| Bräute 2009 aus dem Aargau |
|
|
1 2 3 4
|
Fiorina  am 16.02.2009
Re: Bräute 2009 aus dem Aargau
Mer hürote zivil en Aarau. Kennsch deht öper?
Wie laufts be euch met de Vorbereitige?
Mer send am Wocheend zu eusem Festlokal gfahre zom no Sache bespräche und i han rechtig gmerkt, wies i mim Buch het afoh chribele!
Wir heiraten am 6.6.09
Zuletzt bearbeitet am 16.02.2009
|
|
|
Kaz  am 17.02.2009
Re: Bräute 2009 aus dem Aargau
Hi Fiorina
Nein in Aarau sälber känn ich niemert... 
Ja mer send am Sammstig au grad met eusne Trauzüüge bim Lokal gsi, und händ zäme chli agluegte wie, was, wo, mer wänd Tesch stelle und Tanze ec... Und händ dä au no grad je en Fläsche Wii dörfe hei näh zom Probiere, wo sie eus zom Menü empfähled. Semmer jo gspannt!!
DForbereitige laufed langsahm aber secher in Hochduure oder au ned...  aber söttet!! Goht schliessli nömme lang!! Höt beni go dBlueme bstelle und usläse, und han wälle dä neui Pass beatrage... aber dä chamer erst 45 Tag vor em Zivile...  dass heisst nochli warte. Am Donnstig gangi dä mis Chleid go apasse loh und jo, das Währs glaub so im Momänt. Im März stöhnd dä Probetermine a... Bi der? Laufts au?
Er hüratet also in Aarau sälber Zivil und wo fiired er? Vo wo gnau besch dä?
Grüessli Kaz
9. Mai 2009... Ja ich will!
|
Fiorina am 17.02.2009
Re: Bräute 2009 aus dem Aargau
Feschte tüemer ide Liebegg und wohne tüemer au en Aarau.
I "mues" nöchste Mettwoch scho mis Chleid go abhole. Denn hangets no drüü Mönet em Büro vo mine Eltere
Tja met de Vorbereitige esch be eus chli so... Mer händ s'Grobe planet und jetzt gleitets eus chli us de Händ... sprich... eusi Familie und Tätschmeister tüend eus nöme so ibezieh ergendwie komisches Gfühl, aber au mega spannend, welli mi würkli 200% uf mini Lüt cha verloh und Überraschige liebe
Vorher beni no grad be de Floristin xi es Beld go brenge vom "mim" Bruutstruss. Hani em Internet gfonde, genau so wieni mer ne vorgstellt han.
Was hesch du der als "Thema" i dim Struss usgsuecht? Oder esch das es Gheimniss?
Wo fiired ehr?
Wir heiraten am 6.6.09
|
Kaz am 17.02.2009
Re: Bräute 2009 aus dem Aargau
Hoh dä Liebegg... schön!! Semmer letzt sommer amene Hochziit gsi! Sehr schön!!
Wo hesch du dä dis Chleid Kauft? In Aarau? Beni drom au go probiere... Ich has Chleid scho lang lang bi mine Eltere... ich gas jetzt nor no go apasse, damet z au stemmt! 
Fendi uu spannend, wenn Trauzüge und Elter chli öppis mached... Mini Eltere und Schwöster wöred gern, aber leider hämmer das i eusne Trauzüge öbergäh, und die wänd ned delligiere und mer zwiifled chli dass öppis guets mached... Muen chli lehre vertraue!!  Und es esch uu schad, macheds ned zäme öppis. Trauzüüge nenneds "ehres deng"... Eigentlich esches jo "euses deng"! Das esch extrem schad... aber gäll, ich chas ned meh weder säge und säge sie sölled desi met ibezie... Es bliibed jo no 80 Täg... vellecht erget sich doch no öppis
Ich han au beldli brocht minere Florestin, es "Thema" hani keis,oder wie meinsch da? Ich han Gerbera usgläse und Schleierchrut, und das werd sich au dä Chelebänk und dä Tischdeko am Abig wederspiegle... Muenere dä no min Schmock zeige... ned dasses dä ned zo mim schmock passt...!! Aber muen eh no dFarb vo dä Bruutfüehreri doregä und säge öb mer jetzt bim Altar au no Blueme wänd... Phu... es get so vell zentscheide und Details!!
Mer hüratet do in Mellingen wo mer au Wohned. Fiire düemmer imene Usfogsrestaurant wo Maiengrün heisst. Zmetzt im Wald... Esch cool.
