Sali zämme

I muess emol Dammpf abloh, i ha im Moment s' Gfühl das alles schief lauft. Am Sunntig si mir momol ufs Schloss zum luege ob alles so machbar isch wie mirs üs vorstelle. Den lueg i ufs Aschlagbrett und dört het mi den dr Schlag fast droffe
22/23. August Gugenträffe uf em Schloss! Was söll das ! Mir hei s' ganze Schlossbeizli für üses Apero buechet! I scho am hülle! Do het mi Maa aglüte und gfrogt was das söll! Den het sie gmeint das sig nur e chlini Gruppe vo Lüt und di sige den Hinterem Hof wo mir s'Apero mache.
Aber das goht doch nit i ha nur dänkt mir gäbe üs Jo Wort und hintedra tuents mit Pauke und trompete es Halligalli Lied spiele: Guet mini Närve si am End gsi und jetzt luegt üsi Tätschmeistere mit dr Gugge das ganze a. Vorallem wäge de Parkplätz ( hei nur ganz wenigi)

Und den ischs wittergange, mini Schwiemü het gmeint mir org. das ganze wie e Pfadi-Übig ( sind beidi i dr Pfadi gsi), i bi drt gsi und mir si nur no d'Träne cho! Sie nörglet an allem ume will mir nit wei das sie öbis zahle und sie nur bedingt i beziehnd( Fürbitte, Transport). Und den het sie gmeint wie wölli nüt me vo dere Hochzit ghöre. Haaaaaaaaaaaaaaaaaaaaan was söll das isch doch ihre Sohn wo hürotet! Und wenn me sie nit über alles uf em laufende haltet den isch sie aber au beleidigt! Me chas ere nie rächt mache!

Und es goht witter. Mir heisvo dr Sitzordnit gha und den ruck sie dermit use das ihri Eltere nit chämme und au d' Cousin vo mim Maa nit! Was söll das chönne di sich nit bi üs wieder abmälde statt bi mim Schwimü! Den hanni gseit so lang nimmer mir das seit chönni das doch au gar nit wüsse! mir hege am Ameldeschluss bi allne nomol nochegfrogt und es Jo becho und keis Nei!

Bah nach dem Sunntig bini so gnärvt gsi das i nit ha chönne schlofe und das di halb Nacht! I ha mir Gedanke gmacht zur Sitzordnig und wieso mir dr ganz Ufwand betriebe!
I muess au sage das mini Närve imMoment nüt verdrage, I bi au nit so fit und mag eifach nit!

Danke das i ha alles chönne loswärde

Surri

• Zitieren

Hallo Surri

das duet mer alles so leid för dech, aso das met em schloss esch jo d höchid, das wörd mech glaub
au fertig mache….
und uf die Schwigermuetter wörd ech gar nome i go! wenns möglich esch! esch eifach gseid als
gmacht ech weiss. Esch jo en frächheit was sie do seid, vo wäge Pfadi-Üebig!

aso wenn sech en gladnä gäst be eus net meldet denn wörd ech demit rächne das chömid…
das chans jo gar net sie sech eifach be dä Schwiegermu abzmelde, ok vellecht bemenä Aperogast ok!

ech han nur es problem met em gotti, sie het sech 3 Mol a und abgmeldet (gladnä Gast)
etz chund Sie glaub net….!!! und das halt be eus e dä Familie vell stritt gä het! das duet
mech halt belaschte, hoffe eifach das sech die Erwachsnige chönd zäme nä!

ech wönsche der vell Kraft för d Hochzit und för dini Gsunheit.

lg


heiraten am 20.08.2009 & 22.08.2009 in Liebe

• Zitieren

Haallo zämme

Jo mini Familie stoht voll hinter mir, au mi Schwiegervater und mini Schwimu, isch jo scho glücklich drüber das ihre Sohn hürotet aber ebe sie fallt jedesmol in es tiefs Loch wenn sich öbis änderet in ihrem Läbe. i weiss au das i nie gnuegg guet wird si für ihre Sohn. Aber mit däm hanni mi abgfunde.

Das mit em Schloss isch echli e Sach! Mir hei s'Schloss für e ganze Daag gmietet.S'Schlossbeizli hei mir au vor dr Gugemusik gmietet ( isch sep.vom Schloss). Dr Caterer chunnt extern und het nüt mit däm z'tue! I hoff das mini Tätschmeistere verständnis findet bi dene Lüt, das sie während der Trauig(uf dr Wiese) und em Apero nit spiele oder wenn den nur während em Apero.
Und D' Parkplätz wird i eifach ganz frech absperre; die ghöre nämli zum Schloss und nit zum Beizli. Sölle sie ufelaufe!

Und mit minere Gsundheit chunnt das scho guet! I ha mi jo derfür entschiede drotz Krankheit ( wüsse nit alli Bscheid z.B Schwiegereltere) d' Hochzit wo mir jo sig fast 2 Johr plane durezieh!

I wird mi erhole und sunscht verschiebe mir lieber üsi Hochzitsreis als d' Hochzit.

Es goht nit emol meh 2 Wuche und i bi jetzt langsam riechtig nervös und ha mueh mit schlofe und dänke!
Naja das chunnt guet sag i mir!

Cu Surri

• Zitieren

oh surri
das duet mr alles leid für euch hoffe das chunnt de alles wieder guet!
Eus gohts jo öppe glich, hauptsach freud schwindet nid ganz wäg!

Liebi grüess steffi viel glück

• Zitieren

Sali Leny

Danke vielmol für dini liebe Wort! Jo di Maa het sicher rächt und au in dem wo du Schriebsch steckt au viel Wohrheit!
Aber ebe! i glaub au das mini Närve echli strapaziert sind.

Zum zahle, mir hei vo afang a gseit mir wölle weder vo mine Eltere no vo sine e finanzierig zu unserer Hochzit! Mir hei klar gseit das mir alles sälber finanziere und das au chönne!
Aber ebe sini Eltere sind do echli kompliziert und hei mueh das z'aktzeptiere! Muend sie aber will mir das eifach nit wänd!

Mir hei au am Catering verbote ihrgendöbis vo Verwandete azneh!
Viellicht chunnt das einige do komisch vor, aber i ha kei luscht no 20 Johr z' ghöre "ohni üs hätte dir euch das nit chönne leiste"! So lauft nämmli bi minere Schwögere sig 20 Johr ihre wird immer wieder ufzählt was ihri Eltere ihre ermöglicht händ und das sie doch Dankbar söll si!

Neinei das ohni mi

I bi froh das mini Familie nit so kompliziert sind! Au wenn sie ihri Macke händ!

Und mi Maa hets ihne scho klipp und klar gseit was er will und was nit aber ebe sie respektiere es nit!

Cu Surri

Aber i gseh scho no viel positives au a mini Schwiegereltere au wenn sie kompliziert sind!

• Zitieren