| Bräute 2013 |
|
|
1 .. 478 .. 953 954 955 956 957 .. 2357 .. 3757
|
himbeer  am 28.11.2012
Re: Bräute 2013
@elea: ich wart mal no mitem zelt. ich muess mal mis mami no fröge, vilicht hät sie no e gueti idee.
etsy und pinterest sind direkt us de höll. ich verbring echt stuuuunde uf dene siite... bi dene vielne schöne sache müesst mer 10 hochzite ha.
@lus: es git ja kei petrolfarbigi blueme, oder? ich denk ich würd wissi oder cremefarbigi neh, passend zum tischtuech, und denn vilicht mit petrolfarbige cherze luege. müesst halt gnau de glich ton sii wie die schleife.
|
|
|
|
Lus nicht registriert am 28.11.2012
Re: Bräute 2013
@Mime
Ou neiiii aui date verlore? DAS isch ja de ergerlech!! I hoffe sehr, die cheibe PC-Mönsche chöi das wider füregusle....Seich so züg!!
I ha fasch aui Dokument im Büro gschribe (Gäschtelischte, Budget, Zitplan, etc.) u hamer die när immer grad aus E-mail säuber heigschickt, so dasise daheime ou ha 
So hanise im Postigang immer gsicheret 
|
Mime  am 28.11.2012
Re: Bräute 2013
@ elea: na ja, dä mit dr heizig... er behouptet aber immer, i sig es öfeli, wenni chaut ha im bett und mi wott a ihn härekuschle...
@all: wie übertriebe oder nid übertribe isches, weme sech wünscht, dass d dame am fescht mit mindeschtens cocktailchleid über de chnöi oder no elganter/feschtlecher erschine? fängti das äber no schön...
|
|
Lus nicht registriert am 28.11.2012
Re: Bräute 2013
@Mime
Fini gar nid übertribe...
Mim GG sini Tante het a ihrem Hochzyt dazumal gwünscht, dass aui Froue i bodelange Abechleider chöme... Het uuu schöni Föteli gäh!
Dr Seich isch eifach wemer aus Gascht kes so chleid het. Entweder ga choufe oder ga leihe... isch haut chli umständlecher Sött mire Meinig na aber nid es Problem si.
I ha aber ou scho Föteli vo Hochzyte gseh wo d Manne i churze Jeans-Shorts si cho.. DAS isch de grusig!!!
Mir wärde äue ke Vorschrifte mache, i appeliere a gsund Mönscheverstand dass sech d lüt für sone Alass ou chli useputze
|
|
Daninici10 nicht registriert am 28.11.2012
Re: Bräute 2013
@Lus: usser blaui hortensie chunt mir da nix in sinn
mit dene papierblueme erzielsch e mega wirkig und die sind au nöd so tür
also mir persöndlich gfallt halt wiss, au wenns chli steril wirkt. du chasch ja evtl türkisi gastgschenkli mache? denn hetisch wieder en farbtupfer
|
|
toluwu nicht registriert am 28.11.2012
Re: Bräute 2013
Warum ist plötzlich ein Häckchen unten gesetzt bei Benachrichtigung bei Antworten auf dieses Thema?? Ich will das nicht...! Mein E-Mail explodiert ja förmlich...  In meinen Einstellungen hab ich nichts geändert.
|
|
Daninici10 nicht registriert am 28.11.2012
Re: Bräute 2013
@Mime: also i find da au nöd übertriebe. für mi isch da selbstverständlich das mer sich passend alait. aber leider gits do immer e paar wo da anders gsehnd 
ui nei das mit dine date isch ja gar nöd witzig. hoff do chamer no öpis mache
|
Lula am 28.11.2012
Re: Bräute 2013
@Lus: Zu Türkis findi ou Wiis oder de Bruun am schönschte. Wie wärs mit Wiise Blueme, u Schwemmholz, ggf no Türkise Akzente.
Muesch mau uf Weddix.de ga gugge, derte hets ou ganz viu Sache. u.A ou Farbkonzept
@Temerature: Mir heis ebe beidi nit gärn zheiss, u da mine uf am Bou schaffet, isch er imm Winter über dWärmi u im Summer über dKüehli ir Wohnig froh.  Daher März, de stimmts für beidi, u mit am Wätter rede mir de no. 
@Mime: Ohje, hoffe si chöis umi rette, isch e mega scheiss.
@TZ: Was hei öichi TZ für Ufgabene? Was erwartet dir? Was weit dr nit u was wünschet Dir nech? Hei si es Budget, oder erwartet Dir das si säuber was bistüre? Ha eismau gad mit GG e Disskusion deswäge gha...
|
Mime am 28.11.2012
Re: Bräute 2013
@lus: merci für d'antwort. vili vo üsne kollege si äbe us dr pfadi und die kenni jo einlech nur im "lageroutfit - lässig/sportlech" und mini studiekolleginne im stalloutfit oder ide doktermäntle... s isch scho ar staatsfiir so schön gsi, wie mini fründinne useputzt usgseh 
und jaaaaa, bi sooo säuber tschud mit mim laptop. denn woni no mini diss gschribe ha (ou uf däm laptop) hani jede tag sicherheits-gspicheret und öppe 3 feschtplatte paralell gha mit de date, das wär e ächti katastrophe gsi, wenn die wäre wäg gsi. aber jtze dänki aube... so die paar dokumänt wo no hesch... aber äbe... ou die söttme ab und zue sichere... i hoffes scho, dass sis no schaffe... dr dänkprozäss vom letschte haube johr isch i dere excel-mappe dinne...
|
elea am 28.11.2012
Re: Bräute 2013
mime ich fende das au ned öbertrebe. ond de sele die lt halt es chleid chuafe. weisch wie vell chleider hani scho müsse chaufe wel öper anede hochzit chleidervorschreft gha het! jetzt chöne die au mol för mech gones chleid chaufe
himbeer i ha so müsse lache vo wege etsy ond pinterest send us de höll  jetzt aber scho chli öpis! das send mega zit-fresser! ;)
|
|
|
1 .. 478 .. 953 954 955 956 957 .. 2357 .. 3757
|
Anmelden