Grad höt hämmer au sTelefon gha, dass mer das Schlächtwätter Dach vomene Ferien zor Verfügig gstellt öberchömed... das esch genial, well en Saal oder geeigneti Rüüm hets keini idä nöchi... und so semmer eifach vom Räge gschötzt wenns wör rägne... Tuets jo ned
Was stoht bi eu no so a? Oder chasch gar nömme meträde?
Schöne Abig no
Grüessli Kaz
9. Mai 2009... Ja ich will!
|
surri am 17.02.2009
Re: Bräute 2009 aus dem Aargau
Hallo zämme
Bi üs gohts jo no chli länger und i bi a dr Tischdeko! Fiorina i ha in Aarau zivil ghürote und mir wohne au do! Woher hesch dis Chleid!
D' Iladige sind i dr Verarbeitig und ich mach mir im Moment Gedanke zur Musik und zu de Blueme!
Cu Surri
Glücklich verhürotet sit em 19.12.08 mir chönnes chumm erwarte 22.08.09
|
Fiorina am 18.02.2009
Re: Bräute 2009 aus dem Aargau
I han mis Chleid bede Priska kauft. Rechtig interessant die verschiedene Meinige vo de Läde z'ghöre. Grad be Priska und Merrys. Es geht glaub zwöi Lager wie be Migros und Coop ;-)
Ond ehr zwöi, Kaz und Surri? Wo händ ehr euches Chleid her?
@ Kaz: Es goht mi jo nüt ah, aber wenn du findsch, es lauft ned so wie du der das vorstellsch...vorallem punkto wer ibezoge werd id'Planig...Wenn das Ganze dore esch chasch nüt meh ändere und wie scho xeit: Es esch euches Ding! Wenn du möchtisch, dass dini Familie id'Vorbereitig ibezoge wird und dini Familie das au möcht, münd das d'Tätschmeister doch akzeptiere? Velech chan dini Familie ufd'Tätschmeister zuegoh?
Also i ben letscht Johr amene Hochzit Tätschmeisterin xi und s'Bruutpaar het sich gwünscht, dass mer die 3 Brüedere vom Brüütigam ibeziehnd. Also hämmer eus teilwiis z'5 troffe und abgmacht, wer was bis zum nöchste Mol erledigt. Es het halt würkli Vorteil, well mer so no en bessere Bezog id'Familie het und d'Sterchi vo verschedene Perone cha nütze.
I möcht ebe au Gerbera i mim Struss aber mini Floristin tuet chli schwerig. Tue mi jetzt ned dürber uusloh. Met Thema hani gmeint, öb du ein bestimmti Farb wotsch (wiss, rot rosa) oder en bestimmti Blueme (Rose, Nelke, Maiglöggli)
Was no so astoht för eus:
Wii probiere (das dörfe meeeeer mach)
Namenschärtli bastle
Polterobig plane (i han mini genaue Vorstellige )
Flitterwoche bueche
Papier afordere
Öpis zom alegge förs Standesamt
Hochziitsgschänk für min Schatz bastle
Das wärs glaub öpe
FRAUE!!!! I wönsche euch ganz e gueti Ziit bem Vorbereite! Alli säge emmer, de Tag goht so schnell verby. Mer müend s'Vorbereite also ganz fest gnüsse!!
Wir heiraten am 6.6.09
|
Kaz am 18.02.2009
Re: Bräute 2009 aus dem Aargau
Ich han mis Chleid eigentlich au bidä Priska gseh und scho reserviert gha... aber ich ha dä sgliche no bim Wicky gseh... und leider (für dPriska) belliger... Ich ben zwar am afang kei Fän gsi vo somene Grosse lade wie dä Wicky... und het mer au total leid do för dPriska aber öbi 500.-- (met % vodä Priska) meh oder weniger zahle  Hani dSchue und dä Schleier för da Gäld au grad Kauft...
@Firoina
Es esch ebe chli kompliziert... (oder ich meins ) Eigentlich hämmer jo 2 und 2 Trauzüge und min Verlobt hät ebe keis 4er Gröppli wälle, werdi zkompliziert met sovell meinige ec... aber dMeinig esch scho gsi, dass die vom Kirchliche öppis düend delligiere (macheds dä vellecht no, wenn die definitive Idee stönd (händ aber nömme lang derziit!!) Sogar ganzi Adress Liste met Telnr. hani verteilt!!
