| Leute die nicht eingeladen sind, aber das Gefühl haben sie sind es.. |
|
|
1 2
|
Joene  am 09.04.2010
Leute die nicht eingeladen sind, aber das Gefühl haben sie sind es..
Hallo zäme
Hend ihr das Problem au, das gwüssi Lüt s Gfühl hend sie werdet ad Hochziit iglade sie debie sinds es gar ned.. Ha das jetzt bi 3 Lüt erläbt. Das sind zwar Kollegine aber kei Fründine. Cha ja ned all ilade. Irgendwo mues mer ja mal en Strich zie. Wie säged ihr das dene Lüt..??
Am 14.08.2010 isches sowiet!!
|
|
|
seeletaenzli  am 09.04.2010
Re: Leute die nicht eingeladen sind, aber das Gefühl haben sie sind es..
mer hend eifach kommuniziert, dass mer das ganze im chline rahme wend phalte ond drom nor die ängschte lüüt iladed.
-- ~ mer verTRAUED üs ~ -- ~ 21.05.2010 ~ --
|
Joene am 09.04.2010
Re: Leute die nicht eingeladen sind, aber das Gefühl haben sie sind es..
Ja das hani dene au gseit. aber irgendwie checkets die ned. ha au scho adütige gmacht dases es eigentlich söttet merke. na ja ich glaub i tue jetzt eifach denn d iladig für de apro uf d post. denn isches ja denn klar dases nur an apero iglade sind..
Am 14.08.2010 isches sowiet!!
|
cosa87 am 09.04.2010
Re: Leute die nicht eingeladen sind, aber das Gefühl haben sie sind es..
hallo Joene
jo oder segs ihne eifach direkt. ich glaub jede wo en normale menschevostand het wür da den vostoh. mi chan eifach nid alli und jede ilade.. ussert mi het grad einigi millione gunne.
und suscht machsches würkli so wieds gseit hesch.. :)
|
|
Soefeli82 nicht registriert am 09.04.2010
Re: Leute die nicht eingeladen sind, aber das Gefühl haben sie sind es..
Oh ja, liäbi joene, dass kenne ig o! aber ig sägä immer das diä persone iglade si, wo afangs jahr ä schriftlechi iladig hei übercho. u diä wo ke iladig hei übercho, wotti nid gseh a däm tag
ä kollegin vo mire mam het bi de eltere deheime üses iladigschärtli gseh u o gläsä. si het när üsi homepage-adrässä abgschribe u isch när natürlech o druf ga luägä. si het när ids gästebuech gschribe, das si sech fröii u üs alles gueti wünschi, u we alles klappi, chöm si de ID chilche cho gwundere. Ha ihre blitzartig äs e-mail gschribe, dass nume diä persone ads hochzyt iglade sigä, wo o ä iladig übercho hei. u ihri antwort isch när gsi: "ah ig ha gmeint, das weme uf d homepage chönni ga, me outomatisch iglade sig!" HALLOOOOO geits no - wärä ja itz im momänt 840 Personä :oD huiiii git das äs fescht
sachä gits
liäbä gruess soefeli
**Zivil: 20. August 2010 * Kirchlich: 28. August 2010**
|
|
Jenny78 nicht registriert am 09.04.2010
Re: Leute die nicht eingeladen sind, aber das Gefühl haben sie sind es..
