haha chönnt mi ja vo dir style lah sanis
danke für dini tips, ich ha jetz de sylvie mal es mail gmacht. uuuh vilicht hetted mer am morge ja no rasch ziit zum in bruutschuehlade uf bern gah... ououou :-)

• Zitieren

morgä ihr liebe!! meldi mi au wiederemal...

@TZ: mini isch uuu herzig. sie frögt mi immer mal wieder öbi wieder e ufgab für sie han. momentan hät sie grad e evaluation mit de polterabig lüt gmacht anschienend. han nur verno vo es paarne, dass es liste kursiert mit verschiedene vorschläg für polterabige. und jede chan achrützle was ihm am bestä passt. ich weiss natürli nöd was für voschläg... ich han eifach d'lüt bestumme woni möcht debie ha und de rest macht alles sie.
sie und de tätschi sind au zueständig für de abig vom hz. mir händ eifach de rahme planet und d'himmelslüchte am abig und de resti mached sie und mir wüssed nüt devo. händ eifach ihne gseit was mer nöd wänd.
@gastgschänkli: mir händ die m&m's ebe au gha bide STD charte. d'lüt sind fascht usgflippt. niemert häts kennt und sie händ all u freud gha!
mir werded e candybar ha. alles i eusne farbe rot/wies. gläser, zängli, schüfeli usw hani ja au scho. de chan jede so es cools säckli nä (wini au scho ha) und sich das fülle mit dem was er will. de häts so verschlussetickette woni bi casa falcone bstellt han. denn hät jedä anstatt es namestäfeli es grosses Puzzleteil als guetzli im teller wo verziert isch und sin name druf staht. das chönts denn natürli au mitnä. jo, das isches, ich denke das langed au ;-))

• Zitieren

das mitem ässe manage usw mached alles eusi tätschis. beziehigswies mini TZ und de Tätschi. die händ das beidi voll im griff und sie gönd jetzt scho mega uf i ihrere ufgab! isch u herzig, sie sind jetzt au schomal zämeghocked und händ verschiedeni sache besproche. sie wänd ebe au no en brief ad gäst schriebe usw... sind uuuu herzig die zwe!
@all: kennt öper en pianist woner chan empfehle? ich han es piano izugslied. das isch so wunderschön und ich fänds de hammer wenn das live vo öperem wür gspielt werde!!
wär u lieb wenn öper öper kennt oder so... DANKE!!

ps: das wär MIS lied bim izug: http://youtu.be/7maJOI3QMu0

• Zitieren

nicht registriert

http://www.mymms.de/index.aspx

Hei elea.. i gloubs bi dere adresse da chamers la mache.
I wett die äbe gärn ou, i däm laguneblau (mini Farb!!!)
Ha aber scho ghört, dass si vieufach verschwomme si und i weiss ou nid, öb dr Transport (nume in Dütschland) im Summer so ideal isch...

• Zitieren

also ich han sie bstellt letscht summer. han sie a mini lieferadresse schicke lah und bin sie erscch 3 tag später go abhole. die sind schön mit chüelelement verpackt gsie, also 1A!! da müender eu kei sorgä mache. mir händ au es paar verschwummeni drunder gha, das isch ja au klar, die dinger sind so chli und werded maschinell bedruckt. aber es stört überhaupt nöd. es chunt uf de GAG druf a und mer chan ja läse was drufe staht, das isch d'hauptsach! also mini meinig...

• Zitieren

nicht registriert

@Nemo
OU sogar mit Chüelelemänt? Isch ja super he!!
I finde se äber sehr speziell u originell und vor allem gäbse genau i dere Farb vo i gärn wett
Mi GG isch ou Füür u Flamme! I wettse Laguneblau und wiss gmischt, när ines Glesli abfülle mit Korkverschluss, es wisses, dedruckts Satinband drum und irgend no es Etiketteli oder so

• Zitieren