Hallo zäme

Wer hürated süsch au no alles am 08.08.08?

Mier tüend den zivilisch und de grad am 09.08.08 kirchlich.

Was hend iehr dadefür scho alles eso organisiert? Sind iehr au chli schief aglueget worde, wenn iehr evt. scho vor emene ziitli sind diversi Sache go aluege oder provisorisch reserviere? Wär no cool, wemmer da chli chönnt Erfahrige ustusche. Bi gspannt, was iehr alles so Erläbid.

Es Grüessli

Cannella

• Zitieren

So, hoffe Arinas du hesch de Wäg dahi gfunde...

Mini Antwort uf din Kommentar: Genau us dem Grund hend mier mit div. Sache scho sehr früeh agfange. Mier hend zum Bispiel d Chile im Nov. 06 reserviert...und de Afangs 2007 zwoi Lokalitäte provisorisch buechet (hend zwar jetzt keini vo dene bedne gnah), au de Fotograf hend mier scho im Herbst 06 buechet gha. Mier sind viellicht chli egoistisch, aber mier wänd ned, dass mier uf irgenden Wunsch müend verzichte, will öppis scho usbuechet isch und drum simmer au so früeh dra.

A de Chilemusig simmer no chli am umestudiere. Mier hend äbe üses gmeinsame Lied (I belong to you vom Eros & Anastacia) womer unbedingt wettid i de Chile ha, aber das isch äbe rächt schwierig, dass es Duo gfindsch wo das singt...ohni dass es grad es Vermöge choschtet.
En anderi Idee sind d Alphörndler vo mim Schatz (er spielt sälber Alphorn) oder en guete Kolleg wo scho a vielne Hochziite mit sim Keyboard gspielt hed und au sensationell isch. Viellicht lömmer de halt üses Lied vo de CD ab und de rescht isch live. Tja, es isch ned eifach....aber soooo schön *smile*

Hesch du dis Chleid scho? Ich bi au da rächt früeh dra gsii, aber das eifach will ich mich verliebt gha han...

LG Cannella

P.s. Chasch süsch au mal uf üsere HP go luege, was mier alles scho so hend http://www.wirheiraten.ch/kenel-erni

• Zitieren

S Standesamt hemmer äbe nonig definitiv chönne reserviere, dass chamer bi üs erscht 6 Mönet vorher...aber ich känne d Standesbeamtin persönlich und drum sett das ned eso es Problem gäh.

Chasch di definitiv uf öppis freue, wennt gasch go Chleider probiere, isch uuuuu schön und meh fühlt sich würklich wie en Prinzässin! Ich ha mis Chleid bi de Pronuptia in Zürich gkauft, die sind sehr zuvorkommend und de Service isch super, vorallem wirsch det ned wie en Nummere behandlet. Bi au no bi Chez Janine in Buebikon gsii, aber das hed mer gar ned passet, die sind sehr unflexibel! Weisch scho, wo du wettsch go luege?

• Zitieren

Ouh ja, das merksch sofort. De bekannti WOW-Effekt chamer fascht ned verfähle! Und glaub mer, du chasch de no so viel anderi Chleider alegge, es nützt nüd, du muesch de das einte ha!!

Vo wo chunnsch den du?

• Zitieren

Hmm, muess ehrlich säge, weiss ned öbs möglich gsii wär. Ich ha das Chleid scho im Internet gseh gha und mi det verliebt. Has de au i zwoi verschiedene Gschäfter agha und no viiiieli anderi, bi de aber glich bi mim erschte Chleid wonich je agah hange bliibe.
Wills grundsätzlich es Chleid us de 2006er Kollektion isch han ich gwüsst, dass ich das grad muess näh, wills es evt. nacher nüm chönd bstellä, es isch ja schliesslich denn scho Juli 07 gsii. Drum hed sich die Frag wägem reserviere gar ned gstellt. Aber falls es es Chleid us de aktuelle Kollektion isch, wür ich das Risiko igah, falls es ned chönntsch reserviere. Die bechömid die Chleider eigentlich immer no so öppe es Jahr lang. Und bis denn isch ja eh alles scho verbii *snifff*

• Zitieren

Hallo madmadi

Herzlich willkomme under de 08.08.08-Brüüt!

Mi Schatz und ich wüssed scho sitt emene wiili, dass mier denn wettid hürate und sind drum au scho fascht sitt emene Jahr chli am organisiere. S meischte mach aber scho ich, eifach will ich so voller Vorfreud bin und ned länger ha chönne stillsitze und nüt mache. Wemmer aber wieder mal öppis für s Hochziit gönd go aluege isch er mit Begeisterig debii. Gwüssni Sache han ich ihm au ganz klar "delegiert" und das klappet so ganz guet.
Ich glaub für d Manne isches generell ned glich tragisch wie für üs Fraue, wemmer jetzt zum Bispiil ned i de Wunschchile, mit em Wunschpfarrer oder i de Wunschlocation cha hürate, und drum sind mier da chli "verbissner".

Es liebs Grüessli us de Tüüfverschneite Innerschwiiz

Cannella

• Zitieren