsch ja glich no und so häsch würklich zit zum was neus sueche.
|
Reebee  am 31.10.2012
Re: Bräute 2013
@lady
das tuet mer sehr leid mit dinere stell! chönds denn sowas rechtlich überhaupt duresetze oder muesch was underzeichne?
us wellere region bisch du? falls züri für dich en option wäri, wüssti no es guets personalvermittligsbüro (die hend mer di jetztig stell beschafft).
ich bin au mal 4 mönät arbetslos gsi, han au no es ross müässä durebringe und i chan dir sägä: es gad scho. i dere ziit bini mal go härdöpfel verlese oder als stallbursche go schaffe. beides nid prickelnd gsi, aber me überlebts. glaub nur fescht a dich und dini fähigkeite, denn gads au wieder use us de talsohle.
ich druck der d'duume!
|
LadyWolverine am 01.11.2012
Re: Bräute 2013
Merci dir 2.
@Reebee
Jo das isch es ebe ;) Ich ha e eigne chline Stall gepachtet und ha au no es Ross duure z bringe ^^
ZH isch leidr chli wiite wäg. S goht zwar vom Baselbiet us, abr für zum jede Tag müesse fahre isches scho heftig.
Ich wart jetzt noch uf mis Zwüschezüügnis (sett ich morn übercho) und denn schick ich mis dossier hier a manpower etc. Die kenne mich jo alli no ;) Vo der Zyt woni ums verrecke us Dütschland ha weg welle ^^
|
himbeer  am 02.11.2012
was isch denn mit eu allne los? all im winterschlaf? 
|
|
Sanis nicht registriert am 05.11.2012
Re: Bräute 2013
Ahhhh jetzt ja!
Äs het am Fritig mini Tipptä Buächstäbäli nid abbiudät?! kosmisch kosmisch kosmisch...
Heit dir äs guäts Weekend gha?
Mir Hei am Samschtig äs Fründäpäärli zum Z Nacht z Bsuäch gha und hei so ä richtig mega coolä pflegigä gmüätlächä abä gha...
in sachä HZ isch dis weekend eis nix gangä....
Aber öppis muässi itz glich no los wärdä...
Mis MAMI!!! Si het scho ä zimlächi vorstellig was si de wott alegä... sit am Juli seit si mir so einisch ir wuchä "itz muässi de ga luägä"... isch aber no niä gsi... itz hasä vori grad gfragt ob mir äch am samschtig eis wöugä ga luägä - ganz unverbindlich...."äs samschtig ish grad nid so gäbig - bla bla bla"...
Am shcluss chuunt si de i zyt druck u muäss de öppis choufä das si öppis het wo ihrä gar nid sooo gfaut und das isch de o nid guät... das isch doch eifach doof ta... si het drum d hoffnig das si no 1-2 KG abnimmt....si cha ja de z chleid gang no apassä sött si no 4 Chleidergrössinä chliner wärdä (was ja eh nid dr fau wird si)...
|
MsJenaya am 05.11.2012
Re: Bräute 2013
Hallo Sanis
Us Erfahrig chani säge, dass 1-2kg meistens ned eso viel usmache. Auso das söt dis Mami ned drane hindere jetz gads luege fürnes Chleid. Chasch ja villech drzue motiviere were seisch, das jetz vielne Orte usverchouf isch und sie villech öppis schöns findet wo günstiger isch als i angerne Monet.
|
Purple_Rose  am 05.11.2012
Re: Bräute 2013
Das isch jo alles so en seich! i gseh gar keini komentär meh  
|
Lula am 05.11.2012
Re: Bräute 2013
Weiss öber was los isch mit am Forum??? Isch e huerre Quark wenn me zwar gseht das gschribe wäri worde aber derte kei Text steit... 
|
Mona83 am 05.11.2012
Re: Bräute 2013
hey mädels wiä händers?
han d föteli vo dä fotographin übercho. :-)
|
|
|
1 .. 441 .. 879 880 881 882 883 .. 2320 .. 3757
|
Anmelden
