nicht registriert

@valey
Mir hürate nume zivil, aber in Wiss und mit eme Apero und Fescht. Mir lö eifach d Chile us
Mir hei e Fotografin wo das Näbebrueflech macht. Macht wuuunderschöni Föteli und i kennese no privat S ischmer scho wichtig, dasmer öpper hei wo weis wies geit und wiemer am beschte wägem liecht etc. luegt.

• Zitieren

ja mer hend ebe i de chile en profi fotograf
und fürs zivile wo mer eig. au no es "festli* mached hani en kollegin gfrogt wo hobbymässig fötelet..

nemmt mi no wunder ob die andere beides mal öpper nehmed od. au vo de fam. öpper

die fotografe send ned graf günstig zum teil

• Zitieren

Guete Morge Ladies

Meld mich au mol wiedr. Ha gescht uf mis "Days Until"-App geluegt und was stoht dört? 99 Täg... Unter 100...
Herrje und noch so viel was ich muess mache... Und denn chunnt no Wiehnachte drzwüsche...
Ha gescht s Grundgerüst für d Autoschleifene gemacht. Ich glaub ich bruch no vil meh Siidebänder :/
Denn muess ich no mis Chleid loh abstecke und ändere, denn sett ich no s Züg für drunter ha, denn hani immr no kai Schmuck, denn müenn mir nomol zum Floriste, denn müenn mir nomol e gemeinsame Termin mit em Tätschi und de TZ finde (mini TZ isch 'usbuecht' bis am 15.01.13 ), denn müenn mir ändlich das mitem Apéro abkläre, denn müenn mir s Menü no Bespräche, denn muess ich nomol sichr go, dass mini Hochzytstorte au würklich so gemacht wird, wie ich sie wett ha, denn müenn mir luege was mir für es Obigprogramm chönne mache, denn müenn mir luege wir mir das in de Chilä mit de Musik mache etc etc etc etc...
Langsam abr sichr wird ich nervös, dass doch nit alles so klappet, wie ich mir das dänkt ha :/
Waaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaah...
Ich glaub öppä 2 Wuche vor dr Hochzyt dreh ich numä no am Rad denn und wird es paar Mal kurz drvor sii alles zu schmeisse, wil nüt so klappet wies sett... *HELP*
Ich ha kein Plan momentan... Die Iiladige für de Apéro sind au nonig fertig...
*Krise* *Krise* *Krise* *Krise* *Krise*

• Zitieren

das chunnt alles super lady. ja ich find au, mach doch mal die termine wo chasch schomal fix ab und kombiniers grad wenns gaht. wenn de termin abgmacht häsch denn isches ja scho halb erledigt :-)

• Zitieren

Merci Ladies. Jo ich dörf jetzt würklich nit afo hypere...

Jobmässig gsehts nit guet us. Vo 35 Bewerbige jetzt scho übr 20 Absage übercho und vo de andere no nüt ghört :/

• Zitieren

ja das isch echt schwierig. aber abem januar / feburar gits denn eh wieder meh stelle. vieli mached de schritt zumene neue job nachem neujahr...so a la guete vorsatz usw... du findsch sicher öpis, muesch di hald chli gedulde. ja ich weiss, das isch eifacher gseit als gmacht, aber das klapped scho!!!

• Zitieren