Ui Soefeli82 ich glaub mir möched kei Homepage für üses Hochzit
Da mir imenä chlinä Dorf (aber doch zgross zum all iladä) wohnet, hend mir eus entschidä ca. 30 Min. entfernt vo eusem Dihei zhüratä. So isch scho mal dä Weg wo gwüssni Lüt abhaltet, denn hend mir dett en Kapelle wo nur ca. 40 Lüt, also nur eusi gladnä Gäscht, Platz hend. Ja und denn gits Iladigä für die gladnä Gäscht und für d'Aperogäscht. Bim Reschtä hoffed mir, dass die soviel Verstand hend zum ned uftauchä, wenns ned igladä sind
|
silver83  am 09.04.2010
Re: Leute die nicht eingeladen sind, aber das Gefühl haben sie sind es..
also zur trauig dörfen alli cho wo wön und den sinds sucht jo igladä wordä und dört stoht jo druf, für dä apero oder au fürs fäst... es git au es paar "fründinä" wo ich nid igladä han, da ich sicher scho es johr kein kontakt me zu ihnä han, denki mol, dass sie das au nid erwarten. und suscht so im kolegä kreis, naja mä muess hald abstrich machä und chan würkli nid hinz und kunz iladä... sött würkli au jedä verstoh.
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
speedy am 09.04.2010
Re: Leute die nicht eingeladen sind, aber das Gefühl haben sie sind es..
Hey Joene
Hürotet ihr denn i de Chile? Also bi de Reformierte isch es eigentlich so, dass e Hochzitsgottesdienscht en öffentlichi Aglägeheit isch. Es wird jo au usgschriebe. Das heisst, ich rächne jetz mol demit, dass d Hütte voll wird. Wenn ihr au inere grössere Chile sind, wärded ihr nid chöne verhindere, dass Lüt dört hocked, wo dört eigentlich nid ane ghöred. Wennd Schwein hesch, begriffe sis vorane no, aber das schint nid de Fall z si. Also würd ich an dinere Stell eifach nach de Chile d Gratulation entgäge näh und denn grad bim gratuliere säge, dass de Apéro nid für sie dänkt isch, wenn du das so willsch. Vilicht cha sogar scho während em Gottesdienst de Trauzüge bi de Mitteilige säge, dass DIE GLADENE GÄSCHT zum Apéro erwartet wärded.
Bi üs lauft das anderscht, bi mir sind i de Chile und am Apéro würklich alli willkomme. Im chline Rahme simmer denn Zobe am Fescht.
|
Joene am 09.04.2010
Re: Leute die nicht eingeladen sind, aber das Gefühl haben sie sind es..
ja das isch bi eus au so. d chile isch eh öffentlich. mir hend iladige gmacht für trauuig und apero und iladige für s fest am abig. es hend aber ebe 3 s gfühl dases au as fest iglade sind. die eint het au s gfühl das si zu mine beste fründine ghört..debi ghört si das gar ned. ha au kei ahnig wie sie uf die idee chunt. mir gsend eus wenns höch chunt 3 mal im jahr und verzelled eus ned weiss ich was persönlichs..es isch uh doof. wie seit mer sonere person das ohni das mer si wahnsinnig verletzt. es tuet mir uh leid...aber chan ja würkli ned all ilade!
Am 14.08.2010 isches sowiet!!
|
sheilyn  am 09.04.2010
Re: Leute die nicht eingeladen sind, aber das Gefühl haben sie sind es..
@sofeli82
uuh also hallo gohts no?!  
tz sache gets....
@ joene
nei die problem hani nie gha, im gägeteil...
i han teil lüt ca 10 mönet vorhär gseid, sie selet sech denn s datom för mis hochzit frei bhalte ond 2-3 send verschrocke, dass ech sie denne au ihlade. "nei mech wotsch du au ihlade? mueshc doch ned, so lieb" ^^
so i dem stil.
s gägeteil esch nei de fall gsi, dene wördis eifach säge ond wenns scho paarmol gmacht hesch, eifach ihladigscharte för s apero verschecke ond fertig. send die dütlech gnue gschrebe, dass es NOR för's apero esch? ;)
söscht eifach werkli krass diräkt use säge: DU BESCH NED ihglade! pasta!  i meine was wotsch.
mer hürotet am 26.06.2010 - i 3 kantön! ;)
Zuletzt bearbeitet am 09.04.2010
|
|
|
1 2
|
Anmelden
