| Trash the dress! Wer kennts? |
|
|
1 2 3 4 5
|
nordliecht  am 28.03.2008
Trash the dress! Wer kennts?
hallo zämä
durs stebärä im internet bin ich uif folgendi meglichkeit gstossä und finds eifach genial! genai so eppis will ich nach meynrä hochzeyt mache und han grad meyni traizeygin gfragt - wo sälber fotigrafiert - eb sie das mit mier so en session wurdi abhaltä.
s'ganzi gaht drum, mit em bruitchleid mal ganz anderi fotänä z'machä. in see gumpä, uif em bodä umächraxlä, im schlamm badä, in luftiger hechi etc.
hiä findet iher me dezu  :
http://www.trashyourdress.de/galerie/septemper-2007.html
wer kännts ai, wer hets scho gmacht oder wär wurd so eppis ai machä?
griässli
nordliecht
miär freyid eys uif de 6. septämber 2008 :-)
|
|
|
Sille  am 28.03.2008
Re: Trash the dress! Wer kennts?
hallo nordliecht
also ich muss sagen, dass dies definitiv nix ist für mich.  zumindest in bezug auf: sich mit dem brautkleid im schlamm wälzen etc. andere fotos sind sicher ne idee wert und sicher noch was spezielles. aber ich habe (um ehrlich zu sein) doch recht mühe damit, das teure kleid mit dreck/schlamm oder anderem zu beschmutzen. das ist ja kaum mehr zu reinigen.
aber diese entscheidung muss jede braut für sich selbst treffen...
Sille & Andi heiraten am 6. September 2008
www.wirheiraten.ch/SilleundAndi
|
|
jovia nicht registriert am 28.03.2008
Re: Trash the dress! Wer kennts?
Hi nordliecht
Chund biz druhf ah würd ich säge, also im Schlamm wälze und in See gumpe oder so würd ich jetzt ai nid, aber so i luftiger Hechi ufemene (sichere) Grüst oder vorere Wand voll vo Graffity oder eppis am Bode find ich gsehd nu lessig uis - ächt mal eppis anders  .
Was willsch denn du eigentlich mit deym Hochzeytschleid nach de Hochzeyt mache?
Grüässli
Jovia
29.02.08 & 19.07.08
Editiert 28.03.08
|
nordliecht am 30.03.2008
Re: Trash the dress! Wer kennts?
wäg em dräck han ich eigentlich kei angscht. div. breyt hend scho gschriibä, dass dui de dräck tip top wieder zum chleid uis bringsch. wenn ich amigs a die dunkelschwarze schleppänä vo dene chleider dänke nach em hochzeytstag und die werdid ai wieder suiber
was ich mit meym chleyd machä weiss ich nunig. ich chan mier vorstelle, dass ich es im schrank innä hortä wirdä. drum ,will ich es vorhär ai nu einisch "richtig" bruichä 
griässli
nordliecht
miär freyid eys uif de 6. septämber 2008 :-)
|
cannella  am 31.03.2008
Re: Trash the dress! Wer kennts?
Hallo Nordliecht
Ich bi total begeisteret vo dere Idee!! Erschtens lieb ich schöni Föteli (ja zuegäh, au vo mier...), zweitens find ichs es mega schöns Gfühl, nach em Hochziig sis Chleid ganz "offiziell" nomal döffe azlegge und drittens hätt ich scho immer wellä mit em Hochziigschleid Föteli im Wasser ect. mache, aber am Hochziig sälber isch das natürlich ned möglich...
Was ich aber wohl eher ned wür mache, wär das mit em Schlamm... gsehd zwar cool us, aber für das wär mer mis Chleid de glaub doch es bitz z schad... Würs aber wahrschindlich glich mache wie du und mis Chleid für die nächschte Jahre eifach im Schrank horte und "nur" für das isches doch irgendwie au z schad, ned??
Ich ha jetzt mal vo dene de Priis agfragt, wirde das aber sicher au mit üsem Fotograf no aluege, öb er so öppis au wür mache. Evt. würd ichs aber au vomene andere als üsem Hochziigsfotograf lah mache, will die sind scho extrem tüür und ich dänke, en andere profesionelle Fotograf wür das au hibringe.
Merci vielmal für de cooli Tipp!!
Es Grüessli
Cannella
|
madmadi am 31.03.2008
Re: Trash the dress! Wer kennts?
Mer gfallt die Idee eigentli ou ned schlächt. Velecht wär's no es loschtigs Wiehnachts-Gschänkli als Kaländer före fröschbachni Ehemaa...
Aber i weiss ned, öbis so lässig finde, dass ich ds Gäld deför wörd id Finger nä. Choschtet secher no rächt, wenn das mindischtens en halbe Tag duret.
Was wäre abgseh vo dene, wo uf de HP send so Locations, wo der öich chönntet vorstelle?
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
nordliecht am 02.04.2008
Re: Trash the dress! Wer kennts?
Spontan fall mier ii, z.b. Fotos i dä Nacht irgendo uif de Gass, inrä Bar am Threse, wär ich Beyrin (übersetzig: Bäuerin) , wurd ich im Stall stah und mistä, uif em Teff, im ne Dessousgschäft in Mittä vo andärä Kundinnä etc. Muess jetzt de grad putzä det chemit mier meischtens die beschtä Idee. Ich mäldä sii de
miär freyid eys uif de 6. septämber 2008 :-)
|
Anouk am 02.04.2008
Re: Trash the dress! Wer kennts?
so guäd, ha diä seytä scho länger im internet gfundä. miär hend das mit eysäm fotograf scho besprochä und wärdid das sichär machä nachäm hochzeyt. fräi mi etz scho druif! wiä genai wissid miär aber nuni. aber da ich meys chleid "hoffich" ämu nur einisch wirdä bruichä, isch äs miär gleych wenns na dräckig isch...
|
|
jovia nicht registriert am 02.04.2008
Re: Trash the dress! Wer kennts?
Hey, mier drey chenntid ja es "Nidwaldner-Trash-the-Dress-Shooting" am Awasseregg mache  hihihi.
29.02.08 & 19.07.08
|
nordliecht am 03.04.2008
Re: Trash the dress! Wer kennts?
cooli idee jovia !also ich wäri ja derbey....
miär freyid eys uif de 6. septämber 2008 :-)
|
|
|
1 2 3 4 5
|
Anmelden
