| Was ändert sich für Euch aufgrund der Hochzeit? |
|
|
1 2
|
cuenca  am 16.03.2010
Was ändert sich für Euch aufgrund der Hochzeit?
Hallo zusammen
Wir hatten letzthin eine Diskussion, was sich nun nach der Hochzeit ändert im Bezug auf uns als Paar. Ich meine jetzt abgesehen vom ganzen rechtlichen...
Wir haben von einem Paar gehört, dass 1/2 Jahr nach der Hochzeit bereits in Scheidung lebt. Dabei kam die Frage auf, ob man so etwas nicht vorausahnen kann...
Ich bin eigentlich der Meinung, dass sich nach der Hochzeit nichts ändern soll. Was meint ihr dazu?
Viele Grüsse
_____________________________________
Wir heiraten kirchlich am 4. September 2010
|
|
|
chloro  am 16.03.2010
Re: Was ändert sich für Euch aufgrund der Hochzeit?
Schwierig.Da gehen die Meinungen auseinander.
Ich kenne Paare, die sagen, es wäre nicht gut, wenn sich nichts ändern würde. Andere hingegen(wie wir auch) haben das Gefühl es sollte sich nichts ändern. Ausser natürlich der Name und dass man sich dann als Mann und Frau vorstellen kann.
Vielleicht erwarten viele zuviel von der Ehe oder auch dass sich dann alles zum Guten wendet oder so. Aber ich hoffe, dass sich zwischen uns nichts ändert und wir weiterhin so sind wie wir sind
|
sheilyn  am 16.03.2010
Re: Was ändert sich für Euch aufgrund der Hochzeit?
das hend mer üs natürli scho öberleid, bevor mer gross met hochzitszügs ahgfange hend. :)
i ben de meinig es werd witerhin so sie wie jetzt, was sell sech denn gross ändere?
klar mer esch no meh verbonde, symbolisch (reng), es stoht ufem papier...
aber söscht? nei mer dänked es werd sech nüd ändere.
ond das esch au guet so :)
mer hürotet am 26.06.2010 - i 3 kantön! ;)
|
silver83 am 16.03.2010
Re: Was ändert sich für Euch aufgrund der Hochzeit?
also bi üs hät sich bis etz nüt verändert, usser das mier das johr nur ei stürerchlerig hen müessä usfülä
also, was will scho veränderä, frühner wo mä den erst hät dörfä zämäzüchä und so, den hät sich alles verändert, aber eigentli alli paar wo ich kennä läben in ihrer parterschaft scho so wie wens verhürotet weren.
zu denä wo sich gad wieder trennen, die hen scho meistens doch scho vorhär problem ka und diä hen sich leider nid dur es hz in luft ufglöst... denkä aber hät nüt em hz ztue, diä hetten sich au trennt, wenn nid verhürotet gsi weren. kennä einigi, diä sich noch über 10 johr bezüchig trennt hen, au während der hz vorbereitig... so isch hald zläbä, garnatie gits jo nie
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
Carmile am 16.03.2010
Re: Was ändert sich für Euch aufgrund der Hochzeit?
i hoff es wird sich im grosse und ganze nöd viel ändere. was sicher schön isch vom feeling her, dass me denn sone richtigi chlini eigni famile gründe chan (chan me natürli au ohni hochzit, aber i find das unterstützt no sgfühl), me au noch usse zeme ghört, gad wenn de eine in spital möst, me ernster gnoh wird und und und...
was däfür sicher au e schattesite isch und wo mer chönt vorstelle dass es irgendwenn sicher wird es thema si..dass me sich zu sicher wägt und sich nümm glich bemüäht, das chan aber sowieso passiere wenn me länger zeme isch. nur denki, dass das durd ehe no chli unterstützt wird, will mer jo denn sozägä guet versorgt isch. und e scheidig überleit me sich sicher no um einiges me wie wenn me sich trennt. das isch eigentlich mis einzige bedenke.
|
sheilyn am 16.03.2010
Re: Was ändert sich für Euch aufgrund der Hochzeit?
do gebi der 100% rächt carmile, das gsehn ech genau so!
mer hürotet am 26.06.2010 - i 3 kantön! ;)
|
|
tinkerbell nicht registriert am 16.03.2010
Re: Was ändert sich für Euch aufgrund der Hochzeit?
also ech dänke ou das sech be üs eigentlech nüd gross werd ändere. ech dänke mol solang das mer ke chend hend werds im grosse ond ganze so wiiterloufe wie bishär. aso gfühlsmässig lieb ech ehn jo etzt scho öber alles ;-) nochhär chani eifach säge es esch mi maa ;-) aber so grossi, ischniidendi sache erwart ech etzt ned... muess mi de eifach a mi neu name gwöhne ;-)
***3. Juli 2010***
|
|
Franziska nicht registriert am 16.03.2010
Re: Was ändert sich für Euch aufgrund der Hochzeit?
Tja und andere lassen sich nach 10 Jahren noch den kirchlichen Segen geben!
So unterschiedlich ists im Leben.
 26. Juni 2010
|
Cherita am 17.03.2010
Re: Was ändert sich für Euch aufgrund der Hochzeit?
Ich empfinde es auch so, dass sich nach der Hochzeit nichts ändert, ausser man füllt die Steuererklärung zusammen aus, bezeichnet seinen Schatz als M E I N Mann ;-))
Eine Bekannte von mir hat ihren Freund mit 22 geheiratet und sie sagt auch, dass sich einfach überhaupt nix ändert ausser die rechtlichen Dinge. Sie sind jetzt bereits im 4. Ehejahr und sind überglücklech ;-)
**** *** ** * Ewig dein, ewig mein, ewig uns * ** *** ****
|
cuenca am 17.03.2010
Re: Was ändert sich für Euch aufgrund der Hochzeit?
Ich hoffe auch, dass sich bei uns nichts ändert, auf der anderen Seite, warum lässt man es nicht so wie es ist? Warum macht man den Schritt und heiratet? Sind es nur die offensichtlichen Vorteile (Steuererklärung, problemlosere Handhabung diverser administrativer Dinge, die das Paar betreffen, etc.) oder ist es eine emotionale Vorstellung, die dann besagt, dass man zusammengehört? Aber widerspricht sich das nicht mit der Vorstellung, dass sich nichts ändern soll?
Ich denke, dass da jedes Paar seine eigenen Begründungen/Überlegungen hat. Und wie Carmile schon gesagt hat... man muss aufpassen, dass man sich nicht plötzlich zu sicher fühlt und nicht mehr an der Beziehung arbeitet...
_____________________________________
Wir heiraten kirchlich am 4. September 2010
|
|
|
1 2
|
Anmelden
