| Ist die Hochzeit immer perfekt und superschön! |
|
|
1 2
|
maju  am 11.06.2009
Re: Ist die Hochzeit immer perfekt und superschön!
mach dir nid z viu Gedanke! bi üs isches so gsi, das mir dä Tag extrem gnosse hei! während em Hochzyt hei mir immer wieder gseit wau wau wau! mir si überwältiget gsi! mir si so viu überrascht worde u heis wäuts chönne gniesse! mir si o nid würklich närvös gsi oder so, äs isch eifach herrlich gsi!
ersch när nachem Hochzyt wo aus düre isch gsi u z erste Höch isch düre gsi, ha i mir immer wieder dr Tag düredänkt was aues schön isch gsi u was weniger! när ha i ufzmal gmerkt, a das isch nid perfekt gsi, da hätte mir gschider ä so, u hie isch das nid so super gsi, ach ja bir Tischornig hätte mir o gschider no 2 amene angere Ort häre gsetzt und und und! äs si aues nume so chlini sache gsi, wo eigetlich o nid witer si schlimm gsi! we i när mit Fründinne über das gredt ha, isch när ufzmau wie ä Schatte über das ganze cho! när ha i für mi gseit "Stopp" i wot nid über z schlächte rede, schliesslich ha i mi ä däm Tag gfühlt wie im siebte Himmel, u i wot das i Erinnerige bhalte u nid das wo ig ga ga sueche wo nid guet isch gsi!
u drum cha ig itze ume säge: äs isch für ÜS z perfekte Hochzyt gsi!
|
|
|
|
bienemaya nicht registriert am 11.06.2009
Re: Ist die Hochzeit immer perfekt und superschön!
Hallo jo do ech ganz korz devor stoh (no 2 mol schlofe...) ond au scho zemli nervös be, gönd mer au vell Gedanke dör de Kopf.
Ech dänke jede wört velecht im Nochhinein ergendöpis chli anders mache, mer hät jo de d Erfahrig - doch zom Glöck hürotet mer nor einisch. Denn au s Läbe esch net perfekt.
Mi Maa seit mer scho länger, ech söll druf vorbereitet si, falls öppis net soo ganz soo lauft wi ech mer vorstelle, dass ech s de glich cha gnüesse. Ond das versuech ech mer z Härze z näh. Mer hend alles wo mer hend chönne guet organisiert ond vorbereitet ond de Räst liegt nöm i üsne Händ. Mer cha jo im Läbe eh nie alles plane, oder?
Ond logisch esch au, dass net jede Gast alles super fendet, mer het doch verschedni iglade ond edem Rächt mache cha mers eh net. Drum gar net erst versueche. Mer hend so üs gseit: gnueg z ässe und trenke - ab und zu Setzglägeheite ond de Räst esch halt Gschmacksach... Schlossändli liegt s au a edem sälber was er drus macht.
Ond drum wersch au du nochhär nor di schöne Erenerige im Vordergrond ha. Ond wenn öois vergässe got oder so - merkt das eigentlech nur du ond dine Maa. Es tuet aber guet zwösse, dass mer net elei met so gedanke esch :-) - alles chunt guet :-)))
glg nevöse Bienemaya
Mer hürotet zivil am 01.05.09 ond kirchlich am 13.06.09 :-))))
|
Muggi  am 11.06.2009
Re: Ist die Hochzeit immer perfekt und superschön!
Hey bienemaya hesch di Kleid scho uspackt usglüftet alles parat 
|
|
bienemaya nicht registriert am 11.06.2009
Re: Ist die Hochzeit immer perfekt und superschön!
Es hanget no im Sack...Mer fahret morn Mettag a Ort wo mer üs trauet ond det tue ech s de uspacke.....
Mer hürotet zivil am 01.05.09 ond kirchlich am 13.06.09 :-))))
|
Yasi am 12.06.2009
Re: Ist die Hochzeit immer perfekt und superschön!
Hoi Stern
Ich findes überhaupt nöd schlimm, dass Du Dir die Gedanke machsch. Die hani ämel au sit ix Wuchene. chani also guet nachevollzieh.
i weiss nöd wies Dir goht, aber ich bin generell au nöd e Perfektionistin, han aber doch recht höchi Aasprüch a mich und mängisch au a anderi. Mini grössti Angst woni han isch, dases chönt langwillig wärde und das nume wenig Lüüt chömed. Bis etz bini immer a Hochziite gsi, wo mega vill gloffe isch, eis Spieli nachem andere. bi ois hani s'Gfühl, wirds nöd eso vill geh. All Lüüt sind gstresst, händ mega vill los, gad oder nomol Eltere worde, etc. Bliibt denn do no Zyyt zum öppis vorbereite? das frogi mi amel.
Ganz ehrlichgseit, wetti ebe scho schuurig gern echli überrascht werde am Hochzig. Es söll schochli öppis laufe. I versuechs so guet wie mögli "abzgeh", also nöd dra z'denke. bringt eh nünt.
was sind denn dini grösste Ängst, Stern?
lueg, perfekt wirds eh nöd, aber es richtig tolls und unvergesslichs Fäscht chas gad au dur chlini Patzer oder so werde.
lg Yasi
Mir froied ois extrem fescht uf oises Hochzig am 1. August 2009!
|
Stern  am 12.06.2009
Re: Ist die Hochzeit immer perfekt und superschön!
@Yasi
Am meisten Angst habe ich, dass ich enttäuscht werde, meine Familie enttäuscht mich schon seit Jahren. Ich habe mir bei der ganzen Planung so viel Mühe gegeben... wir haben wie alle die heiraten enorm viel Zeit investiert. Trotz allem habe ich das Gefühl, dass es einfach nicht reicht!!! Ich habe Angst, dass ich an der Hochzeit traurig werde... dieser Tag und auch die Vorbereitungszeit ist sehr emotional. Ich hatte in der Vergangenheit eine schwere Zeit, dass es mir jetzt wieder gut geht freut viele von meiner Familie und von meinen Freunden. Trotzdem... irgendwie habe ich Angst gewisse Leute an diesem Tag zu treffen. Allerdings wäre ich anderseits wieder traurig wenn sie nicht kommen würden, denn dann hätte ich das Gefühl ich sei ihnen nicht wichtig...
Na ja, es wird schon gutgehen 
Unser grosser Tag ist schon bald... am 10. Juli 2009!
|
|
|
1 2
|
Anmelden
