| Mai2014Bräute-Abspeckiteam |
|
|
1 .. 6 7 8 9 10 11
|
Pricana  am 29.09.2013
Re: Mai2014Bräute-Abspeckiteam
Soo min Nachtrag vom FR chunt auna:
1.63m
Gewicht am 27.09.: 64kg
- 1 Kilo 
@malinchen, au wenns natürlich super isch wennd so viel Gwicht verlore hesch, so unregelmässig ässe isch nöd so guet  Das isch bi mir ebe au immer so gsi, am Mittag duregschaffed und nur wenig gässe und am Abig hani denn sooo Hunger gha dassi immer vorem Z nacht scho öppis gässe han und denn zum Znacht viiel z viel. Drum söttmer ebe chli usgwoge ässe. Nimm doch suscht mal Riiswaffle mit, hesch das gern? Ghört zude Kohlehydrat aber eini het 8 gr. und das isch praktisch nüd! Öpfel und so reged halt de Appetit eher na a, weiss nöd obmer sich denn en Gfalle tuet demit :) Und Banane isch super wennmer nur eini am Tag isst und nöd meh. die zellt au grad als 2 Frücht.
Guete Start und viel Erfolg allne idä neue Wuche :)!!
|
|
|
Similein am 30.09.2013
Re: Mai2014Bräute-Abspeckiteam
Hoi zäme
Dir sit de flissig gsi..
Hie chunnt no mi nachtrag..has am friti natürlech vrgässe 
Grösse: 170 cm
Gewicht am 30.9.: 72 kg
Ab-/Zunahme: -0.5kg
Zielgwicht: 62 kg
Was ässet de dir aube so znacht?
i bi eifach aube so ifauslos was i chönnt..
|
malinchen  am 30.09.2013
Re: Mai2014Bräute-Abspeckiteam
@pricana: Gratulierä zum Erfolg!
Ja gäll, isch würklech blöd dasi so quer isse. I choufe jetz für morn mal chli Gmües (Rüebli, Gurke, Peperoni, Tomätli) woni när cha so Stäbli schnipsle u när mitnäh. Da chani ja guet ou i 5 Min chli drvo ässe. Riiswaffle hani äbä aus Ching IMMER aus Znüni mitübercho und chas inzwüsche nümme schmöcke... 
@Similein: Das Problem mitem ifauslos Choche hani ou chli. GG u i wei jetz de mal ä Wuche-Menu-Plan erstelle, süsch hei mir när eh ke Zyt üs öpis lah izfalle u choufe eifach das wo mir kennä... Hüt gits bi üs Chilli con carne zum Znacht (ohni Brot für mi).
|
novia_mayo  am 30.09.2013
Re: Mai2014Bräute-Abspeckiteam
@similein: ich isse zum znacht vorallem gmües, i allne variatione. aso salat, suppe, oder eifach kochet (z.b. ratatouille). je nach luscht nimmi nochli fleisch dezue, z.b. rindsfleisch oder poulet.
wenn min GG z.b. teigware koched nimm ich au vo dem, aber nur ganz wenig teigware defür no es gmües oder en salat dezue. fisch isch natürlich au super, machi aber leider au zwenig...
|
|
canella nicht registriert am 01.10.2013
Re: Mai2014Bräute-Abspeckiteam
@similein: ja znacht isch no schwirig...i choche immer richtig znacht. also eigentlech immer salat, bilage, fleisch und gmües. gester hani z.b. fischfilets im ofe gmacht, mit härdöpfeli und lauchgmües.
was i auno gärn ha si die gräucherete forällefilets wos i dr migros git, das chasch z.b guet zume salat no ässe. mit de bilage dueni immer chli variere, härdöpfelstock, riis, teigware, polenta, griessschnitte, spätzli, omelette...
jetz isch ja grad so chli wild saison, de machi no gärn es rehschnitzel und spätzli drzue und früsches rotchrut. oder sache mit pilz.
oder asiatischi sache choch i au gärn, jasminris und irgend e sauce mit viel gmües und pouletfleisch, fein gwürzt und no chli kokosmilch dra.
hüt zum znacht hani mol truteplätzli uftaut...die dueni vermuetlich chlinschnide, mit ziebeli abrötle, peperoni, aubergine und zucchetti drischnibble und den ahni e patisson wo i due ushöle und när mit däm fülle. für die schlanki variante dueni eifach ame d bilage wäglo.
kürbissuppe machi auno sehr gärn, mit curry und chli kokosmilch, isch himmlisch!!!!
tja...isch halt alles nid so blitzblitz-menu....brucht scho ame chli zyt. aber viel chasch au guetvorbereite und denn lo chöchele.
|
|
canella nicht registriert am 01.10.2013
Re: Mai2014Bräute-Abspeckiteam
ach überigens bini de am fritig zobe nomol uf d waag gstande:
d woog zeigt: 81.9kg
si sött zeige: 72kg - 1.2kg (froget mi nid was i gmacht ha...gar nix )
ligt allwä a de hormon...ärdbeeriwuche isch nämlich jetz verbi.
|
malinchen am 04.10.2013
Re: Mai2014Bräute-Abspeckiteam
Guete Morgä zämä...
schön brav bini hüt morge ufd Wag gstande.
Grösse: 169
Gewicht am 4.10.: 71.1kg
Abnahme: -0.4kg
Ziel: 62kg
|
lela85  am 04.10.2013
Re: Mai2014Bräute-Abspeckiteam
bi mir tuet sich immer na nüt... schwanke immer knapp under de 100er grenze :(
|
malinchen am 04.10.2013
Re: Mai2014Bräute-Abspeckiteam
oh, nid dr Chopf lah hänge lela... So Plateaus gits halt mängisch! Muesch luege plötzlech machts wieder ä Schritt vorwärz! Bi mir isch das ou immer so, dass es ä zyt lang vorwärz geit u när geit wieder paar Wuche gar nix.
|
Similein am 04.10.2013
Re: Mai2014Bräute-Abspeckiteam
Ig bi hüt ou uf dwaag..
Grösse: 170 cm
Gewicht am 4.10.: 71.2 kg
Ab-/Zunahme: -0.8kg
Zielgwicht: 62 kg
@lela.. das gits leider immer wieder das me gad nid vom fläck chunnt.. aber lo dr chopf nid lo hange, das chunnt scho wieder!
|
|
|
1 .. 6 7 8 9 10 11
|
Anmelden
