guete morge pluto!

mir hei ou lang gah bismer üs einig gsy si mitem datum, i gloub das mitem wätter cha würklech au tag anders si und ou wes sötti rägne wirds dr schönscht tag sy fürnäs brutpaar:-)!

wettete dir im juli? würd mau luege wenn das d kiuche frei isch nid dass dir de s datum heit und kiuche bsetzt isch und dir nomau muesst es datum sueche.

mir fyre ou ufäm buurehof inerä halle wo üse nachber süsch d landmaschinen dinne het, de chöimer hei loufe und gäst hei ou nid wyt.

genau wie du seisch d getränk nämemer ir landi de chunnts günstiger und chame ume gäh was zviu isch.

s kärtli isch fertig, juhui hei säuber eis gmacht dje wuche, hei zersch ou es foto wöue när heimer eifach es herz imene räbeblatt wyrot gno als front uf so grau marmoriertspapier und inne e spruch links rächts d iladig und zhinters d adrässe. mit wyrote couverts.

hei drum zersch ir papeterie gluegt und när hei üs priise fasch umghoue da chunntmä locker uf 10.- pro kärtli und jitz chömmemer nid mau uf 2.- unds porto chame ou spare we d lüt aui ider nächi wohne chamesä säuber i briefkaste abela. das hei dje meiste gmacht womer kenne.

s kleid gahni am 29.11 mit minere kollegin iherer schwester und mim mami evtl. am schwiegermami in spe gah useläse.

i hoffe i finde de mis troumkleid!:-)

lg sibylle

• Zitieren

Hey girls

nochdem mer beschlosse hend (em März) zhürote, hani ennerhalt chorze Ziit scho velles organisiert. Ech wörd uf jedefall grad d Chele ond de Ort won er gönd go ässe, reserviere, so schnell das es god.
Ech ha müesse feststelle, dass beliebti Orte för nögschts Johr scho lang reserviert send. Ech ha em April/Mai agfrogt ond mer hürotid im Mai 08.

D Iladigschärtli hani scho em Sommer sälber gmacht ond em September scho verscheckt. heheheh..

De DJ, Fotograf, s Chleid, ond sogar d Renge hemmer au scho !

Has eifach ned chönne abwarte, alles zmache sowiet es möglich esch ! Chas chum erwarte de Hochziitag !!! yupeeeee....

Einzig Teschdekoration ond Namenstäfeli weissi nonig wie nie das sell mache.....
hed öpper en Idee?

• Zitieren