- also nicht dürfen hat meine Beraterin nicht gesagt, sie sagte einfach, ich würde sicher nicht mögen, und das sei ok, ich solle danach langsam wieder anfangen. Und so war es dann auch...

LG,

Tiffany-Girl

Wir beginnen unsere schönste Reise am 16. / 17. September 2011

• Zitieren

hi ladies, nei natürlich bini nöd uf em crosstrainer gsi! ich han ja geschter de riis-entlastigstag gmacht und das würdi also niemerem empfehle (obwohl mir das min schwanger empfohle hät)... wäääähhh de riis isch mer ja scho bim zmorge fascht widerstande, hani nur d'hälfti gässe, am mittag hani au nur d'hälfti gässe und so bini dänn nach em schaffe no go früchtli, brot etc poschte für die wuche und dänn hani mir eifach e chli zuchetti gmacht zum znacht, aber riis hetti definitiv nüme abebracht! zudem hani no grässlichs chopfweh übercho, vermuetlich ebe vo dene entlastigstäg, wobi s'wätter ja au nöd de hit gsi isch geschter und ich bin halt so e chopfwehplagti und muess mich so 1-2 mal i de wuche mit chopfschmerze umeschlah also ponstan ghöred bi mir zu de grundussattig dezue.... uf all fäll hani mich hüt morge richtig uf mis yoghurt mit brombeeri (brrr sind die suur gsi) und s'roggebrot gfreut.... und uf de zmittag freu ich mich grad au ;o)!

lg nimbini

• Zitieren

@livipivi, nei bi mir hät das nüt mit de hormon ztue! ich liide einersits unter spannigschopfschmerze, also ich tuen so die üssere iflüss verarbeite und lade alles uf mine schultere ab und das gaht mir dänn in chopf und andersits bini extrem wetterfühlig! s'guete isch, ich känne min körper mittlerwile so guet, dass ich im normalfall genau weiss, woher s'chopfweh chunnt, wils immer es anders isch... drum tip ich bi geschter ufs wetter! a de pille liits nöd, die hani vor 4 mönät au abgsetzt und han immer no chopfweh (und dezue ane jetzt no anderi liide ) ui us em buuchnabel blüete findi au no krass! das hani ja no nie ghört.... migräne isch ebe glaubs au nöd so toll, das hani aber zum glück nöd! ich han villicht so all 1-2 mönät mal es ganz starks chopfweh, wo mir au vier ponstan am tag nüt meh hälfed, aber ebe, das gits zum glück nöd sooooo oft....

bi mir gits hüt lachs mit salat zum zmittag und natürlich e schiibe roggebrot und en öpfel! woni das hüt morge parat gmacht han, hani dänkt, läck, eigentlich isch es scho mega viel, wo ich da chan ässe, bim öpfel hani dänn nämlich amigs chli problem, dass ich de chum meh mag.... am abig gits dänn zuchetti mit ricotta überbacke, das hani erscht mit mb entdeckt und das findi würklich mega fein!

ou artischocke hani gar nöd uf em plan, debi hani die au so gern :o((

lg nimbini

• Zitieren

hi zeme

was mi mol würd wunder neh, er redet immer vo dem riis-entlastigstag. was heisst das? esst me eifach de ganz tag riis oder riis gmischt mit suppe oder sus was? finde MB interessant, han mi bisher aber no nie dämit befasst. will wenns eifach nur bars riis isch, findi das jetzt ganz und gar nöd tragisch. das machi schliesslich au uf gschäftsreis wenns mer magetechnisch nöd guet isch in asie :-) und no e frögle, dörf mer gwürz däzue tue oder nöd? denn zb mit chilli gäbs abwechslig, aber wohrschinlich ligt das denn nöd drin, so wie bim faste safte kürli.

grüesslis und hey nimbini, de zmittag tönt doch super, i love salat und lachs, bin eh en salottiger, han gad freud gha dass saisonkuchi magazin e salot edition usebrocht hät. jetzt gis die wuche jede obet en andere salot.

carmile

• Zitieren

@carmile, also die erschte zwei täg sind ebe die entlastigstäg! da chasch ussueche zwüsched frücht-, gmües-, riis, härdöpfeltag..... riis wäred jetzt 200 gramm gsi am tag.... aber natürlich ohni gwürz etc... eifach blutt, ohni gschmack, wäääh! am morge hani aber no en löffel ungsüessts öpfelmues chöne dezue tue..... isch übrigens natur-riis, de hani vorher no nie gha und de findi irgendwie au komisch! also ebe, für mich gits nächst mal nur no frücht- und härdöpfeltag, die zwei sind mer am eifachste gfalle.....

ja finde min zmittag au super, wobi ich muess säge, de salat i de erschte zwei wuche, wo ich kei öl dörf benutze, nöd soooo fein finde! eifach salat mit öpfelessig und gwürz isch nöd so prickelnd! wird ich wohl dänn die nächste zwei wuche vermiide, aber nachher isch wieder super, wänn ich die verschiedene öl dörf bruuche....

lg nimbini

• Zitieren

hey livi, han ebe balsamico nöd druf gha, aber tiffany-girl hät gschriebe, sie bruucht de au! jetzt hani au kauft.... aber han no en neue öpfelessig "vom fass" kauft und de isch au besser als de vom migros.... wie wärs dänn mit rüehrei zum zmorge mit gmües? ich mache das amigs am weekend, isch mega fein mit champignons oder zuchetti oder tomate.... ich dörf zum glück chuehmilchprodukt, drum gits unter de wuche immer yoghurt mit frücht und brot.... obwohl ich natureyoghurt früehner au nöd abebracht han, aber mit de richtige frücht gahts ganz guet!

apropos verbot, ich han ja gar kei fleisch druf, nur gflügel! wil ich aber fleisch mega gern han, hät min betreuer gmeint, ich dörf nach de strenge phase scho so 1-2 mal fleisch ibaue i min plan! han eifach min konsum drastisch kürzt, aber ganz verzichte chan ich nöd! also du gsehsch, mängisch bruuchts so es verbot eifach....

• Zitieren