@Inesse

au vo mer vell vell glöck das es no klappet mete schätzi...

ech wönsche mer au mega es kind... nur min Partner wet no warte
bes nöchscht johr, das esch jo ok, aber das heisst jo äbe no net das
es denn grad klappt...

gruss

• Zitieren

Hoi zäme
De wotti mau ned zroggblibe ond neme do a dere Omfrog teil
Auso mer wärde beidi das Johr 28gi. Zäme sind mer a öisem Hochzitstag genau 9 Johr. Kenne düend mer öis scho sit mer Chender sind.
Eg fende ou, dass jede söu denn hürote wenn er sech bereit fühlt derzue. Mer hätte jo ou scho früener chöne- theoretisch. Aber wöu eg no es Studiom gmacht ha ond mer wäge däm noni hei chöne zäme wohne hei mer zerst wöue teste öb das öberhaupt fonktioniert. Jetzt wohne mer sit me aus emne Johr zäme ond es klappet!
Mer hei emmer gseit, mer hürote a öisem zähjährige. Mi Frönd het mi aber völlig öberrascht met sim Atrag ond gmeint, mer chönte jo ou scho es Johr früener. Drom werds haut s'nünjährige...
Das met der Frogerei nach Nachwochs fendi mängisch chli störend. Eg werde of jede Fau aune säge, dass mer jetzt nonig wösse wenn ond öb mer öberhaupt Chend wänd ha. E ha so lang en Usböudig gmacht, dassi zerst mau chli wett schaffe...aber be öis Froue cha das jo ou schnäu ändere wenn dr Mueterinstinkt plötzlech doreschlot. Grondsätzlech fendi, dass me ou eifach "nor" os Liebi cha hürote ohni d'Familieplanig em Henderchopf z'ha.
@inessa: eg dröcke öich dr Dume, dass es doch no klappet met em Nachwuchs. Velech esch jo öiches Hochzit es guets "Omen"?

Grüessli
Piglet

• Zitieren

nicht registriert

hah, jetzt bini nüme di jüngst... he he ;-)

Und vo wo chömid ihr denn so?

• Zitieren

mer chömid vo Kriens und wohnid etz in Luzern!

• Zitieren

Also mi Fründ wird grad a üserem Hochzyt 37, ich werde am Samstig 28. Äs Paar simmer jetzt siit 10 1/2 Jahr.
Chind wetted miär eigentlich au, aber bis jetzt hämmer gwartet, und nun fangi ä neuä Job a im April, und sowieso wott ich bis zum Hochzyt im August jetzt au nid schwanger wärdä. Aber nachher probiäret's miär wohl au. Ich hoffä es klappt denn relativ gschnell.

• Zitieren

nicht registriert

Ich wünsch es dir, queen .. oft kommt es eben anders als man denkt, wir wussten ja auch das es das gibt dass es nicht klappt, ja auch im bekanntenkreis (sind grad an der künstl. befruchtung) aber eigtl. hat man immer gedacht: "uns trifft das nicht.."

ich frage mich wozu ich all das geld für die pille ausgegeben habe und manchmal wünschte ich wir hätten früher angefangen (es war ein missverständnis zwischen meinem schatz und mir - scheinbar wollte er auch schon länger..

so ich mach feierabend, wir lesen und morgen ihr bräute - ist schön mit euch zu schnaken

• Zitieren