| Metabolic Balance |
|
|
1 .. 70 .. 138 139 140 141 142 .. 165 .. 187
|
sniffi  am 10.01.2012
Re: Metabolic Balance
Ich bin froh bin ich nöd die einzig mit dene 5h..........ich gib mir ja scho Müäh, dass ich nöd zwüschetdure esse tuen, ebä au wegem Bluetzuckerspiegel. Aber ich halts würklich fast nöd us....jetzt gahts no ä halb Stunde und min Mage chnurret wie ä Horde hungrigi Raubtier  fülle de Mage jetzt mit Wasser!
Eigentlich wüsstemer ja wie üs ernähre aber ich finde au s'Programm hett mir wieder chli Inputs ghe und was ich muen luege und was für Lebensmittel mir eigentlich guet tüänd und was ich chli beachte söll. Bi mir isch würklich s'Problem, dass ich zuviel Süässäs amigs isse, vorallem am Weekend diheime und au am Abig.....mer sött mal äs Gen erfinde, won eim d'Lust uf Süässäs nimmt....mei wäri das cool 
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
|
|
|
dia nicht registriert am 10.01.2012
Re: Metabolic Balance
Genau!
Mi Maa isst jo immer mit wenn er deheim isch (do bin ich sehr froh und finds mega lieb vo ihm) Unser Lieblingsmenu isch (gits meistens am Sunntig zum Zmittag) Räucherlachs mit Guacamole, Salat und Roggebrot. Das füllt au! 130gr Salat isch eh töller wie 130gr Gmües. Bim Salat kasch viiiiiillll meh ässe!!!! 
....unser Traumtag war am 21.5.2011...
|
nimbini  am 10.01.2012
Re: Metabolic Balance
ja s'süesse isch bi mir natürlich au s'problem! aber bi mir isch es au no d'mängi! ich iss amigs fascht soviel wie min maa und das chan natürlich nöd si! de vorteil bi mir isch amigs, dass sich während mb z.bsp. min mage verchlineret und ich wieder weniger isse, fdh hilft bi mir definitiv scho mega viel.... aber ebe, ich bin au de fruscht- und gluschtässer! wänn mir öpper e halb stund vom mc chicken vorschwärmt, dänn will ich au eine! wil ich dänn weiss, wie er usgseht und wie er schmöckt und dänn hani scho verlore.... und wänns mir langwilig isch im büro oder wänn ich ebe en fruscht han, dänn iss ich au! gaaaanz schlimm....
hm ich han ebe lieber gmües als salat! die gruusig salatsauce vo mb hanged mer ebe au zum hals use! und guacamole hani au nöd gern
|
sniffi am 10.01.2012
Re: Metabolic Balance
ouhjaaa bin definitiv au än Frust- und Glustässär - drum bin ich so mega stolz uf mich, dass ich uf die feine Butterbretzeli hüt zum Znüni han chönä verzichte!!! Ich liebe die Dinger suscht, vorallem vo däm Beck
Min Maa giit sich au wieder Müäh mit Esse - lueget dass mir üs beidi gegesiitig tüänd unterstütze mit luege was mer esset. Bi ihm isch eifach total gemein, er isch eigentlich uh schlank nur hett er en rechte Buuch....dä bringt er fast nöd weg. Er hett mal fast 10kg abgnah mit ebalance aber am Buuch hett er fast nüt verlore........das isch voll fies!!! Da han ichs scho besser, ich nimme überall zue aber au überall ab 
Mir chönd üs ja so gegesiitig motiviere, ohni dass mer MB-abhängig macht
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
|
dia nicht registriert am 10.01.2012
Re: Metabolic Balance
Mi Maa isst jo nur Zoobe mit, sunst isst er was er will... Und er het genau so viel abgnoh wie ich!!!! 
Ich bi au dr Glustässer. Frust eher nid!
Aber wie du seisch nimbini, wenn öbber seit ich will e Big Mac, denn will ich au eine, will ich weiss wies isch, wenn me dri bisst!!! mmmmhhhh
Oh nei, nid vom MC schwätze, dä ha ich scho sit Australie nüm ka!!!! Und ich muess no bis am 2 warte mit mim Zmittag!!