Ich hans ene scho soooo mängisch gseit, aber ich chan jo ned meh wäder emmer weder säge?!
Dä chömed ebe weder so spröch zrogg vo dä Trauzüge wie: "Mer müned jo alls delligiere..." Müend!! dörfed, söttet, währ schön för desi!!
Vellecht esch sie eifach au chli igschnappt, well sie "nur" mini Brutfüehreri esch und bim Zivile ned chan derbi si...
Mis Mami goht dä scho no uf sie zue, beni secher, aber mini Schwö ned... warum ? weissi ned. Sie planed öppis förs Zivile, was au schön esch!
äh... luege mer mol...
Mini Florestin esch erliechteret gsi, woni gseit han ich wölli Gerbera... Guet, die ander Blueme währed Mohnblueme gsi... dä send Gerberas grad eifacher!! Mis Thema esch dämfall Rot/wiss (Gerbera und Schleierchrut) und ebe, Gerbera...
Du Plansch din Polterabig?? Ich han mol so durch die Blume gseit, was ich mer chönt vorstelle und dä räscht müned mini BEIDE Trauzüginne mache (zäme!!! )
Bi eus stoht nömme vell a.
Zivile verfahre eröffne
Wii organisiere för dä Apero
Kleider förs Zivile
Azug för min Zuekönftig
Ablauf Chele
ändlich die rechtige Namesscheldli usefende (!!!)
So details wie: Pass afordere
Kleid apasse
Schue ilaufe
Besprächig met em Fotograf
ec... so chlinikeite hets schono paar ome.
@surri
Du hesch rächt!! GNüüüSSE i vollne Züg! Dä Tag esch schnell verbii!!
Grüessli Kaz
9. Mai 2009... Ja ich will!
|
Fiorina am 02.04.2009
Re: Bräute 2009 aus dem Aargau
Hallo zäme!
Sind ehr no do? So em Stress? Kei Ziit meh fürs Forum?
@ Kaz
Laufts besser met de Vorbereitige?
6. Juni 2009 ist es soweit
|
Kaz am 02.04.2009
Re: Bräute 2009 aus dem Aargau
Hi Fiorina
Gäll, esch so ruhig im Aargau Forum Send all amene ander Thema Aber ich chan jo elei ned emmer schriibe
Das met mine Brutführer het sich au chli gleit... Oder ich mich gänderet chan au si. Esch ermmer nonig optimal aber gäll... nä wies dä chunt und glich chönne gnüüse!! Do schaffe mer dra!!
DVorbereitige schösch laufed. Esch nömme vell vo dä Liste obe. SVerfahre esch sit am Di eröffnet, sGspröch met em Pfarrer hämmer au gester gha und so fählt nömme vell... Emmerno dä Azug för min Zuekönfig und dChleidig för s Zivile. Mer send grad am Liste zämeträge, dass mer dä nüüt vergässed, und nüüt vergässed zOrganisiere dasses Deligiert esch... Ja schösch... Details wie Nägelfrau, Probeässe und Wiiuswahl, definitivi Teschordnig, wär esst was, Menücharte, no 3 Nahmesliechtli, Teschdeko ichaufe, so chline Schischi wo ebe glich no Arbet get...
Bi der?? Alles im Grüene Bereich?
Grüessli Kaz
9. Mai 2009... Ja ich will!
|
Fiorina am 03.04.2009
Re: Bräute 2009 aus dem Aargau
Es mues jo esch mega id'Hose go, dasses ned en wunderschöne Tag för euch zwöi werd. Scho ellei s'Bruutchleid verursacht doch soooo vell Glückshormon :-)
Mer send absolut im grüene Beriich. Es goht no 9 Woche... be der esches nochli nöcher
Es geht eigentlich für eus au nor no "Schischizügs". Do und deht no öpis definitiv abmache oder fertig mache (Namens-Scheldli). Aber wenni mers so gnau öberlegge, sends rächt vell chlini Sache wo denn im gsamte glich no ..... einiges z'erledige esch hoffentlich goht nüt under. Liste esch glaub würkli en gueti Idee. Machi au grad und hänkes mim Schatz übers Pult
Mer göhnd am nöchste Donnstig fürs erste Gspröch ufs Standesamt. Freue mi riiiiiisig :-)
Weisch du, wie lang "d'Trouig" ufem Standesamt öpe goht?
6. Juni 2009 ist es soweit
|
|
|
1 2 3 4
|
Anmelden
