hi all

ja 2kg find ich natürlich au super, aber angesichts dessen, dass es no öppe 10x soviel sötted si, han ich doch eher no en seeeeehr, sehr lange, beschwerliche Weg vo mir *seufz*

@livipivi und prinzessin, also sind mer nöd bös, aber es tuet irgendwie no guet z'läse, dass ich nöd allei bin mit dem problem! mini kollege lueged mich immer schief a, wänn ich säge, dass ich de ganz tag umehocke und nüt gschieds ztue han... die chönd das alli nöd verstah! und ich verzwifle fascht a dere situation (isch ja nöd zum erschte mal, dass ich so en job han).... und ebe, ich bin eigentlich au immer so en positive und ufgstellte mänsch, aber wänns halt im job nöd stimmt, hät das leider en extreme impact ufs ganze privatläbe, wo bi mir ja eigentlich au alles stimmt und alles bestens isch..... ich bin mer jetzt ernsthaft am überlege, ob ich nöd söll afange, mich bewerbe und mir en neue job z'sueche! d'frag isch eifach, isch es besser ame neue ort? was machi, wänns i de kündigungsfrist no würdi ischlah? isch halt alles e chli doof im momänt....

@tiffany-girl, ja ich weiss, ich bin ganz klar de fruschtässer, wo anderi dänn amigs abnähmed, fang ich a fuettere und versueche, mit em ässe öppis z'kompensiere! drum isch en langwilige job gift für mich! eigentlich weiss ich genau, dass wänn ich afange zuenäh bime job, dass ich dänn was muess ändere, aber ebe, isch momentan echt nöd so eifach! ich wird wohl mal wieder müesse mit mim maa zämehocke und das disskutiere.... aber er wird mir eh säge, ich söll doch no chli durebisse!

hüt isch au wieder so en tag, wo ich mich ufrege im büro! han nöd viel ztue, aber das woni ztue han, schisst mich gröber a! de eint will mir immer meh arbeit gäh, worum ich ja eigentlich froh wär, aber leider isch das alles eso technische mischt und ich bin nunmal leider überhaupt nöd technisch versiert und verstah nur bahnhof, wänn de mit sim fach-chinesisch hinefüre chunnt! das begrifft de nöd, dass ich 1. e frau bin und 2. kein plan han vo technischem züüg.... ach ehrlich, am liebschte würdi de ganz bettel anewerfe und gah.....

@livipivi, ou so schön mit em seedamm plaza! mir händ no en guetschii für en feine brunch det, hämer uf d'hochyt übercho! händ en welle de summer ilöse, aber wänn mri dänn amigs am samschtigabig uswärts sind oder iglade oder bsuech händ, chömer am sunntig nöd au no soviel go hindere biige, das wär dänn too much! drum werded mer de mal ilöse, wänn mer en ruhige samschtig händ... aber ich freu mich also au scho jetzt druf, hihi!

@sony, also ich han au 10kg abgnoh vom zytpunkt her, woni mis chleid kauft han bis zu de hochzyt und die schniderinne vom bruutlade händ mer das chleid wunderbar chönne inäh, meh hät überhaupt gar nüt gseh, dass es mal viel grösser gsi isch! darum würd ich mir da nöd zviel gedanke drüber mache....

lg nimbini

• Zitieren

nicht registriert

nimbini: wow, mega längä Text, ha ids grad numä das gläsä wo du a mi gschribä hesch.

ja das weis ig scho oh, aber ig ga ds chleid nid inä "normalä" Ladä ga choufä, drum isch es evtl. scho besser weni wartä. und wenn i när äs viu schöners gseh, wo mir de geit bini de entüscht, das ig ds erst beschtä gno ha. ig dänkä das isch sicher besser no chhli ds wartä - ig ha ja zyt!

ps. la dr chopf nid la hangä, aller anfang ist schwer! u du schaffsch das... ig ha vor 3 wuchä mini jeans vo letschd Summer fürä gno, da si mir fasch d'Tränä cho, so 8kg machä mega viu us, u das isch mi apsorn gsi, witer ds machä, u nid uf ds gä!!!!

lg sony

• Zitieren

Hallo Mädels

Habe den Suppentag gut überstanden und gestern den ersten Tag in der strengen Phase auch. Es fällt mir zwar jetzt viel schwerer wie beim ersten mal, als ich mit MB angefangen habe. Hoffe, ich halte trotzdem durch!

Ich wünsche denjenigen, die heute ans Brauttreffen gehen viel Spass! Schade, bin ich nicht auch aus der Gegend

Wie geht es bei euch anderen mit MB? LG

• Zitieren

nicht registriert

@Diddl und Prinzessin: Klar schafft ihr das!!! Ihr seit top motivierte junge Frauen, habt ein Ziel und ihr bändigt eure inneren Schweinehunde zu kleinen Chiwawa's!

Hand in Hand... ein Leben lang, seit dem 07.05.2011

• Zitieren

livipivi:

---

@Diddl und Prinzessin: Klar schafft ihr das!!! Ihr seit top motivierte junge Frauen, habt ein Ziel und ihr bändigt eure inneren Schweinehunde zu kleinen Chiwawa's!

Hand in Hand... ein Leben lang, seit dem 07.05.2011

• Zitieren

Ich bi morn sitere Wuche mit MB dra! Hüt hani die erst richtig Heruseforderig gha! Mer hend Gipfeli UND e Chueche ubercho! Aber ha die guet gmeisteret, ha mis Gipfeli grad wiietergäh!

Au die 5Stund zwüsche de Mahlziite send guet zum ushalte! Es isch sogar schön, wenn dr Mage vorem Mittag wiedr mal richtig chnurret, de freut mr sech grad numal meh ufs Esse!!

Sunnigs Tägli @all!

Und viel Vergnüege hüt am BruutTreff


hend e wunderschöne 2. Juli 2011 gha - eifach unvergesslich

• Zitieren