Wie isch denn d MB Salatsauce? Ich machs immer mit Rapsöl, Essig und Dijonsenf (dä het kei Zucker drin)
....unser Traumtag war am 21.5.2011...
|
nimbini am 10.01.2012
Re: Metabolic Balance
@sniffi, ui zum glück hani butterbretzeli nöd gern, suscht hetti mir sicher eis müesse go poschte über de mittag
ja gäll mit de manne gahts ebe scho ringer zum abnäh! mine isst immer mit mir mit, isst eifach über de mittag normal und wänn ich dänn im bett bin, ghör ich's amigs au no raschle i de chuchi! isch herzig... er isch au schlank, ihn stört aber sis büüchli, isch aber minim und jetzt mit em training wird das sicher au wieder besser.....
ja findi au, dass mir eus au so chönd motiviere! und gueti rezept chömer au so ustuusche, obs jetzt uf mim plan staht oder nöd, isch mer eigentlich herzlich egal wil guet gfühlt hani mich au immer ohni mb, ich han das programm ja eigentlich würklich primär wägem abnäh gmacht....
|
nimbini am 10.01.2012
Re: Metabolic Balance
@dia, oh nei, das isch ja mega fies, dass er soviel abgnoh hät wie du! mine nimmt au immer ab, wänn er mit mir isst, obwohl er ebe am mittag normal isst! guet er isst defür praktisch nie zwüscheddure, das isch no guet bi ihm....
hm dini sauce tönt au no guet! wo gits dänn de dijonsenf? ich han ebe de ganz normal thommy-senf dehei, aber de htä ja zucker udn während mb hani immer die salatsauce gmacht us 1 EL öpfelessig und 1 EL öl (je nach salat halt es anders öl) und dänn amigs no chli bouillon dri... die sauce passt mer eigentlich nur zum bohnesalat, aber zume blattsalat find ichs absolut gruusig! git aber au viel lüüt, wo ja balsamico nämed, aber de hani bi minere leschte diät immer gha und de magi au nüme gseh und eigentlich hät de ja au zucker drin.....
|
sniffi am 10.01.2012
Re: Metabolic Balance
Super - denn startemer jetzt üsi Motivations-Abneh-Wohlfühl-Rundi
Ich han MB au wegem Abneh gmacht gha - bin echt erstuunt gsi, won ich mini Bluetwert gseh gha han. Alles absolut mega tiptop in Ordnig, also mini Ernährig vor MB chan im Prinzip nöd so schlecht gsi si. Eigentlich weiss ich ja a was es liet......dä cheibe Zucker isch halt scho mega fein oder mis Hirni seit mir das eifach ständig
ohhhh MAC......i love it!!! Zum Glück isch dä nöchsti Mac zu wiit eweg vo mir aber jetzt giits denn grad Zmittag, uhhh ich freu mich scho druffe!!!!!
Wünsch Eu schomale en Guete und Dir Dia guets durehebe bis am 2!!!!!
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
sniffi am 10.01.2012
Re: Metabolic Balance
@nimbini - also üse Balsamico hett kei Zucker drin - staht ämel nüt bi dä Zuetate druffe
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
nimbini am 10.01.2012
Re: Metabolic Balance
@sniffi, super, da bini doch debi! und für tips bini jederzyt empfänglich ja zucker isch würklich schlimm, au bi mir! ich liebe süesses.... wobi momentan bini zum glück nöd sooo mega uf em schoggitrip, sondern han meh luscht uf so härdöpfelstock oder raclette oder pizza oder so....
freu mich hüt au mega uf de zmittag! warte aber no e halb stund... han geschter kocht und jetzt muessi zum glück nöd use!
hm hät dänn de au kei fructose drin? wil vo de wiibeeri gits ja im normalfall au fruchtzucker und das au bim balsamico! ich han bis jetzt no kein gfunde, wos das nöd drin gha hetti....
daaaanke, dir au en guete!
|
|
|
1 .. 70 .. 138 139 140 141 142 .. 165 .. 187
|
Anmelden
