| Metabolic Balance |
|
|
1 .. 5 6 7 8 9 .. 98 .. 187
|
|
PrinzessinN nicht registriert am 27.07.2011
Re: Metabolic Balance
hahahaha ihr sind die beste. ich jogge gar nöd gern. hans erst vor kurzem wieder versuecht. bin 15 min. grennt (han s gfühl gha, ich renne sit ere stund oder so) und han mich nüme für meh chöne motiviere. bim nächste mol wieder s gliche  . denn hani mich uf mis velo gschwunge und bin um d hüser kurvt. das machi echt gern...söti wieder mol afange...
schwümme findi au super...aber wie d nimbini scho seit...findi au blöd wege de hoor hahahaha
yoga chönti mol probiere...
...Today, Tomorrow And Forever...You'll always be my love...8. Oktober 2011
|
|
|
|
livipivi nicht registriert am 27.07.2011
Re: Metabolic Balance
min "Kleiderständer-Velo" hani vor 2 Jahr verkauft, nachdem er igstaubt gsi isch und scho en scho fast nüme gfunde hesch unter de diverse Sache wo druf glege sind  Ja d Haar, das doofe Chlor isch ja scho ned so de Hit wenns z viel i de Haar hesch  Joga hani na nie gmacht- aber ebe, ich versuechs jetzt mal mit mega langsam afange renne. Kenn ebe eini wo genau wie ich gsi bin und wos hüt richtig gnüsst wenns ie es Stündli chan go jogge (für mich völlig unverständlich) Aber wenn sie das gschafft het- das seit min Stolz- mues es doch möglich si 
wir hatten unseren schönsten Tag am 07.05.2011
|
|
PrinzessinN nicht registriert am 27.07.2011
Re: Metabolic Balance
Ich find ebe, me mues öppis mache, wo eim Spass macht. Sust bringts nüt und me wirds uf d Dur nöd regelmässig mache.
...Today, Tomorrow And Forever...You'll always be my love...8. Oktober 2011
|
|
dia nicht registriert am 27.07.2011
Re: Metabolic Balance
Wenn ich mi do dörf dri mische:
Ich ha scho lang e gmeinsams Hobby welle mit mim GG (sis isch Töff fahre und mis shoppe nei, nei)
So händ mir agfange zämme go squash spiele. Do goht me au gärn zämme und me isch motiviert zum go, denn niemerts vo uns möcht zue gäh, dass er nid mag oder kei Lust het...
Sunst mach ich halt no Zumba
Das isch mit Musik und Tanze verbunde, das find ich super und gang auch jedi Wuche gärn...
Lg, dia
....unser Traumtag war am 21.5.2011...
|
|
livipivi nicht registriert am 27.07.2011
Re: Metabolic Balance
Hey Dia- klar dörfsch mit rede- isch ja kein Privatchat Ja gsehsch da fangt mis Problem scho wieder a. Squash isch öpis vom schlimmste für mich- er spielts au gern und ich has au versuecht- aber das isch na schlimmer als Jogge
Und Zumba find ich super, has selber lang gmacht, aber jedes Mal mit mine Glenk Problem becho, wegem ewige Hüpfe. Das chönt mir ebe au bim Jogge blüehe.
Zumba find ich au meeega lässig. Aber ha amel fast nüme chöne laufe, denach und drum hanis wieder lah nach 3 Monät.
wir hatten unseren schönsten Tag am 07.05.2011
|
|
dia nicht registriert am 27.07.2011
Re: Metabolic Balance
Oh je, das isch denn schad...
Aber meinsch nid, wenn de jetzt so erfolgrich duesch abnäh, dass es mit dine Glänk denn besser goht?
Sunst für d Glänk isch s schwimme halt scho s beste...
Wie seit me so schön: Sport ist Mord!!
....unser Traumtag war am 21.5.2011...
|
|
livipivi nicht registriert am 27.07.2011
Re: Metabolic Balance
@ Dia- ja ich hoffes, drum probier ich s jetzt mal mit langsam afange Jöggele und wenn das guet gaht, chani immerna es Abo fürs Zuba (wo ja echt tüür isch) wieder mache.
Ja du seisch es- das ich min Leitspruch- Sport ist Mord
wir hatten unseren schönsten Tag am 07.05.2011
|
|
dia nicht registriert am 27.07.2011
Re: Metabolic Balance
Sag nüd, bi uns kostet e 10er Abo glaub 210.-!!!!
Mis isch au scho gli wieder noche... oh je, drbi gang ich no in d Ferie dä Monet... Das liebi Gäld!
....unser Traumtag war am 21.5.2011...
|
Tiffany-Girl  am 27.07.2011
Re: Metabolic Balance
Soooo, Lunchtime für Tiffany-Girl  ...
Ich bin ja drüümal ide Wuche über de Mittag is Aerobic, mir händ e super Instruktorin gha, de härti Chern sind immer die gliiche gsi, es isch mega gsi! Und dänn händs s Fitness zuegmacht  ... Jetzt warti mal bis nach de Summerferie und luege dänn, wasi mache. Zumba würd mich ebbe scho au na reize, aber muess mal luege, wie und wo, sones Migros-Kürsli macht mich halt scho nöd aa, wett lieber öppis "beständigs"...
@livipivi: Das wo d dia gschriebe hätt, funktioniert natürli nur, wäns öppis isch, wo ihr beidi neu aafanged, sobald eine scho öppis chan und de ander aafangt, isch für de ander immer en Chrampf und gar nöd lässig... Min Schatz und ich sind letschthii go Kanu fahre - chömmer beidi nöd, und deet, womer s Bötli usgleht händ, händs Eus nöd emal öppis erchlärt, sondern so gseit, ja, deet use, nemed eis vode blaue Böötli - häh?! Isch aber na cheibe guet gsi, inkl. gmeinsami Krisebewältigung etc. etc. - mir händ eus es paarmal im Chreis dreht und chli aagschnauzt, aber am Schluss isch guet gsi  ...
Ach ja, zum de thread nöd völlig kaputtmache: Hüt gits Pouletbrust und Broccoli bi mir  ...
LG,
Tiffany-Girl
Wir beginnen unsere schönste Reise am 16. / 17. September 2011
|
|
livipivi nicht registriert am 27.07.2011
Re: Metabolic Balance
@Tiffany: Mmmmmhhh lecker- ich dörf kei Brokoli De lieb ich aber!
Bi mir gits au Poulet mit Artischocke und tröchnete Tomate- Gmües.
übrigens schicke dir e PN vome super Zumbakurs, da i de nöchi und e mega lässigi
Instruktorin. Det bin ich amel gsi.
wir hatten unseren schönsten Tag am 07.05.2011
|
|
|
1 .. 5 6 7 8 9 .. 98 .. 187
|
Anmelden
